Ireevi 4:7 - IWE ỌNỊNỊ

⁷ Ohirẹsụ ọbanyị irehi Ohomorihi ọnọọ vaa ka ọnọọ ku ọpanyị ẹyịna ịrẹsụ ụta ana aā rị eturare ịra ịnị anị ana ya ịnị ajẹngụ ịzọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tu enoze ajẹngụ Ẹnẹyịmavara ọnọọ.

Ireevi 4:7 ပူးပေါင်းရင်းမြစ်များ

Ahẹ Ụgama 118:27

Ẹnẹyịmavara ọ vi Ohomorihi nị. Ọ raà mẹ ka ò zoza yị. Jị avị rị ụvọ, dị waa jẹ ịrajẹ nịnị, dị waa nyị ẹzẹẹ kara aha ịsọvọ nịnị.

Ọyịkụra 29:12

Dị ụ va ka ịnị imaaru ọnọọ di u si igege che e sẹ ọpanyị ụta ọnọọ. Dị ụ và ana vọ hị́ iruvo ụta ọnọọ.

Ireevi 1:5

Ọza ọnọọ vaa wụ̀ imaaru ọnọọ ịzọọ. Ohirẹsụ irehi Ohomorihi nịnị anka Eerọnị vaa sị ịsụpa ọnọọ nọ ọvịdị Ẹnẹyịmavara, dị e ve che e sẹ ụta ịsọvọ eyi ẹnyị eyi ọsa. Ụta ịsọvọ ọnọọ vị ene hi tu enoze ana zịị ngụ ịnị ajẹngụ ọnọọ.

Ireevi 16:18

Ọ vaa jịnẹ tụ ẹhẹ ọgọnịị nọ ịnị ụta ana á yaa mẹ̀ ịsọvọ ana aā rị ịra, dị ọ na mẹ̀ ịsa avọrọ ka a mẹ dị à kụ ịdọtị anị kwooze. Aa nyị ka ọ̀ ká ụnọ ọnịrị ịdẹ ọnị ọ́ wụ, dị ọ và a ku ọpanyị ụta ịsọvọ ọnọọ ịnị ọgọgọ ẹyịna.

Ireevi 4:18

Ọ vaa ka ọnọọ kụ ọpanyị ẹyịna ịrẹsụ ụta ana a rị eturare ịra ịnị anị ana ya ịnị ajẹngụ ọnọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tụ enoze ajẹngụ Ẹnẹyịmavara ọnọọ.

Ireevi 4:25

Ohirẹsụ irehi Ohomorihi vaa jị igegee ngụ ịsụpa ọnọọ dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ.

Ireevi 4:30

Ohirẹsụ irehi Ohomorihi vaa jị igegee ngụ ịsụpa ọnọọ, dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ.

Ireevi 4:34

Ohirẹsụ irehi Ohomorihi vaa jị igegee ngụ ịsụpa ọnọọ, dị ọ sị da ọpanyị ẹyịna ụta ịsọvọ. Dị ọ va ana vọ kara iruvo ụta ọnọọ.

Ireevi 5:9

O vee che anya anị ẹnyị sẹ akaakaha ụta ịsọvọ, dị ọ va ana vọ hi iruvo ụta ọnọọ. Ịsọvọ ana a sị vagu ịvị ọsọnị vị nị.

Ireevi 6:30

Ama ẹ́ yị nyị ịsụpa ana a sị mẹ̀ ịsọvọ ịvị, ana a sị anya anị ngụ ịnị irehi Ohomorihi naa mẹ ịdanbono ẹvagu ịvị yị aza ana a vaa rị. Vị́ a vaa rị avaba anị ịra saka-saka nị.

Ireevi 8:15

Imosiisi ộ wụ ụnọ ọnọọ, dị ọ ka anị nị, ộ jị igege ngụ ọnọọ, dị ọ sị dá ọpanyị ụta ọnọọ ịnị ọgọgọ ẹyịna, ọnị ọ̀ sị sị ọtirenyi nị. Ộ sị ọnọọ ana vọ, dị ọ́ và a hi iruvo ụta ọnọọ nị. Aanị ọ́ mẹmẹ sị ụta ọnọọ tụ irenyi yị Ẹnẹyịmavara, dị ọ vara a ọnịnị nị.

Ireevi 9:9

Ezi Eerọnị, ê sị ụnọ ọnọnị va yị ọ, dị ọ jị igege ngụ ọ, dị ọ sị da ọpanyị hi iruvo ụta nị.

Anẹhwẹsọsị 2:13

Ama booro aanị, ẹwụrị Ijeesu Ikirisiti ọ sị vị ọnya nịnị. Ẹwụ nịnị ene vịdị noze rịrị ọọ, o mè sú di o che anya anị sẹ́ ẹtẹ, o reè si tere wu nịnị pe ẹngụ anị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Anihiburu 9:21

Dị Imosiisi re che anya ọnọọ sẹ́ ajẹngụ Ohomorihi ọnịrị avaba ẹnya ana a sịị̄ mẹ ahẹkẹ ịnị ajẹngụ ọnọọ nị.

Ẹtore 6:9

Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.