Ireevi 3:1 - IWE ỌNỊNỊ

¹ Ọza ọ̀ọ sị ịsụpa aa vaa mẹ̀ ịsọvọ agụvị ọnị rị Ohomorihi ọ̀ nyị uzee, ọ sị ọ hụụnị ịsụpa ana aa pa. Ọ̀ọ vị ụnọ araka, ọ̀ọ vị ọnẹẹ, asị ọ vị ana tụ ọkụmị.

Ireevi 3:1 ပူးပေါင်းရင်းမြစ်များ

1 Ịtọpa 21:26

Idevidi ô hí ụta ọ̀ yị mẹ̀ ịsọvọ hi Ẹnẹyịmavara tụ́ ịzọọ. Dị ọ mẹ̀ ịsọvọ ana aā rị ịra ọnịrị ịsọvọ ọ̀ yị mẹ uzee ịzọọ hi Ẹnẹyịmavara nị. Ộ mẹ̀ aduwa, dị Ẹnẹyịmavara tu ọ ohi nị. Ộ mẹ ka ịra ọ̀ hụrẹ ẹbẹẹba va rị ịsa ịsọvọ anị ịrẹsụ ụta nị.

Ọyịkụra 20:24

Tụ ụvụ dụ wa sị jị ụta mị nịnị. Ẹvụ ọnịrị imaaru ọnị ụ wàa sị va mẹ̀ ịsọvọ ana aā rị ịra, dụụ rị ọ ịra ịrẹsụ ụta ọnọọ nịnị. Wàa raa mẹ̀ ịsọvọ ene e duduū rị, ịrẹsụ ụta ọnọọ ụ rẹ vaa yàa mẹ̀ ẹ mị nịnị nị. Ịzị màa nyị ka wa yàa hẹkẹ mị nịnị, ịzọọ mị vaa yàa mẹ ka ò zee wu nịnị nị.

Ọyịkụra 24:5

Di Imosiisi tụ́ ezwọọmụha dị ẹ na mẹ̀ ịsọvọ ana aā rị ịraa yị Ohomorihi nị. Dị ẹ rẹ sị ezi imaaru dị ẹ wụ̀ ọ mẹ̀ ịsọvọ yị Ẹnẹyịmavara di e dudu rị ọ nị.

Ọyịkụra 29:28

Ẹngụ ọnọọ Anisirẹrị vaa sị vaa yị Eerọnị ọnịrị ezi anị pooro nị. Ịsa ana Anisirẹrị ẹ̀ẹ sị va mẹ̀ ịsọvọ ana aā gàa rị, ẹngụ ọnọọ ẹ vaa gàa tù ẹmị Ẹnẹyịmavara nị.

Ụhịrẹyị 7:14

Ộ ka ajịnị ọnị mẹ̀ ịsa ịsọvọ ẹngwọọrọ ana aa rị. Ọnị o re si ụta ịzẹzẹ anị.

Ezikẹẹrị 43:27

Ịhị ẹkụhị ịhịmba ẹnẹẹ ẹ̀ẹ sị gụ, ohirẹsụ irehi Ohomorihi nịnị vee nyima hụrị ịhị ẹ tụ ọ ẹkụhị ịhịnta va na, dị ẹyaa mẹ̀ ịsọvọ anaa rị ịra ịrẹsụ ụta ọnọọ ọnịrị ịsọvọ ana aza va mẹ ka ẹnịrị Ohomorihi ẹ̀ zụụ mẹ uzee. Ịjọnọọ ayị anị vee hinee tu wa. Ọnị Ẹnẹyịmavara Ochẹtẹẹngụ ọ ka avọọ nị.

Ezikẹẹrị 45:15

Ịnị avaba ẹtẹ Isirẹrị, ẹnịnị vaa zá ịsụpa ẹnịnị ịrẹka-ịrẹka, dị ẹ sị ikonyi-ikonya hụụnị anị va wụ nịnị. Ẹnẹyịmavara kà, ịsa ẹnẹnị vị ana á vaa sị mẹ̀ ịsọvọ ịsọyịrị ọnịrị ịsọvọ ịsụpa anaa rị ịra beri ịsọvọ ẹngwọọrọ hi ọnị, agụvị dị ọnị vagu ebira odivi ọnị ụ mẹ nịnị.

Ireevi 1:10

Àa vị ịdẹba à vị ịdẹ ọza ọnọọ aà sị hụụnị ịsụpa ana aa pá vaa mẹ̀ ịsọvọ nị, ọ̀ sị ẹnẹ ẹ̀ yị tụ ọkụmị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 17:5

Iruvo ana a sị mẹ ọda ọnọnị ọ vị ka, Anisirẹrị ẹẹ sị ịsụpa ẹnẹ ẹẹ̄ wụ aha ana vọ va yị Ẹnẹyịmavara nị. Ẹnịnị ẹ̀ sị ọ vẹ ve tu ohirẹsụ irehi Ohomorihi enoze ajẹngụ Ẹnẹyịmavara dị a wụ̀ ọ ọ̀yị mẹ̀ ịsọvọ ẹngwọọrọ hi Ẹnẹyịmavara.

