Ireevi 3:5 - IWE ỌNỊNỊ

⁵ Ohirẹsụ irehi Ohomorihi nịnị vaa sị avaba ọsọnị ọnịrị ịsị ịsọvọ ana aā rị ịra, dị ọ rị wa ịra ịrẹsụ ụta Agụ ịsị ịsọvọ ọnọnị vị eneē hine Ẹnẹyịmavara.

Ireevi 3:5 ပူးပေါင်းရင်းမြစ်များ

1 Ohinọyị 8:64

 nyị ịnị akakana ohweje ana yà ọvịdị irehi Ẹnẹyịmavara. Ịhị ọnọọ Isoromọnị ohinọyị rẹ sị ịzọọ tụ́ irenyi yị Ohomorihi nị. Ini ohweje ọnọọ Isoromọnị yà sị ịsọyịrị mẹ̀ ịsọvọ, dị ọ rẹ kụ́ ịsa va yi Ohomorihi, dị ọ rẹ sị ụ̀hị̀ ịsọvọ ẹngwọọrọ mẹ̀ ịsọvọ nị. Ộ vavọọ mẹ ọnọọ ịzọọ agụvị ka aha ịsọvọ ana a sị enyusẹ ịkọpa mẹ ana yà ọvịdị Ẹnẹyịmavara o si weyi, ọ yị dọ ịsọyịrị ana a sị mẹ̀ ịsọvọ ọnịrị ẹyịza ana a kụ va yị Ohomorihi, ne beri ụhị ịsọvọ ẹngwọọrọ.

2 Ịtọpa 35:14

Avaba ẹkụhị ọyịvụrụ ohirẹsụ irehi Ohomorihi nịnị sị mẹ̀ ịsọvọ anaā rị ịra beri ụ̀hị̀ ọyị rịịra ịrẹsụ ụta nị. Ịjị avaba ịsọvọ ta wa mẹ, dị Anireevi nịnị mẹ̀ ịsọyịrị yị ẹngụ ẹnịnị ọnịrị ohirẹsụ irehi Ohomorihi nịnị ana vị evere Eerọnị.

Ọyịkụra 29:13

Dị ụ va kụ́ avaba ụhị ene hi ịnị ịnẹ imaaru ọnọọ ọnịrị ụhị ene kú ayị anị ne beri ẹhụ anị ẹyịva ọnịrị ụhị ene kú wa, dị ụ rị wa ịra ịrẹsụ ụta ọnọọ.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ezikẹẹrị 44:7

Ọ kà ẹnịnị ẹ́ yị sị ụbanyị irehi anị. Ẹnịnị maa sị ịsọyịrị, ụhị, ọnịrị vaa mẹ̀ ịsọvọ hi ọnị, ệ navọ ka anẹkụra ọsa ẹnẹ ẹ̀ yị và ebira odivi ẹnịnị ha, dị ẹ̀ yị ma saasa ịrẹyị anị è hi ịnị irehi anị. Ọ kà ẹnịnị ẹ raa sị ahụ jịnẹ ịrẹyị ọnị ọnịrị wa ka beri avaba enyisi ẹnẹ ẹ́ vịdị aa mẹ.

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:17

Ana vọ ịnị inomi ọnọọ vị ọnị ohirẹsụ irehi Ohomorihi vaa vọ zị oze ịnị avaka anị, ama ẹ yị vaa jị avaka anị kwooze. Dị ọ va rị avaba anị ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:9

Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Ireevi 3:11

Dị Ohirẹsụ irehi Ohomorihi anaa mẹ̀ ụkọrọ ụmẹ ọnọọ rị avaba ẹsẹnị ịra ịrẹsụ ụta anka ịsọyịrị ana sị̀ va mẹ̀ ịsọvọ yị Ẹnẹyịmavara.

Ireevi 3:4

dị ọ́ rẹ sị ẹhụ anị ẹyịva beri ụhị ana vaka wa ọnịrị ịpa ene hu ịnị ayị uye ọnọọ vaka a vẹ.

Ireevi 4:31

Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị.

Ireevi 4:35

Ọ vaa kụ avaba ụhị atẹmẹ ọnọọ anka a mẹ kụ ụhị atẹmẹ ana a sị va mẹ̀ ịsọvọ ọyị pe Ohomorihi mẹ uzee avọọ, dị ọ rị ọ ịra ịrẹsụ ụta beri ịsọyịrị ana a sì va mẹ̀ ịsọvọ yị Ẹnẹyịmavara. Aanị ohirẹsụ irehi Ohomorihi mẹ vaa mẹ vaa mẹ̀ ịsọvọ yị ọza ọnọọ, dị a vagu ịvị anị yọ nị.

Ireevi 6:12

Ịra vị ana vaa za ịrẹsụ ụta ịsọvọ pooro kẹnẹ, dị asị a zẹẹ ka ò mí. Ẹnẹnẹ-ẹnẹnẹ vị ọnị ohirẹsụ irehi Ohomorihi vee che ọkụụ hi ọ. Dị o tò ịsị ịsọvọ ana a rị ịra tụ ọ ịrẹsụ, dị aa rị ụhị ịsị ịsọvọ ene sii pe Ohomorihi mẹ uzee ịra ịnị anị.

Ireevi 7:28

Ẹnẹyịmavara ộ kà a yị Imosiisi ka,

Ireevi 9:17

Ộ sị akụ ana aa sị mẹ̀ ịsọvọ, dị ọ́ ká ayị uvoku ọnya vaka a, dị ọ rị ịra ịrẹsụ ụta nị. Ịsọvọ ọnọnị vị ọnị ọ́ mẹ vaka ịsọvọ eyinị-eyinị ana aā rị ịra.

Ịrịka 15:8

Àa sị ụnọ mẹ̀ ịsọvọ anaā rị ịra, a vị ịsọvọ kẹnẹ, a vị ịzẹzẹ, a vị ịsọvọ ẹngwọọrọ,

Ịrịka 18:17

Ama ọ zụ mẹ dị wẹ yị sị ẹkẹhị jị ezi ịpaapa imaaru atẹmẹ ne beri ẹvụ. Ẹnịnị ẹ̀ sị vị Ẹnẹyịmavara agụvị ka ẹnịnị a raa sị wa tụ́ irenyi. Che ẹnịnị sẹ ụta, dị ọ rị ụhị anị ịra mẹ̀ ịsọvọ ana aa rị ịra. Ayị Ẹnẹyịmavara vee hine tu ọ.

Ịrịka 28:12

Dị a sị ayị ana a kwọ ikirogirami ẹẹta vahụra angwẹ orivi vị ana aa sị mẹ̀ ịsọvọ beri ụnọ ọnyọọnya. Avọọ a mẹ raà sị ayị ana kwọ ikirogirami ẹẹva vahụra angwẹ orivi beri ịdẹba mẹ̀ ịsọvọ nị.

Ịrịka 28:3

Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.