Ireevi 4:11 - IWE ỌNỊNỊ

¹¹ Ama ọ vaa sị ụpa ụnọ ọnọọ ọnịrị uye anị beri ịrẹsụ, ahụ, ẹnya ịnị ịnẹ anị beri iruvu

Ireevi 4:11 ပူးပေါင်းရင်းမြစ်များ

Ahẹ Ụgama 103:12

Anka ịzị ọyị zịị hụrẹ mẹ̀ noze rịrị ịzị ọ zịị naa ngụ ẹtẹ, avọọ Ẹnẹyịmavara mẹ̀ sị ebira odivi ayị noze rịrị ẹyị nị.

Ọyịkụra 29:14

Ama uye imaaru ọnọọ ọnịrị ịtụmpaha anị ne beri iruvu anị vị ọnị ụ vaa kụ́ ụ jịnẹ hụrẹ ịzị ụ jị udi tụ́ nịnị dị ụ na rị ọ ịra. Ịsị a sị mẹ̀ ịsọvọ ka ọ̀ kụ́ ịvị ohirẹsụ irehi Ohomorihi kwooze ọ vị nị.

Ireevi 16:27

Ụnọ ọnịrị ẹvụ ana wụ mẹ̀ ịsọvọ ịvị, ana a sị ẹnịnị ngụ aha ọnịnị ene hu aanị, vị ana a vaa sịị jịnẹẹ tụ ẹhẹ hụrị udi, dị ana rị wa ịra. Ịtụmpaha anị ọnịrị uye, vaka iruvu anị vị ana a vaa rị ịra bemi.

Ireevi 4:10

Dị ohirẹsụ irehi Ohomorihi ọnọọ rị avaba ụhị ọnọọ ịra ịrẹsụ ụta ịsọvọ. Ọ vaa rị ọ ịra anka ọ́ mẹẹ̄ rị ụhị uye ana a sị vaa mẹ̀ ịsọvọ oyi pe Ohomorihi mẹ uzee ịra avọọ.

Ireevi 4:21

Ohirẹsụ ọbanyị irehi Ohomorihi vaa sị araka imaaru ọnọọ tụ ẹhẹ hụrị udi ana aza hi, dị ọ na rị ọ ịra anka ọ mẹ rị ọnị ọ sị mẹ̀ ịsọvọ ịvị ọnị ụvọta ịra avọọ. Ịsọvọ ọnọnị a sịị vaa gu ịvị ana avaba anẹkụra mẹ nị.

Ireevi 6:30

Ama ẹ́ yị nyị ịsụpa ana a sị mẹ̀ ịsọvọ ịvị, ana a sị anya anị ngụ ịnị irehi Ohomorihi naa mẹ ịdanbono ẹvagu ịvị yị aza ana a vaa rị. Vị́ a vaa rị avaba anị ịra saka-saka nị.

Ịrịka 19:3

Imosiisi ọ̀ sị ọ yị Eriyaza ana vị ohirẹsụ irehi Ohomorihi, dị aa sị ọ nọ ịrẹma ẹkụra, dị aa wụ́ ọ eyi anị.

Ịrịka 19:5

Ọ vavọọ sị ọ mẹ dị ọ rị avaba ịtụmpa anị ọnịrị uye anị ne beri anị, na vaka ẹnyịnịnẹ anị ịra saka-saka.