Ireevi 4:12 - IWE ỌNỊNỊ

¹² dị ọ sị ọ jịnẹ tụ ẹhẹ hụrị udi ana aza hị́. Dị ọ sị ọ nọ aha ana nị ịzị aa va atịtọọ ha, òo tu ịzọọ, dị ọ sị ọkụ ka ịra, dị ọ sị rị avaba ụnọ ọnọọ ịra.

Ireevi 4:12 ပူးပေါင်းရင်းမြစ်များ

Ọyịkụra 29:14

Ama uye imaaru ọnọọ ọnịrị ịtụmpaha anị ne beri iruvu anị vị ọnị ụ vaa kụ́ ụ jịnẹ hụrẹ ịzị ụ jị udi tụ́ nịnị dị ụ na rị ọ ịra. Ịsị a sị mẹ̀ ịsọvọ ka ọ̀ kụ́ ịvị ohirẹsụ irehi Ohomorihi kwooze ọ vị nị.

Ezikẹẹrị 43:21

Ọ kà Ezikẹẹrị ọ̀ sị ụnọ ana a sị mẹ̀ ịsọvọ agụvị ebira odivi aza aanị, dị ọ sị ọ tụ ẹhẹ hụrị aha ọnịnị, dị ọ̀ sị ọ nọ ịzị a vịdị dà tịtẹ ịnị ẹtẹ irehi Ohomorihi, dị ọ̀ na rị ọ ịra.

Ireevi 13:46

Ịrẹma ọnị ụkụ ọnọọ yị yàrị ọ, ọ́ yị vaa nị, agụvị ka ẹ́ yị nị, ọ́ vaa hụụ ịzị aza ana vọ ra hi, dị ọyịnyara na ra aha ọsa nị.

Ireevi 16:27

Ụnọ ọnịrị ẹvụ ana wụ mẹ̀ ịsọvọ ịvị, ana a sị ẹnịnị ngụ aha ọnịnị ene hu aanị, vị ana a vaa sịị jịnẹẹ tụ ẹhẹ hụrị udi, dị ana rị wa ịra. Ịtụmpaha anị ọnịrị uye, vaka iruvu anị vị ana a vaa rị ịra bemi.

Ireevi 4:21

Ohirẹsụ ọbanyị irehi Ohomorihi vaa sị araka imaaru ọnọọ tụ ẹhẹ hụrị udi ana aza hi, dị ọ na rị ọ ịra anka ọ mẹ rị ọnị ọ sị mẹ̀ ịsọvọ ịvị ọnị ụvọta ịra avọọ. Ịsọvọ ọnọnị a sịị vaa gu ịvị ana avaba anẹkụra mẹ nị.

Ireevi 6:23

Avaba ịsọvọ ọnị ohirẹsụ irehi Ohomorihi sị ayị mẹ vị ana a vaa rị ịra. Ẹ́ yị nyị ana a vaa rị ịnị anị.

Ireevi 6:30

Ama ẹ́ yị nyị ịsụpa ana a sị mẹ̀ ịsọvọ ịvị, ana a sị anya anị ngụ ịnị irehi Ohomorihi naa mẹ ịdanbono ẹvagu ịvị yị aza ana a vaa rị. Vị́ a vaa rị avaba anị ịra saka-saka nị.

Ireevi 6:4

Ọza ana àa mẹ̀ ọnya ịnị ẹngụ ịvị ẹnẹnị, vee sí ịsa tụra ịsa ọnị ọ zị oze irikichi nyị avọọ varẹma.

Ireevi 8:17

Ama, dị ọ sị ana vọ ịnị ụnọ ọnọọ: ụpa anị, uye anị ọnịrị iruvu anị jịnẹ tụ ẹhẹ hụrị udi ẹnịnị, dị ọ na rị ọ ịra anka Ẹnẹyịmavara mẹ mẹẹ ọda yọ nị.

Ireevi 9:11

Uye anị ọnịrị ụpa vị ọnị ọ sị tụ ẹhẹ hụụ ịzị ẹ jị udi tụ, dị ọ na rị ọ ịra.

Ịrịka 15:35

Dị Ẹnẹyịmavara kà yị Imosiisi ka a vọrọ ka a wụ̀ ọ nị. Avaba anẹkụra ẹ sị ọ nọ ịrẹma ẹkụra, di e tu ọ ịrẹtịrẹta di o su.

Ịrịka 19:3

Imosiisi ọ̀ sị ọ yị Eriyaza ana vị ohirẹsụ irehi Ohomorihi, dị aa sị ọ nọ ịrẹma ẹkụra, dị aa wụ́ ọ eyi anị.

Ịrịka 19:5

Ọ vavọọ sị ọ mẹ dị ọ rị avaba ịtụmpa anị ọnịrị uye anị ne beri anị, na vaka ẹnyịnịnẹ anị ịra saka-saka.

Ịrịka 5:3

Ohomorihi ka ẹ̀ dụ ọza tụra ọza anaaa nyị ẹngụ ụkụ ẹnẹẹ. Ịzị ẹ ya ọ̀ nị agụvị ka ọnị ya ịnị akakana ẹnịnị.

Anihiburu 13:11

Ohirẹsụ ọbanyị irehi Ohomorihi vị anaā sịị anya uye ana a sị mẹ ịsọvọọ vẹ Aha Ọnịnị ịnị ajẹngụ Ohomorihi, dị ọ sị va mẹ̀ ịsọvọ agụvị ịvị ana aza mẹ. Dị a rị uye ọnọọ nyẹmba ịra ị́rẹma ẹkụra.