Ireevi 4:32 - IWE ỌNỊNỊ

³² Ọza àa sị ozi atẹmẹ vaa mẹ̀ ịsọvọ agụvị ịvị anị, ọ sị ẹnẹ ẹ̀ yị tụ ọkụmị.

Ireevi 4:32 ပူးပေါင်းရင်းမြစ်များ

Ọyịkụra 12:3

Dị ọ ka ọ kà a yị avaba Anisirẹrị ka ịhị ẹ tụ́ ọ ẹkụhị ẹẹwụ ịnị ụhwẹ ọnọnị ọzọza vaa hị́ atẹmẹ ọnya yị aneehi anị. Ovwoovu ọnya vaa hị́ atẹmẹ ọnya.

Ọyịkụra 12:5

Ọ kà atẹmẹ ẹnị ẹ̀ẹ sị ọ vị ịdẹba ịrayị ọnya, dị asị a nyị ịsị ẹ mẹ̀ ẹ vụrụ-vụrụ. Dị ọ ka òo zee wa eyi ahịka ẹvụ ẹ vavọọ sị nị.

Ayịsaya 53:7

 mẹ ẹvaya yọ, dị a sị ụya rị ọ nị, ama ẹ yị ha irenu ka ịrẹyị ọnyọọnyị. Anka ozi atẹmẹ ana a sị aa naa wụ avọọ, atẹmẹ ana aa naa wụ mẹẹ̄ jẹẹ sii, avọọ o mee re ẹtẹ kẹnẹ, dị ẹ̀ yị kà ịrẹyị nị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 4:28

Àa maanịị kà a yọ kẹnẹ ka ọ sị ịvị mẹ, ọ vaa sị ọnyị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ịvị anị.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Anẹhwẹsọsị 5:27

Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.