Ireevi 5:11 - IWE ỌNỊNỊ

¹¹ Ọza ọnọọ ẹ̀ yị zụ sị arivadi ẹẹva à vị arekuku ẹẹva, ọ vaa sị ayị ọyị kwọ ikirogirami ọnyara vaa mẹ̀ ịsọvọ ịvị anị. Ẹ́ yị vaa sị angwẹ à vị eturare ọnyọọnyị tụ ọ, agụvị ka ịsị ịsọvọ ịvị ọ vị nị.

Ireevi 5:11 ပူးပေါင်းရင်းမြစ်များ

Ọyịkụra 16:18

Ịjị a sị ẹnya ana vi achẹva ịgarọọnị ngọ ọ, ọọza ana kụ́ rụrụ ọ yị vọ ẹtẹ; ọọza ana kú kiiki ọ yị rẹ jị ha. Ọpa ana hụ ọzọza rị ọzọza kụ́ nị.

Ọyịkụra 16:36

Ẹnya ẹnị ẹ sịị̄ mọ ịsa ịjọnọọ, ọnyara anị vị achẹva ịgarọọnị ọnya.

Ireevi 1:14

Àa vị inomi ọza ka ọnị aa sị vaa mẹ̀ ịsọvọ hị́ Ohomorihi nị, ọ̀ sị arivadi avị ozi arekuku.

Ireevi 12:8

Ọnyẹnẹẹ ọnọọ ẹ̀ yị zụ sị ozi atẹmẹ ọnyara vẹ, ọ vaa sị arekuku à vị arivadi ẹẹva, àa sị ọnya mẹ̀ ịsọvọ ana aā rị ịra, dị aa sị ọsa mẹ̀ ịsọvọ ịvị. Ohirẹsụ irehi Ohomorihi vaa mẹ ido ana a vaa sị kụ ịdọtị anịị kwooze, dị ọnẹẹ ọnọọ nị.

Ireevi 14:21

Ama ọza ọnọọ ọ̀ọ vị oniruwa, dị ẹ̀ yị vavọọ nyị ịsa ana vọrọ ka ọ̀ọ vị oniruwa, dị ẹ̀ yị vavọọ nyị ịsa ana vọrọ ka ọ̀ sị vẹ nị, ọ vaa sị ozi atẹmẹ ọnọrụ ọnyaa vẹ ọ̀yị m ẹ ịsọvọ ene si sí ụta varẹma, dị à sị mẹ ẹyịza ụnarenyi yị Ẹnẹyịmavara, ohirẹsụ irehi Ohomorihi ọ nyị nị. Ọnị a vaa sị mẹ̀ ịsaa sịị mẹ ka ọ̀ nị nị. Ọ vaa si ayị ọ̀yị kwọ ikirogirami ọnya ana a sị angwẹ orivi hùra, ọ̀ yị mẹ̀ ịsọvọ ịsọyịrị, dị ọ rẹ sị angwẹ orivi ijonggo ọnya beri ọ.

Ireevi 27:8

Ọza ana zẹẹ ịzẹzẹ ọnọnị ee ré osiye baaba, dị ẹ̀ yị zụ si ọpa irihi ana a jị tụ ọ nị, ọ vaa sị ọza ana a zẹẹ ịzẹzẹ anị aanị vee tù ohirẹsụ Irehi Ohomorihi, dị ohirẹsụ irehi Ohomorihi jị irihi ọyị pọ̀ tụ ọ yị ọ. Ọpa ụkata ọza ana zẹ ịzẹzẹ ọnọnị ọ́ vaa jị irihi yị ọ ọnị ó vee si nị.

Ireevi 5:12

Ọ vaa sị ayị vee tu ohirẹsụ irehi Ohomorihi, dị ohirẹsụ irehi Ohomorihi ọnọọ ka ayị uvoku ọnyara ana sị zụ ka a raà sị avaba anị va yị Ẹnẹyịmavara, dị ọ rị ọ ịra ịrẹsụ ụta ịsọvọ. Ịsọvọ ana a sịị vagu ịvị ọsọnị vị nị.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 5:9

O vee che anya anị ẹnyị sẹ akaakaha ụta ịsọvọ, dị ọ va ana vọ hi iruvo ụta ọnọọ. Ịsọvọ ana a sị vagu ịvị ọsọnị vị nị.

Ireevi 6:20

Ịhị àa sị ụvọ tụra wa ọyị vara wa ohirẹsụ irehi Ohomorihi, ẹ vaa mẹ̀ ịsọvọ ọnọnị yị Ẹnẹyịmavara: ẹ vaa sị ayị ọyị kwọ ikirogirami ọnyara ọ̀yịmẹ ịsọvọ ịsọyịrị naa yị Ẹnẹyịmavara. Ẹ̀ sị achẹva ẹnẹnẹ, dị ẹ̀ sị achẹva oruva.

Ịrịka 5:15

dị ọ̀ sị ọ vee tu ohirẹsụ irehi Ohomorihi. Dị ọ sị ibaari ana kwọ orogo ẹẹva dị asị a sị angwẹ hura a, dị asị ọ rẹ nyị eturare agụvị ka ịsa ịsọvọ ọnị ọva anị mẹ agụvị ka aa kụ ụhị ka ọnị ọ yẹ ịzẹyịza ose anị yọ nị.

Ịrịka 7:13

Ọ sị isiriva ẹnya ọnyara ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ nị.

Iruuku 2:24

Ẹ rẹ na ka ẹnị ẹ̀ na sị arekuku ẹẹva, àa vị ezi arivadi ẹẹva, dị ẹnị ẹ̀ sị mẹ̀ ịsọvọ, anka ọ́da Ohomorihi mẹ̀ rẹ kà a.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.