Ireevi 4:3 - IWE ỌNỊNỊ

³ Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara.

Ireevi 4:3 ပူးပေါင်းရင်းမြစ်များ

2 Ịtọpa 29:21

Ẹnịnị ệ sị ụnọ ịhịmba, ịdẹba ịhịmba, atẹmẹ ịhịmba, ịdẹ ịhịmba ka a sị mẹ̀ ịsọvọ yị avaba ẹtẹ, irehi Ohomorihi, ọnịrị Ijuda. Dị Ihezekaya mẹ ọda yị ohirẹsụ irehi Ohomorihi ana vị ezi Eerọnị ka ẹ kụ uye ẹnẹẹ mẹ̀ ịsọvọ ịrẹsụ ụta Ẹnẹyịmavara.

Ẹzịra 8:35

Ẹnị ana va hụrẹ Ịbabịrọnị vẹ eehi ệ mẹ̀ ịsọvọ ana aā rị ịra yị Ohomorihi Anisirẹrị. Ệ sị ụnọ ẹwụrẹva mẹ̀ ịsọvọ yị avaba Anisirẹrị nịnị, dị ẹ sị ịdẹba ẹnarẹwụ tụra ịhịnọnyị, ozi atẹmẹ ẹtarẹwụ tụra ịhịmba ọnịrị ịdẹ ẹwụrẹva mẹ̀ ịsọvọ ịvị nị. Avaba uye ẹnẹnị vị ana aa rị ịra ịsa ịsọvọ yị Ẹnẹyịmavara.

Ọyịkụra 29:14

Ama uye imaaru ọnọọ ọnịrị ịtụmpaha anị ne beri iruvu anị vị ọnị ụ vaa kụ́ ụ jịnẹ hụrẹ ịzị ụ jị udi tụ́ nịnị dị ụ na rị ọ ịra. Ịsị a sị mẹ̀ ịsọvọ ka ọ̀ kụ́ ịvị ohirẹsụ irehi Ohomorihi kwooze ọ vị nị.

Ọyịkụra 29:21

Dị ụ va sị ana yà ịnị ụta ọnọọ beri angwẹ ana a sị nyị ohirẹsụ irehi amị tụ́ ịnị ụkọrọ, di u che e sẹ́ Eerọnị ọnịrị awuru anị. Rẹ vavọọ che e sẹ́ ezi Eerọnị, ezi anị ọnịrị awuru ẹnịnị kụkụ vị aamị.

Ọyịkụra 29:7

Dị ụ sị angwẹ ana a sịị̄ nyị ọzaa tụ́ ịnị ụkọrọ amị, dị ụ ká a kú ọ ịrẹsụ dị ụ sị nyị ọ mị.

Ọyịkụra 30:10

Ụpẹ ọnya kẹnẹ ịnị ịrayị Eerọnị vaa gụ̀ ọpanyị ụta ọnọọ nị. Anya ịsụpa ana a sị mẹ̀ ịsọvọ ka à zụ vagu aza ini ịvị ẹnịnị ọ vaa sị gụ̀ ọ nị. Avọọ ọ mẹ̀ vaa mẹẹ pooro nị. Ẹmị Ẹnẹyịmavara ọ vaa nyị avaba ụta ọnọọ nị.”

Ezikẹẹrị 40:39

 nyị itevuru ẹẹna ana ya ịnị aku ana a zịị̄ ngụ eehi aanị. Ẹvẹẹva ẹ́ vị tụ eyi ẹnyị-eyi ọsa ịnị aku ọnọọ nị. Ịrẹsụ itevuru ẹnẹnị aā wụ̀ ịsụpa ana aa sịị mẹ̀ ịsọvọ nị, ọ̀ọ vị ịsọvọ ana aa rị avaba anị ịra, ọ̀ọ vị ịsọvọ ana aa mẹ agụvị ebira odivi, à vị ịsọvọ ọ̀yị si ụta varẹma.

Ezikẹẹrị 43:19

 nyị ẹnị ohirẹsụ irehi Ohomorihi ana vị Anireevi; Evere ọnọrụ ana aā hị́ Ịzadọkị ẹ̀ vị nị. Ẹnẹyịmavara kà ẹnị ẹnẹẹ kẹnẹ ẹ vaa vẹ ọvịdị anị vaa mẹ̀ ụkọrọ yị ọnị nị. Ọ kà, ọnị ộ mẹ̀ ẹ ọda yị ọnị Ezikẹẹrị ka ọ sị ụnọ ọnya yị wa dị ẹ̀ sị mẹ̀ ịsọvọ agụvị ebira odivi ana aza mẹ.

Ezikẹẹrị 44:27

Ẹnẹyịmavara kà ịhị ọ́ọọ vanaa ngụ aha ọnịnị naa mẹ̀ ụkọrọ, ọ vaa vịdị mẹ̀ ịsọvọ yị ẹngụ anị agụvị ịvị ọnị ọ rị.

