Ireevi 4:4 - IWE ỌNỊNỊ

⁴ Ọ vaa sị ọ vẹ enoze ajẹngụ Ẹnẹyịmavara, òo tu ịzọọ, dị ọ sị ụvọ tụra a ịrẹsụ, dị ọ wụ̀ ọ ọvịdị Ẹnẹyịmavara ịzọọ.

Ireevi 4:4 ပူးပေါင်းရင်းမြစ်များ

2 Ịtọpa 29:23

Dị a kụ́ ịdẹ ne tu Ihezekaya ọnịrị aza ka ẹ sị ụvọ tụra wa ịrẹsụ mẹ̀ ịsọvọ ịvị nị.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ireevi 16:21

Eerọnị vaa sị ụvọ anị ẹyịvaa tụra ẹvụ ọnọọ ịrẹsụ, dị ọ dọ irenu avaba ịsị edivi, ọnịrị ịvị ana Anisirẹrị nịnị mẹ̀ akamawụ ẹnịnịị kụ ọ ịrẹsụ, dị o chí ẹnya anị hi ẹvụ ọnọọ ịrẹsụ. Ọ̀ọ vavọọ sị ọ mẹ, dị ọ va dụ ẹvụ ọnọnị na ngụ ụnọmị. Á nyị ọza ana a nyị ka ọ̀ vavọọ dụ ẹvụ ọnọọ nị.

Ireevi 4:15

Ẹnị ọdọvịdị nịnị ẹkụra vaa sị ụvọ tụra ụnọ ọnọọ ịrẹsụ dị ẹ wụ̀ ọ ịzọọ.

Ireevi 4:29

Ọ vaa sị ụvọ tụra ọnyị ẹvụ ọnọọ ịrẹsụ, dị aa wụ̀ ọ ịzị a yàa wụ̀ ịsụpa ana a sị vaa mẹ̀ ịsọvọ ana a rị ịra.

Ireevi 8:14

Dị ọ va sị ụnọ araka ana aa sịị mẹ̀ ịsọvọ agụvị ebira odivi aza vẹ nị. Ịjị ọ raa sị ọ vẹ dị Eerọnị ọnịrị ezi anị sị ụvọ tụra a ịrẹsụ nị.

Ịrịka 8:12

Ọ vavẹ ịrẹma ọnọọ, dị Anireevi nịnị ẹ kụ ụvọ tụra ụnọ ẹnẹẹ ịrẹsụ. Dị a sị ụnọ ọnya mẹ̀ ịsọvọ ẹvagu ịvị, dị a rị ụnọ ọsa ịra dị a sị hine Ẹnẹyịmavara ayị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.