Ireevi 3:2 - IWE ỌNỊNỊ

² Ọza ọnọọ vaa sị ụvọ tụra ịsụpa ọnọọ ịrẹsụ, dị ọ wụ̀ ọ enoze ajẹngụ Ẹnẹyịmavara. Ẹnị ezi Eerọnị ana vị ohirẹsụ irehi Ohomorihi vee che anị sẹ ụta ịsọvọ eyi ẹnyị eyi ọsa,

Ireevi 3:2 ပူးပေါင်းရင်းမြစ်များ

Ọyịkụra 29:10

Dị ụ sị imaaru ọnọọ vẹ ọvịdị ajẹngụ ịzị aā gẹ, di Eerọnị ọnịrị ezi anị ẹ̀ sị ụvọ tụra imaaru ọnọọ ịrẹsụ.

Ọyịkụra 29:11

Dị ụ wụ imaaru ọnọọ ọvịdị ẹmị Ẹnẹyịmavara ózee ana a zịị ngụ ịnị ajẹngụ ịzị aā gẹ.

Ọyịkụra 29:15

Dị ụ va sị ọnya ịnị ịdẹba ẹnẹẹ, di Eerọnị ọnịrị ezi anị ẹ̀ sị ụvọ tụra a ịrẹsụ.

Ọyịkụra 29:16

Ẹ̀ẹ vavọọ sị ụvọ tụra a, dị ụ wụ̀ ọ, dị ụ sị anị di u che sẹ ụta ọnọọ okiri-okiri.

Ọyịkụra 29:19

Rẹ sị ịdẹba ọsa ana a sị nyị ohirẹsụ irehi amị tụ́ ịnị ụkọrọ anị, dị wa kà a ka Eerọnị ọnịrị ezi anị ẹ̀ sị ụvọ tụra a ịrẹsụ.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ireevi 1:11

Ọ vaa wụ̀ ọ akẹbẹẹba ụta ịsọvọ, dị ohirẹsụ irehi Ohomorihi nịnị che uye ọnọọ sẹ ụtọ ịsọvọ eyi ẹnyị eyi ọsa.

Ireevi 17:3

Ọ kà, àa nyị Anisirẹrị ana wụ́ ụnọ à vị ozi atẹmẹ, à vị ẹvụ udi, ọ̀ọ daka vị ịrẹma udi ọ́ ya wụ̀ ọ nị,

Ireevi 17:4

àa vị ka ẹ́ yị vị ọ sị ọ vẹ enoze ajẹngụ Ẹnẹyịmavara dị ọ sị va mẹ ịsọvọọ yị ọ, ọza ọnọọ ọ sị ịvị rị ka ộ jị ịsa hi ẹtẹ. Vị ọ jị ịsa avọọ nị; ọza ma vana kụkụ ro ọza ọnọọ vaka aza Ohomorihi.

Ireevi 3:3

dị ọ kụ avaba ụhị ana ya ịnị ẹnya ịnịnẹ anị vẹ anka ịsị ịsọvọ ana a sị va yị Ẹnẹyịmavara,

Ireevi 3:8

ọ vaa sị ụvọ tụra a ịrẹsụ, dị ọ wụ̀ ọ ọvịdị ajẹngụ Ẹnẹyịmavara, ohirẹsụ irehi Ohomorihi nịnị vee che anị sẹ ụta ịsọvọ eyi ẹnyị eyi ọsa

Ireevi 8:22

Imosiisi ọ̀ rẹ sị ịdẹba ọsa vẹ, ọnọnị vị ana aa sịị sị ọzaa rị ohirẹsụ irehi Ohomorihi, dị Eerọnị ọnịrị ezi anị sị ụvọ tụra a ịrẹsụ nị.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ịrịka 18:17

Ama ọ zụ mẹ dị wẹ yị sị ẹkẹhị jị ezi ịpaapa imaaru atẹmẹ ne beri ẹvụ. Ẹnịnị ẹ̀ sị vị Ẹnẹyịmavara agụvị ka ẹnịnị a raa sị wa tụ́ irenyi. Che ẹnịnị sẹ ụta, dị ọ rị ụhị anị ịra mẹ̀ ịsọvọ ana aa rị ịra. Ayị Ẹnẹyịmavara vee hine tu ọ.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.