Ireevi 26:7 - IWE ỌNỊNỊ

⁷ Ẹnẹyịmavara kà ọnịvị ẹnịnị vị ẹnẹ ẹ́ vaa dụ, dị ẹyaa hyẹdụ hi ẹtẹ ọvịdị ẹnịnị eyi ịrẹkụ.

Ireevi 26:7 ပူးပေါင်းရင်းမြစ်များ

1 Ịtọpa 19:15

Ịjị Anamọnị nịnị re ka Anisiriya nịnị ee zwè, dị ẹnị re zwè yị Abisayi, dị ẹ varẹma ne hi ịnị ẹkụra ẹnịnị nị.

Ẹsịta 9:16

Dị Aniju nịnị ana vọ hí ịnị ẹtẹ ohinọyị ọnọnị kụ́ ẹngụ gụ dị ẹ tenyi ẹngụ ka ẹnị ẹ̀ dọ ẹngụ ẹnịnị há hụụnị ụvọ ọnịvị ẹnịnị nị. Dị ẹ wụ́ ọnịvị ẹnịnị ịrịka akahị-akahị oze ẹtarẹwụ tụra ẹẹhị nị (75,000). Ama ẹ yị kanyị ogu ẹnịnị.

Ahẹ Ụgama 81:15

Ohomorihi rẹ ka aza ana ka ẹnị e yi sì ịrẹyị ọnị Ẹnẹyịmavara, vị ana maanị vaa sị eyi kwọrọ ẹtẹ ọvịdị anị ángwa òó mèe hi wa. Ọ kà vị ẹnịnị vaa rị ụya pooro zịna-zịna nị.

Ireevi 26:36

Ọ kà ẹnịnị ana vọ hi ẹkụra vị ọnị vaa mẹ ayịị hụrị ịnẹ ẹtẹẹtẹrẹ, dị ẹ̀ẹ wụ ka ahị ọ́ọ kụ ẹchịchị kẹnẹ, dị ẹ kụ ahụ nya iruvo ee zwè. Ẹnịnị vị ene vee zwè anka èe rere aa dụ wa eyirẹkụ avọọ, dị ẹyaa sẹ ẹdụ ẹ̀ẹ yị daka nyị ọza ana aa dụ wa.

Ireevi 26:6

Ọ kà ọnị vaa sị ẹngwọọrọọ yị wa ịnị ẹtẹ ẹnịnị. Ẹnịnị vaa sụ̀ ara, dị ẹ́ yị nyị ịsị e vee chire wa angwa. Ọnị vaa dụ uye edivi-edivi hụụnị ẹtẹ ẹnịnị. Ọnịvị ẹnịnị ẹ yị ma vana kụ ịrẹkụ ve tu wa ịnị avaba ẹtẹ ẹnịnị.

Ireevi 26:8

Aza ẹnị ẹẹhị ẹnịnị vaa dụ ọnịvị ẹnịnị ẹchẹhị, dị aza ẹnị ẹchẹhị ẹnịnị dụ ọnịvị ẹnịnị akahị-akahị oze ẹẹwụ. Ọnịvị vị ana vaa hyẹdụụ yị wa eyi ịrẹkụ.

Iwe Ọhụhị Imosiisi ana aa hị́ Ọyịvatụrọda 28:7

Ọnịvị awụ nịnị ana àa kwẹẹtẹ tu wu nịnị, Ẹnẹyịmavara vee hú wa ẹtẹẹ yị wụ nịnị. Ẹ vaa zi oze ọnyaa kwẹẹtẹ tu wu nịnị, ama oze ịhịmba e vee zwèe zị nị.

Iwe Ọhụhị Imosiisi ana aa hị́ Ọyịvatụrọda 32:30

Sị ẹ vẹ dị ọza ịnya aa dụ aza ẹnị akahị, dị aza ẹnị ẹẹva aa dụ aza ẹnị akawụ-akawụ oze ẹẹhị? Ẹnẹyịmavara Ohomorihi ẹnịnị ộ hụrẹ wa ụvọ ana mẹ ka e huna wa nị.

Ijosuwa 23:10

Ọza ịnya awụ nịnị ọ zụ dụ anọrụ akahị ẹnịnị hi avị agụvị ka Ẹnẹyịmavara Ohomorihi awụ nịnị aa vụ ịrẹvụ yị wụ nịnị anka ọ mẹ kà a nị.

Ọdọvịdị 15:15

Ịhị ọnọọ dị Ịsamịsịnị kana eyi dị o re ka ẹchụkụ ọwọọwa abamị ẹtẹ ịkẹrịkẹtẹ tịtẹ nị, ọ tana ụvọ sị ọ dị ọ sị wụ̀ aza akahị ịnị Anihwirisiti nịnị nị.

Ọdọvịdị 4:16

Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi.

Ọdọvịdị 7:23

Igidiyọnị ộ tụ hị́ anọrụ Anisirẹrị hụrị ịrẹsụ Inahwitari, ọnịrị Aseri beri Ịmanasẹ, di e kuchire Animidiya nịnị nị.

1 Ịsamụwẹrị 14:13

Di Ijonatani aa sị ụvọ ọnịrị ahụụ turaa hịrẹ na, dị ọza ana za ẹnya ịrẹkụ anị ọnị raa dụ ọ na nị. Di Ijonatani nē ịsa yị aza ẹnẹẹ, dị ẹnịnị hyẹdụ hi ẹtẹ nị. Dị ọza anaā za ẹnya ịrẹkụ anịị gụ ọ ọnị kụkụ aa wụ̀ aza ẹnẹẹ tụra Ijonatani ịrẹma nị.