Ireevi 4:31 - IWE ỌNỊNỊ

³¹ Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị.

Ireevi 4:31 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ẹzịra 6:10

Ẹ vavọọ mẹ agụvị Ohirẹsụ irehi Ohomorihi ẹ zụ mẹ̀ ịsọvọ ene hine Ohomorihi ayị, dị ẹ zụ mẹ̀ aduwa yị ọnịrị ezi anị.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ọyịkụra 29:18

Dị ụ va sị avaba ịdẹba ọnọọ dị ụ rị ọ ịra ịrẹsụ ụta ọnọọ. Ẹmị ụ rị ọnọọ ịra yị nị. Agụ anị ô zee mi eyi ẹtẹẹtẹrẹ.

Ayịsaya 42:21

Ayị Ẹnẹyịmavara ô hine, agụvị ịsa ana vọrọ ọnị ọọ̄ mẹ̀. Ộ sị ụbanyị yị ọda anị, dị ọ mẹ ka ọ nyị igirima nị.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:17

Ana vọ ịnị inomi ọnọọ vị ọnị ohirẹsụ irehi Ohomorihi vaa vọ zị oze ịnị avaka anị, ama ẹ yị vaa jị avaka anị kwooze. Dị ọ va rị avaba anị ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:9

Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Ireevi 14:18

Ohirẹsụ irehi Ohomorihi ọnọnị vaa và angwẹ ana vọ tụ ịnị ụvọta anịị hi ọza ana nyị ka à nyịna ịdọtị anị aanịị ịrẹsụ. Aanị a mẹ vaa mẹ avaba ido ẹnẹnị, dị à vaa kà a ka ụkụ ọza ọnọnị ọ́ọ tá nị.

Ireevi 15:15

Ohirẹsụ irehi Ohomorihi vaa si ọnyaa mẹ̀ ịsọvọ ịvị, dị ọ sị ọsa mẹ̀ ịsọvọ ana aā rị ịra. Aanị ọ mẹ vaa mẹẹ mẹ̀ ịsa vọrọ ka à mẹ yị ọ dị ọza ọnọnị ọ̀ nị nị.

Ireevi 19:22

Ohirẹsụ irehi Ohomorihi vaa mẹ ịsị a vọrọ ka à mẹ ọyị nyịna ọza dị à sị kụ ịvị ọnọrụ ọnọọ mẹ̀ kwooze, Ohomorihi vaa vagu ọ.

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

Ireevi 2:9

Ohirẹsụ irehi Ohomorihi ọnọọ vaa dàa hụụnị ịbụrẹdị ọnọọ ana vaa sị zụ ka avaba anị a sị va yị Ẹnẹyịmavara nị. Dị ọ rị ọ ịra ịrẹsụ ụta ịsọvọ. Agụ ịsị ịsọvọ ọnọọ vị eneē hine Ẹnẹyịmavara.

Ireevi 4:19

Dị ọ vaa sị avaba ụhị araka Imaaru ọnọọ dị ọ rị ọ ịra ịrẹsụ ụta ịsọvọ.

Ireevi 4:26

Ọ vaa rị avaba ụhị ịsụpa ọnọọ ịra ịrẹsụ ụta ịsọvọ anka ọ mẹ rị ụhị ịsụpa ana a sị mẹ̀ ịsọvọ ọ yị pe Ohomorihi mẹ uzee ịra avọọ. Aanị ohirẹsụ irehi Ohomorihi mẹ vaa mẹ̀ ịsọvọ yị ọdọvịdị ọnọọ, dị aa va gụ ịvị anị yọ nị.

Ireevi 4:35

Ọ vaa kụ avaba ụhị atẹmẹ ọnọọ anka a mẹ kụ ụhị atẹmẹ ana a sị va mẹ̀ ịsọvọ ọyị pe Ohomorihi mẹ uzee avọọ, dị ọ rị ọ ịra ịrẹsụ ụta beri ịsọyịrị ana a sì va mẹ̀ ịsọvọ yị Ẹnẹyịmavara. Aanị ohirẹsụ irehi Ohomorihi mẹ vaa mẹ vaa mẹ̀ ịsọvọ yị ọza ọnọọ, dị a vagu ịvị anị yọ nị.

Ireevi 5:10

Ohirẹsụ irehi Ohomorihi vaa sị ọhụva mẹ̀ ịsọvọ ana a rị ịra anka a mẹ mẹ ọda anị. Aanị ọ mẹ vaa mẹ̀ ịsọvọ agụvị ịvị ọnị ọza ọnọọ mẹ dị a vagu ọ nị.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 8:21

Á mẹ raà nyịna iruvu ịdẹba ọnọọ ọnịrị ahụ anị, dị Imosiisi na rị ana vọ ịra nị. Ịsị ịsọvọ ana a rị ịra aanị vị ịsọyịrị. Agụ anị ô hine Ẹnẹyịmavara.

Ịrịka 15:25

Dị ohirẹsụ irehi Ẹnẹyịmavara sị ịsa ịsọvọ ẹnẹnị da ịpẹ ịvị ịragụ Anisirẹrị nịnị, dị Ẹnẹyịmavara ọ vagu wa agụvị ka ẹnịnị ẹ yị yẹ. Dị ọ nị wa agụvị ịsa ịsọvọ ana a rị ịra ọnịrị ịsọvọ ịvị ẹnịnị.

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.

Anihiburu 10:14

Ịsọvọ ụpẹ ọnya kẹnẹ Ìkirisiti mẹ nị. Dị ọ sị mẹ ka aza ọnị ọnị sị vara aza anị ọnịnị, ẹ̀ kụkụ vị ọyịgụ pooro zịna-zịna nị.

Anihiburu 9:12

Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.