Ireevi 26:6 - IWE ỌNỊNỊ

⁶ Ọ kà ọnị vaa sị ẹngwọọrọọ yị wa ịnị ẹtẹ ẹnịnị. Ẹnịnị vaa sụ̀ ara, dị ẹ́ yị nyị ịsị e vee chire wa angwa. Ọnị vaa dụ uye edivi-edivi hụụnị ẹtẹ ẹnịnị. Ọnịvị ẹnịnị ẹ yị ma vana kụ ịrẹkụ ve tu wa ịnị avaba ẹtẹ ẹnịnị.

Ireevi 26:6 ပူးပေါင်းရင်းမြစ်များ

2 Ohinọyị 2:24

Ọ́ mẹ̀ vara eyi di o re wa nị. Ộ sị ịrẹha Ẹnẹyịmavara chì hi wa nị. Ọdụmị ẹẹva ệ jịnẹ hụụnị avị vẹ, dị ẹ́ wụ ezi ẹnẹẹ ẹbẹẹva tụra ẹẹva nị.

1 Ịtọpa 22:9

Ọ kà, ama Ẹnẹyịmavara ô wo otoo yị ọnị ka, ọnị vaa ma ozi ana vaa rị ohinọyị dị aa mẹ̀ ẹ ẹngwọọrọ-ẹngwọọrọ. Ẹnẹyịmavara kà ọnị vaa mẹ ka ọ̀ nyị ẹngwọọrọ ịnị ụvọ avaba ọnịvị anị. Ọ kà ịrẹha ozi ọnọọ ọ rị Isoromọnị nị, agụvị ka ụmẹ ọnị ọ́ vaa sị mẹ ohinọyị, ọnị vaa mẹ ẹngwọọrọ yị Anisirẹrị nịnị, dị ọnị mẹ ka à sị a nyị ịsị ẹ mẹ̀ wa.

2 Ịtọpa 20:30

Avọọ Ijehosahwati mẹ̀ ịjọva ịnị ẹngwọọrọ, dị Ohomorihi sere e ẹngụ ọmọọma.

Ijoovu 11:19

Angwa ẹ yị vee hi ọ aa sụ ara. Aza vana vaa sị ụbanyị yọ.

Ijoovu 5:23

We yi re ẹngụkata ịnị aarẹ awụ, uye ịnị avị ẹ yị vaa du ịsa ịnị aarẹ ha.

Ahẹ Ụgama 144:14

Navọ imaaru ayị ẹ̀ẹ ma ezii hi ẹtẹ kẹnẹ, di asị a nyị ana wọrọ ịrẹẹ. Asị a rẹ nyị ọnị ozi anị sụ́. Navọ asị a nyị ọza ẹnị ẹngụ anị kụkụ kata ịnị ẹkụra ayị.

Ahẹ Ụgama 147:14

Ọ yị zẹẹ ka aza ana kara wụ nịnị ẹ̀ kú ịrẹkụ re tù wu nịnị, di aa sị ịsọyịrị ana aā hị́ ihwiti ene zozaa wụ nịnị nị.

Ahẹ Ụgama 29:11

Ẹnẹyịmavara aa sị ụkata yị aza anị Dị ọ rẹ sị ẹngwọọrọ mẹ wa ẹyịza nị.

Ahẹ Ụgama 3:5

Màa hụtẹtẹẹ dị mị sụ ara hwanaa dị mị rẹ ha mâ vavọọ hā agụvị ka Ẹnẹyịmavara ee sere mị.

Ahẹ Ụgama 4:8

Màa hụtụ dị maa sụ ara hwanaa. Ẹnẹyịmavara, ẹwụ ịnyara kẹnẹ ọ vavọọ mẹ ka asị a nyị ịsa ee chire mi angwa nị.

Ahẹ Ụgama 85:8

Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

Ọyịkụra 23:29

Ama mẹ yị vaa dụ avaba ẹnịnị ịnị ịrayị ọnya. Màa dụ wa ịrayị ọnya dị ẹtẹ tịtẹ osusu nị, uye edivi va sị rụrụ hi ịnị anị dị ụvọ awụ nịnị ọ yị kara wa.

Ụhịrẹyị 3:24

Wàa yaayịtẹ angwa e yi vee hi wụ; wàa hụtẹtẹ ara ọyịza-ọyịza ụ vaa sụ̀ nị.

Ụhịrẹyị 6:22

Navọ ịrẹyị ẹnịnị ọọ zụ wụ oze, dị ọọ sere wụ ịrahụ, dị ọ vị ọnịwọjị awụ ọọdụ.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ayịsaya 35:9

Ẹ yị vaa nyị Idu ịzọọ. Ẹ yị rẹ nyị uye odivi ọnyọọnyị ana vaa vatụra oze ọnọọ. Aza oni Ohomorihi sị hị́ varẹma kẹnẹ ẹ vaa vatụra oze ọnọọ nị.