Ireevi 3:6

Àa vị atẹmẹ à vị ẹvụ, ọ̀ọ va vị ịdẹba à vị ịdẹ ọza ka ọnị aa sịị mẹ̀ ịsọvọ ọnọnị nị, asị ọ vị ana tụ ọkụmị.

Ireevi 9:18

Ộ rẹ wụ ụnọ ọnịrị ịdẹba ana a sị mẹ̀ ịsọvọ ka aza ẹ̀ nyị ẹngwọọrọ. Ezi anị ệ sị ịsụpa ẹnẹnị va yị ọ, dị ọ và a ku ụta ịsọvọ eyi ẹyịna nị.

Ireevi 9:4

Ọ kà ẹ̀ sị ụnọ ọnya ọnịrị ịdẹba ọnya dị ẹ̀ sị mẹ̀ ịsọvọ ọ̀yị mẹ uzee. Ẹnịnị ẹ̀ sị akụ ana á sị́ angwẹ va hùra vaka ịsụpa ẹnẹnị, dị ẹ sị mẹ̀ ịsọvọ hi Ẹnẹyịmavara. A sị a nyị ka ẹnịnị ẹ́ yị mẹ̀ ẹ agụvị ka Ẹnẹyịmavara vaa sị ẹngụ anịị zụ wa ajịnị.

Emọsị 5:22

Ọ kà ọnị ẹ yị vaa dọ ịsọvọ ọnị ẹ yaa mẹ̀ ọnị ẹ yị va kana eyi si ịsọvọ ẹngwọọrọ ẹnịnị

Ịmarakayị 1:14

Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Ịmarakayị 1:8

Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ịrịka 15:8

Àa sị ụnọ mẹ̀ ịsọvọ anaā rị ịra, a vị ịsọvọ kẹnẹ, a vị ịzẹzẹ, a vị ịsọvọ ẹngwọọrọ,

Ịrịka 6:14

dị ọ mẹ̀ ịsọvọ ẹnịnị yị Ẹnẹyịmavara. Dị ọzọza sị ozi ịdẹba ịrayị ọnya ọnị ẹ yị nyị ụkụ mẹ̀ ịsọvọ anaā rị ịra, dị ọ sị ozi atẹmẹ ịrayị ọnya ọnị ẹ yị nyị ụkụ mẹ̀ ịsọvọ ịvị. Dị ọ rẹ sị ịdẹba ana nyị ẹngụ anị mẹ̀ ịsọvọ ẹngwọọrọ,

Ịrịka 7:17

Dị a sị ụnọ ẹẹva, ịdẹba ẹẹhị, ịdẹ ẹẹhị ọnịrị ozi ịdẹba ịrayị ọnya ẹẹhị mẹ̀ ịsọvọ ẹngwọọrọ. Inasoni ozi Aminadabi aa mẹ̀ ịsọvọ ọnọnị nị.

Ịrịka 7:59

Dị a sị ụnọ ẹẹva, ịdẹba ẹẹhị, ịdẹ ẹẹhị ọnịrị ozi ịdẹba ịrayị ọnya ẹẹhị mẹ̀ ịsọvọ ẹngwọọrọ. Igamariyẹẹrị ozi Ipedazu ana vị ọdọvịdị Anịmanasẹ aa mẹ̀ ịsọvọ ọnọnị nị.

Iwe Ọhụhị Imosiisi ana aa hị́ Ọyịvatụrọda 12:27

Yà ịzọọ mẹ̀ ịsọvọ ana a vaa rị ịra bemi-bemi ịrẹsụ ụta ịsọvọ Ẹnẹyịmavara. Ama anya ịsa ịsọvọ ana vọ vị ọnị ụ vaa vàa hi ẹtẹ akaha ụta ịsọvọ Ẹnẹyịmavara Ohomorihi awụ. Wa zụ rị uye anị.

Anikorasi 1:20

Ini oze Ozi anị ọnọọ, Óhomorihi raà mẹ ka ọnịrị avaba ịsa è zé nị. Ini oze anya oni Ozi anị ọnọọ che sẹ ẹtẹ ịrẹsụ apavahị o mè sú, Ohomorihi ô na oze ẹngwọọrọ yị avaba aza ẹhẹ ọnọnị ọnịrị ẹbẹẹba.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

Ọdọvịdị 21:4

Ịnị ẹnẹnẹ eyinẹhẹ anị dị Anisirẹrị kwẹẹtẹ dị ẹ hi ụta ọyị rị ịsa ịsọvọ ịra nị, dị ẹ mẹ̀ ịsọvọ ọnị ẹ rịra saaka-saaka hi Ohomorihi nị.