Ireevi 3:16 - IWE ỌNỊNỊ

¹⁶ Ohirẹsụ irehi Ohomorihi vaa rị avaba ọsọnị ịra ịrẹsụ ụta anka ịsọyịrị ana a sị va mẹ̀ ịsọvọ yị Ẹnẹyịmavara dị o hine e. Ẹnẹyịmavara ọ nyị avaba ụhị ọnọọ nị.

Ireevi 3:16 ပူးပေါင်းရင်းမြစ်များ

Oyinyima 4:4

Di Ẹba ọnị rẹ sị atẹmẹ ịpaapa ana atẹmẹ anị ma, dị ọ wụ̀ ọ, dị ọ sị ene zoza ịnị anị hu, dị ọ sị mẹ̀ ịsọvọ yị Ẹnẹyịmavara nị. Ebira Ẹba ọnịrị ịsọvọ ọnị ọ mẹ ộ ngụ Ohomorihi eyi.

2 Ịtọpa 29:35

Ịrẹma uye ọrụrụ-ọrụrụ ana a rị ịra ịrẹsụ ụta, ụ̀hị̀ uye ẹnẹẹ vị ana rẹẹ̀ rị ịra beri uye ana vọ ana a rị ịra. Eche ana kụ va mẹ̀ ịsọvọ vị ana a ka hi ịrẹsụ ụta ịsọvọ. Avọọ, a mẹmẹ nyima aa hẹkẹ Ẹnẹyịmavara ịnị irehi anị nị.

2 Ịtọpa 7:7

Ịhị ọnọọ Isoromọnị rẹ sị ịnị akakana ohweje ana yà ọvịdị irehi Ẹnẹyịmavara tụ́ irenyi yị Ohomorihi nị. Ịnị ohweje ọnọọ Isoromọnị ya sị ịsọyịrị mẹ̀ ịsọvọ dị ọ rẹ kụ́ ịsa va yị Ohomorihi, dị ọ rẹ sị ụ̀hị̀ ịsọvọ ẹngwọọrọ mẹ̀ ịsọvọ nị. Ộ vavọọ mẹ ịzọọ agụvị ka aha ịsọvọ ana a sị enyusẹ ịkọpa mẹ ana ya ọvịdị Ẹnẹyịmavara ọ sị weyi. Ọ yị dọ ịsọyịrị ana aā sị mẹ̀ ịsọvọ ọnịrị ẹyịza ana aa kụ́ va yị Ohomorihi ne beri ụ̀hị̀ ịsọvọ ẹngwọọrọ.

Ọyịkụra 29:13

Dị ụ va kụ́ avaba ụhị ene hi ịnị ịnẹ imaaru ọnọọ ọnịrị ụhị ene kú ayị anị ne beri ẹhụ anị ẹyịva ọnịrị ụhị ene kú wa, dị ụ rị wa ịra ịrẹsụ ụta ọnọọ.

Ọyịkụra 29:22

Sị ụhị ịdẹba ọnọọ ana a sị nyị Eerọnị nịnị tụ́ ịnị ụkọrọ amị ọnịrị ịzị ẹ bụrụ ini omu anị ne beri ụhị ene hi ịnị ịnẹ anị. Rẹ sị ụhị ene kú ayị anị ọnịrị ẹhụ anị ẹyịva ne beri ụhị ene kú wa ọnịrị usi ụvọrị anị.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ireevi 17:6

Ohirẹsụ irehi Ohomorihi ọnọọ vee che anịị sẹ ụta ana ya enoze ajẹngụ Ẹnẹyịmavara, dị ọ rị ụhị anịị ịra ụvị dị ọ̀ dà agụ ene vee hine Ẹnẹyịmavara.

Ireevi 4:26

Ọ vaa rị avaba ụhị ịsụpa ọnọọ ịra ịrẹsụ ụta ịsọvọ anka ọ mẹ rị ụhị ịsụpa ana a sị mẹ̀ ịsọvọ ọ yị pe Ohomorihi mẹ uzee ịra avọọ. Aanị ohirẹsụ irehi Ohomorihi mẹ vaa mẹ̀ ịsọvọ yị ọdọvịdị ọnọọ, dị aa va gụ ịvị anị yọ nị.

Ireevi 4:31

Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị.

Ireevi 8:25

Imosiisi ộ kụ ụhị ịnị ochomu ịdẹba ọnọọ ọnịrị ụhị ene kú ẹnya ịnịnẹ anị; dị ọ dà ịpa ene zoza hu kere-kere ịnị ayị anị, ẹhụ anị vaka ụhị ẹnịnị ọnịrị ahụ ụvọrị ịdẹba ọnọọ nị.

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Imatiwu 22:37

Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ!