Ireevi 5:1 - IWE ỌNỊNỊ

¹ Ọza ọ̀ọ mẹ̀ ịvị agụvị ka â hị́ ọ ka ọ̀ va dọ ivenu ịnị orere, dị ó yi ka ọnị ẹ́ ị kà ịrẹyị nị, ọza ọnọọ vaa rị ụya anị.

Ireevi 5:1 ပူးပေါင်းရင်းမြစ်များ

1 Ohinọyị 22:16

Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”

1 Ohinọyị 8:31

A nyẹngụ nyị ọza ana mẹ ọhụva anị ịrẹyị odivi dị a za a vẹ ka ọ̀ va hị́ eku. Ọ̀ọ vẹ ọvịdị awụ va hị́ eku ahị ịsọvọ ini eehi ọọnị,

2 Ịtọpa 18:15

Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”

Ahẹ Ụgama 38:4

Ebira odivi amị vị ana ngụ mị tịtẹ anka ẹnya ọrata avọọ, mẹ yị zụ za a.

Ọyịkụra 22:11

aza ẹnẹẹ vaa nọ ọvịdị Ẹnẹyịmavara naa hị́ eku dị à sị mẹ̀ ọkarẹyị. Ọza ana a sị ịsụpa yị vaa hị́ eku ka ẹ yị vị ọnị ụvọta ọ vara eyi yi ịsụpa ọhụva anị. Ọ̀ọ vavọọ sị eku hị́, ọza ana nyị ịsụpa ọnọọ vavọọ vaa dọ. Ẹ yị nyị ụta ana kụkụ aa varẹma sị ọ.

Ụhịrẹyị 29:24

Ọza enee pe oyi rị aa kụ ayị ẹngụ anị huu nị. Ọ yị nyayịnẹ ka ịzẹyịza agụvị ka eku va za a.

Ụhịrẹyị 30:9

Asị ịnẹ na ha ọnị baaba, dị ọnị o hi ayị Ẹnẹyịmavara. Asị osiye ọngwọọngụ za ọnị, dị ọnị o vee yi ọ tịtẹ, dị ọnị vaa mẹ̀ ụhị nyị yọ.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.

Ezikẹẹrị 18:20

Ọza ana mẹ̀ ebira odivi, o vee su isu anị nị. Ozi ẹ́ yị vaa rị ụya ebira odivi ada anị; ada ẹ́ yị vaa rị ụya ebira odivi ozi anị. Ọza ọyịza vaa rị ọgụ ebira ọyịza, avọọ ọza odivi mẹ vaa rị ụya ebira odivi anị nị.

Ezikẹẹrị 18:4

Ka, ọnị ọ nyị avaba aza nị. Aza ana ma ozi ọnịrị ezi ẹnịnị, ọnị ọ nyị wa vabẹ nị, avọọ ọza anaaa mẹ̀ ebira odivi, o vee sú isu anị nị.

Ireevi 17:16

Ama ẹ̀ yị nyịna ịta anị, dị ẹ yị hụ enyi nị, ọ vaa rị ụya ịvị anị.

Ireevi 19:8

Ẹnẹyịmavara kà ọza ana àaa rị ọ vaa rị ịvị, agụvị ka ọ́ raa sị eyi oweyi ré ịsa ana a sị tụ irenyi yi ọnị Ẹnẹyịmavara. Ọnị é yi kuku ve rò ọza ọnọọ tụ ịnị aza anị

Ireevi 20:17

Ọnọrụ ọ̀ọ nyị ọyịnyara anị ọnẹẹ à vị adẹnyara anị, dị ọnịrị ọ sụ nị, à mẹ̀ ụhị nyị wa eyi avaba aza, dị à dụ wa hụụnị ẹkụra. Ọnọrụ ọnọọ ó ree ré ahwaahụ ọyịnyara anị ọnẹẹ à vị adẹnyara anị, agụvị avọọ, áa nyị ka ọ̀ rị ụya anị.

Ireevi 4:2

ọ̀ kà yị Anisirẹrị nịnị ka ọza ọ̀ọ nyeeyi sị ahụ jịnẹ ọda Ẹnẹyịmavara, dị ọ mẹ̀ ịvị vaa mẹ saasa ọda ẹnịnị.

Ireevi 5:15

Ọza oo nyeeyi, dị ẹ yị sị ịsa ana vị Ẹnẹyịmavara va yọ nị, ọ sị ịvị mẹ. Ọza ọnọọ vaa sị ịdẹba à vị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ọyị sị ụta varẹma yị Ẹnẹyịmavara. Ịsa a sịị̄ ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị.

Ireevi 5:17

Ọza ọnyọọnyị òo nyeeyi jịnẹ ọda Ẹnẹyịmavara, ọza ọnọọ ọọ mẹ̀ ịvị, ọ vaa rị ụya anị.

Ireevi 7:18

Uye ịsọvọ ọnọnị ọ̀ọ mẹ ẹkụhị ẹẹta, dị a kụkụ ị rị ọ nị, Ohomorihi ẹ́ yị vaa dọ ịsọvọ ọnị ọza ọnọọ mẹ. Ẹ́ yị rẹ vaa zá a ịrịkaa tụ ịnị ọyịzaa yị ọ. Enyisi ọ vaa vị nị. Ọza ana àa rị ọ, vaa rị ụya anị nị.

Ịrịka 9:13

Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị.

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

Ọdọvịdị 17:2

Ẹkụhị ọnya Imika ọ kà a yị ọnyị anị ka ẹkẹhị ọnyị anị ọnị ọ ka ọza ộ sị ịhị ọnọọ ana vị achuchu ẹẹhị rẹjịjị, ọnị ọnyị anị hu agụvị anị ee chi hi ọza ana sị ọ ịhị ọnọọ, ẹkẹhị ọnọọ ọ ya rị ọ nị. Ọ kà ọnị ọ sị ọ nị. Dị ọnyị anị ka Ẹnẹyịmavara ọ navọ o zee yị wụ.