Ayịsaya 45:7

Ọnị ọ tụ ẹtohweyi ọnịrị ịrahụ nị. Ọnị ọ mẹ ọyịza ọnịrị ọhịmị nị. Ọnị Ẹnẹyịmavara ọ mẹ avaba ịsa ẹnẹnị nị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 31:26

Avọọ, aza kụkụ vaa kà a ka, ẹnị mẹ na sụ, ẹnịrị ụkata ọ ha nị.

Ezikẹẹrị 14:15

Ọnị ọ̀ọ va tụ uye odivi na ngụ ẹkụra ọnọọ ka ẹẹ wụ̀ azaa ha, dị ẹkụra ọnọọ ta divi, dị ẹ̀ yị nyị ọza ana kụkụ aa zị avọọ paraahu nị.

Ezikẹẹrị 14:17

Ọnị ọ̀ọ va mẹ ka à kụ́ ịrẹkụ na ngụ ẹkụra ọnọọ, dị a wụ̀ aza ọnịrị ịsụpa nịnị va ha nị,

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 34:25

Ọnị vaa mẹ eto beri wa, dị ẹ̀ nyị ẹngwọọrọ. Ọnị vaa dụ avaba uye edivi-edivi hụụnị ẹtẹ ẹnịnị agụvị ẹ̀ẹ yaa sụ̀ ara ịnị avị ọnịrị ịnị ụnọmị, asị a nyị ịsị ẹ mẹ̀ wa.

Ezikẹẹrị 34:27

Ọchị ene hi ịnị aarẹ vaa tụ ẹtụtụ, ịsị ịnị aarẹ vaa mẹ ẹtẹẹtẹrẹ, dị ọzọza ra hị́ ẹtẹ anị ẹngwọọrọ-ẹngwọọrọ. Ịjị ọnị ọọ ree che ọchị ana a sị tụ wa ọkẹẹkẹrẹ, dị ọnị raa dọ wa hụrị ụvọ aza ana za wa ọrịhị nị, ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 5:17

Ẹnẹyịmavara kà ọnị vaa mẹ ka ụngwẹ ọnịrị uye edivi ẹ̀ wụ ezi ewu nini, dị ọnị rẹ mẹ ka ụkụ, ezigi ọnịrị ịrẹkụ ọ̀ vaa wụ̀ wụ nịnị va ha.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Ireevi 25:18

Agụvị avọọ ẹnịnị ẹ̀ saasa avaba ọda anị, agụvị ẹnịnị ẹ̀ rá ịnị ẹtẹ ọnọọ dị à sị a nyị ịsị ẹ́ mẹ wa.

Ireevi 25:19

Ọ kà, ẹtẹ ọnọọ vaa mẹ̀ ịsaa yị wa, dị ẹyaa rị dị ịnẹ aa ha wa. Ẹ vaa rá ịzọọ, dị ẹ́ yị nyị ịsị ẹ mẹ̀ wa.

Ireevi 26:22

Ọ kà ọnị vaa tụ uye edivi vaa ngụ ịnị akakana ẹnịnị, dị ẹ wụ ezi ẹnịnị va ha. E vee vú ịsụpa ẹnịnị ẹtẹ, dị ahịka aza che ẹ kụkụ vọ nị. Ọsọnị vaa mẹ ka oze ẹnịnị ẹ̀ tụ osusu.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ireevi 26:7

Ẹnẹyịmavara kà ọnịvị ẹnịnị vị ẹnẹ ẹ́ vaa dụ, dị ẹyaa hyẹdụ hi ẹtẹ ọvịdị ẹnịnị eyi ịrẹkụ.

Imika 4:4

Ọzọza vaa ra ịnị ẹngwọọrọ. Dị ẹ yaa rị ịsa ịnị aarẹ ịvayịnị ọnịrị ihwigi ẹnịnị. Ẹ yị nyị ọza ene vee chẹrẹ wa angwa. Ẹnẹyịmavara Ochẹtẹẹngụ ọ vavọọ wo oto ọnọnị nị.

Ịzẹhwanaya 3:13

Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ịhagayị 2:9

Dị ọ ka, irehi ọnị ẹ yaa da aanị o vee zoza huna ana a vịdị dà ịyẹẹyẹ nị. Ịzọọ ọnị vaa sị ẹngwọọrọ ọnịrị ize yị aza anị nị.

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Odeyi 12:6

Ịnị ịrahụ ịhị ọnị Ịhẹrọdị ro ka ọnị aa sị Ipita nee tù aza aanị, dị Ipita ọnị aa sụ̀ ara ịnị akakana isoja ẹẹva nịnị nị. Dị a sị ẹba ẹẹva sụ́ ọọ, di oserẹtẹ nịnị jẹẹ oze, di eyee sere ẹngwa nị.

Aniroomi 5:1

Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha.