Ireevi 26:9 - IWE ỌNỊNỊ

⁹ Ọ kà ọnị vaa mẹ ọyịzaa yị wa, dị ẹ yaa rụrụụ hu avọọ. Ọnị vaa mẹ ana vị aanị ịnị ịrẹyị ọnị ọnịrị wa hị́ eku yị ẹngụ tụ.

Ireevi 26:9 ပူးပေါင်းရင်းမြစ်များ

Oyinyima 1:28

Ohomorihi ka o vee zee yị wa, dị ọ ka, “Ẹ vaa ma ozii rụrụ, ezi ẹnịnị vaa ra avaba ẹhẹ, dị ẹ vi ohinọyị tụra ịrẹsụ ịsa ene hi ẹhẹ. Ẹ vaa nyị ọda tụra ivovo ọnịrị inomi ne beri avaba uye irenyi-irenyi.

Oyinyima 17:20

Ọ rẹ ka ini oze ịrẹyị Isimẹrị, ọnị ọ wụ́ ịrẹyị ọnị ọ kà. Ọ kà ọnị rẹ vaa mẹ ka ò re zee yị ọnị, dị ọnị rẹ ha, dị ọ rụrụ ẹtẹẹtẹrẹ. Ọ vaa ma ezi ẹwụrẹva dị ẹnịnị vị ohinọyị. Ohomorihi ka ọnị rẹ vaa mẹ ka ọnị ọ̀ rẹ vị anẹkụra ọbanyị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

Oyinyima 48:4

Dị ọ ka ọnị vaa mẹ ka ọnị ọ̀ ma ozi rụrụ ẹtẹẹtẹrẹ. Ọ kà ezi anị ẹ vaa vi ohiku anẹkụra ọrụrụ-ọrụrụ nị. Ọ kà dị ọ rẹ ka ọnị vaa sị ẹtẹ ọnọọ yị ezi anị ịrẹma-ịrẹma dị ahịka ẹnị ẹ kụkụ nyị pooro zịna-zịna nị.

Oyinyima 6:18

Ama ịsị ọnị vịdị kà tịtẹ ka ọnị vaa mẹẹ yị aza vị ọnị ọnị vaa mẹẹ wu. Ọ kà Inowa vaa ngụ ịnị ẹpa ọnọọ, di ezi anị beri ose anị ọnịrị ose ezi anị rẹ ngụ ọ.

1 Ohinọyị 3:8

Ẹmị ozi ahụ awụ vị ana yà ini akakana aza awụ ọnị ụ nyị ka ẹ̀ vị awụ. Aza ẹ rụrụ ẹ vị nị. Ọza ọ yị hyakụ zụ za wa ịrịka ẹ mẹ rụrụ pooro.

2 Ohinọyị 13:23

Ẹnẹyịmavara ộ vayị ẹnịnị, dị ọ mẹ ọyịza yị wa nị. Ẹ yị zẹẹ ka è vu wa ẹtẹ; ama ộ mẹ̀ ọgụvọ yị wa agụvị oto oni o wo yị Abụrahamị, Ayiziiki, ọnịrị Ijekọvụ. Ẹnẹyịmavara e yi hi ayị aza anị.

Inehemaya 2:20

Dị Inehemaya tụ wa ohi ka, “Ohomorihi ana nyị ẹbẹẹba vaa sị ẹnị nyị ehuna. Ẹnị ezi ahụ anị vee nyima ọyị tenyi ọvọ ẹkụra tụra. Ama Ịsanbaratị ọnịrị aza anị ẹ yị nyị ụvọ tụ ụkọrọ Ijerusarẹmị agụvị ka ẹ yị nyị ẹtẹ ọnị ụkọnkọnọ ẹnịnị aa vaa chị ụsị tụ́.”

Inehemaya 9:23

Ọnị ọ mẹ ka ezi ẹnịnị ẹ̀ rụrụ anka ụzọmị ịnị eguhi, dị ọ kụ wa na ngụ ẹtẹ ọnị ọ vịdị wo oto anị yị ohiku ẹnịnị ka ọnị vaa sị yị wa nị.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ahẹ Ụgama 89:3

Ụ ka wa raà kà a ka â nyị ịsị ụ vaa mẹẹ yị ọza ọnị ụ sị nyị, wâ vavọọ raà hị́ eku yi Idevidi ana vị ozi ahụ awụ.

Ọyịkụra 1:7

Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.

Ọyịkụra 2:25

Ohomorihi ô re Anisirẹrị nịnị, ô ro ịrẹyị ụya ana aa rị wa.

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Ezikẹẹrị 16:62

Ọnịrị ẹwụ vaa zẹẹ oto ọwọọwaa yị ẹngụ. Ụ vaa yẹ ka ọnị ọ vị Ẹnẹyịmavara nị.

Ezikẹẹrị 36:9

Ọnị Ẹnẹyịmavara yà awụ nịnị ịrẹma. Ọnị vaa mẹ ka, à varẹma jị ẹtẹ awụ nịnị ịrịkụ, di e chire ịsa hi ọ.

Ireevi 26:15

Ẹnịnị èe yi ka ẹnị ẹ́ yị saasa ọda anị, dị ẹnịnị ẹ̀ yị saasa ịrẹyị ọnị ọnịrị wa hị́ eku yị ẹngụ tụ nị,

Iruuku 1:72

Ọ kà ọnị vaa vayị ohiku ayị, dị ọnị rẹ tamayị oto ọnịnị ọnị ọnị wo yị wa.

Iwe Ọhụhị Imosiisi ana aa hị́ Ọyịvatụrọda 28:11

Ẹnẹyịmavara vaa mẹ ka wa ma ezi rụrụ nịnị, dị imaaru awụ nịnị rẹ rụrụ. Ịsị ịnị aarẹ awụ nịnị vaa mẹ ẹtẹẹtẹrẹ ịnị ẹtẹ ọnị ọ wo oto anị yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 28:4

Ẹnẹyịmavara vaa mẹ ka ò ze yi ezi ewu. Ịsị ịnị aarẹ awụ vaa mẹ ẹtẹẹrẹ. Imaaru awụ ọnịrị atẹmẹ awụ vaa rụrụụ hu avọọ.

Iwe Ọhụhị Imosiisi ana aa hị́ Ọyịvatụrọda 7:13

O vee sì ịrẹyị awụ nịnị, dị ọ mẹ ka ò ze wụ nịnị. Ụ vaa ma ozi nịnị, dị ụ waa rụrụụ hu avọọ nịnị. Ọ va mẹ ka ò ze yị aarẹ awụ nịnị, dị akụ awụ nịnị, eche ọnịrị angwẹ orivi awụ nịnị aa mẹ; ọ vaa mẹ ka ò ze wu nịnị, dị ọ sị ịsụpa ọnịrị atẹmẹ tatarataa wụ nịnị. Ọ vaa mẹ avaba ize ẹnẹnịị yị wụ nịnị ịnị ẹtẹ oni o wo oto yị ohiku awụ nịnị ka ọnị vaa sịị yị wụ nịnị.

Anihiburu 8:9

O yi kuku vee véné oto ọnị ọnị vịdị wo yị ohiku ẹnịnị ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti. Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa. Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.