Ireevi 1:10

Àa vị ịdẹba à vị ịdẹ ọza ọnọọ aà sị hụụnị ịsụpa ana aa pá vaa mẹ̀ ịsọvọ nị, ọ̀ sị ẹnẹ ẹ̀ yị tụ ọkụmị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 16:11

Ịjị Eerọnị ọ̀ọ raa sị ụnọ ọnọọ vẹ ọ̀yị mẹ̀ ịsọvọ ịvị yị ẹngụ anị, dị ọ́ raa pà ẹvagu yị ẹngụ anị ọnịrị aza anị nị, ọ vaa wụ̀ ọ.

Ireevi 16:3

Ama ọ̀ọ vaa ngụ aha ọnịnị ọnọnị, áa nyị ka ọ̀ vịdị sị ozi ụnọ ọnya mẹ̀ ịsọvọ ịvị da, dị ọ̀ rẹ sị ịdẹba ọnya mẹ̀ ịsọvọ ana aā rị ịra.

Ireevi 16:5

Avaba Anisirẹrị nịnị vaa kụụ gụ, dị ẹ sị ịdẹ ẹẹva va yị Eerọnị dị ẹ sị mẹ̀ ịsọvọ ịvị; dị ẹ sị ịdẹba ọnya mẹ̀ ịsọvọ ana aa rị ịra.

Ireevi 16:6

Eerọnị vị a sị ụnọ ọnyaa mẹ̀ ịsọvọ ịvịị yị ẹngụ anị, dị ọ sị pa ka à vagu ọnị ọnịrị aza anị.

Ireevi 4:14

obobooro ọnị ẹnịnị ẹ̀ẹ yẹ ka ẹnị ẹ́ sị ịvị mẹ, avaba ẹkụra vaa sị ozi ụnọ ọ yị mẹ̀ ịsọvọ ịvị ẹnịnị. Ẹ vaa sị ọ vẹ enoze ajẹngụ Ẹnẹyịmavara.

Ireevi 4:23

Àa maanịị ka a yọ kẹnẹ ka ọ sị ịvị mẹ, ọ vaa sị ịdẹ ẹnẹ ẹ̀ yị tụ ọkụmị vaa mẹ̀ ịsọvọ ịvị anị.

Ireevi 4:28

Àa maanịị kà a yọ kẹnẹ ka ọ sị ịvị mẹ, ọ vaa sị ọnyị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ịvị anị.

Ireevi 4:5

Dị ohirẹsụ ọbanyị irehi Ohomorihi ọnọọ ka ụnọ ọnọọ, dị ọ sị ọ ngụ ịnị ajẹngụ Ẹnẹyịmavara

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 6:18

Avaba ezi ọnọrụ ịpa Eerọnị ẹ zụ rị ịnị ịsọyịrị ana a sị́ va mẹ̀ ịsọvọ yị Ẹnẹyịmavara pooro nị, ọza ẹnẹsa ọ̀ọ na sị ụvọ kanyị ọ, vị ee re ẹngụkata nị.

Ireevi 8:12

Imosiisi ộ và angwẹ ọnọọ hi Eerọnị ịrẹsụ ọnị ọ sị nyị ọtirenyi yị Ẹnẹyịmavara.

Ireevi 9:2

dị ọ kà a yị Eerọnị ka, ọ̀ sị ụnọ ọnyara ọnịrị ịdẹba ọnyara, ẹnẹ ẹ̀ yị nyị ịsị aa zị, dị ọ̀ sị mẹ̀ ịsọvọ hi Ẹnẹyịmavara nị. Ụnọ ọnọọ vị ana aa sịị mẹ̀ ịsọvọ ịvị, dị ọ sị ịdẹba ọnọọ mẹ̀ ịsọvọ ana aa rị ịra.

Ireevi 9:3

Ọ̀ọ sị ọ mẹ, dị ọ̀ kà a yị Anisirẹrị nịnị ka, ẹ̀ sị ịdẹ ọnyara dị à sị mẹ̀ ịsọvọ ịvị, dị ẹ̀ sị ozi imaaru ọnyara ọnịrị ozi atẹmẹ ọnyara ẹnẹ ẹ̀ yị nyị ịsị aa zị, dị ẹ̀ vị ịrayị ọnyara, ọnọnị vị ẹnẹ ẹ vaa sị mẹ̀ ịsọvọ ana aa rị ịra.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ịrịka 8:8

Ẹnịnị ẹ sị ụnọ ọnịrị ịsa ịsọvọ ayị akụ ana a sị angwẹ orivi hura vẹ. Ẹ sị ụnọ ọhụva ana a vaa sị mẹ̀ ịsọvọ vaka vẹ.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anihiburu 5:3

Agụvị ka ọnị ụvọta o re zụ nyeeyi, áa nyị ka ọnị ọ̀ rẹẹ mẹ̀ ịsọvọ agụvị ịvị ẹngụ anị, anka ọ mẹ̀ raa mẹ̀ ịsọvọ agụvị ịvị aza ana vọ.

Anihiburu 9:12

Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.