Ireevi 26:5 - IWE ỌNỊNỊ

⁵ Ọ kà ịsa ịnị aarẹ ẹnịnị vaa rụrụ ẹtẹẹtẹrẹ dị ahịka vị ẹnịnị aa kụ waa gụ pooro dị o tù ụmẹ ana aa sịị há igirepi nị. Igirepi ẹnịnị vị ẹnẹ ẹ́ vaa ha pooro nee tu ụmẹ enee sii chire ịsa. Ẹnịnị vị ana vaa rị ịsa dị ịnẹ ha wa, dị ẹ rá ịnị ẹtẹ ẹnịnị dị ẹ́ yị nyị ịsị ẹ mẹ̀ wa.

Ireevi 26:5 ပူးပေါင်းရင်းမြစ်များ

Ahẹ Ụgama 144:13

Navọ à nyị ịsọyịrị irenyi-irenyi gwẹtẹ ịnị ụhwọ ayị, dị atẹmẹ ẹ gwẹẹtẹ hi ẹtẹ kẹnẹ ịnị aarẹ ayị.

Ahẹ Ụgama 90:1

Ananyị yị, ịda awụ ị tẹ hụrẹ ụmọrụmọ nọ.

Ọyịkụra 16:8

Di Imosiisi rẹ ka, “Ẹnẹyịmavara ọ vaa sị uyee wụ nịnị oruva dị ọ rẹ sị ịsọyịrị wụ nịnị ẹnẹnẹ o mè zee wu eyi nịnị nị. Ọ vavọọ aa sị wụ nịnị agụvị ka ọ sị wụ́ ka waa rị ihuhuu hi ọnị nịnị. Ẹ yị nyị ịsị ẹyị vị, ẹ yị vị ẹyị ụ waa rị ihuhuu hi nịnị, Ẹnẹyịmavara ụ waa rị ihuhuu hi nịnị nị.”

Ụhịrẹyị 1:33

Ama ẹ yị nyị ịsị ẹ vaa mẹ̀ aza ana sị ụtọ pe ịrẹyị ịrẹyọyẹ. Angwa e yi vee hi wa.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ayịsaya 1:19

Wàa zẹẹ ka wa wụ́ ịrẹyị amị, ụ vaa rị ịsa ozoza ịnị ẹhẹ.

Ayịsaya 30:23

Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Ijowẹrị 2:19

Dị ọ tu wa ohi ka ọnị vaa mẹ ka ịsa ịnị aarẹ ẹnịnị o zoza, dị ẹ nyị akụ ọnịrị eche ọwọọwa ne beri angwẹ ana hụ́ wa, dị ọ vọ ẹtẹ hi ẹtẹ. Agụvị avọọ Anẹkụra ana vọ ẹ yị kụkụ vaa sị wa ẹtẹ.

Ijowẹrị 2:22

Asị uye ịnị avị nịnị hụrẹ ayịnẹ agụvị ka avị vaa jẹẹ hụtụ-hụtụ. Ọchị nịnị vaa tụ ẹtụtụ ẹnịnị. Ọchị ihwigi ọnịrị ịvayịnị vaa tụ́ hyọvọ-hyọvọ.

Ijowẹrị 2:26

Ụ vaa nyị ịsọyịrị gwẹtẹ, dị ụ rị, dị ịnẹ ha awụ nịnị. Dị ụ waa ga Ohomorihi agụvị ịvọpa ọnị ọ mẹ̀ yị wụ. Ọza ẹ yị kụkụ vaa sị eyi wụ̀ ẹwụnị aza anị.

Emọsị 9:13

Ẹnẹyịmavara kà ụmẹ aa vẹ ịnị ụmẹ ọnọọ, dị aza ana kụ ịsọyịna gụ aa dọ aza ana jị ịrụkụ oro dị ọza anaa kwọrọ ẹtụtụ igirepi ọnịrị aza anaa ha a aa dọ ẹngụ oro. Ụbazị ịvayịnị ene hi ịrẹsụ ataba ọnịrị ịrẹsụ otutu vaa tụ́ hyọvọ-hyọvọ dị eche gwẹẹtẹ.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Iwe Ọhụhị Imosiisi ana aa hị́ Ọyịvatụrọda 11:15

Ẹtẹ vee nyị avị yị ịsụpa ẹnịnị. Ẹnịnị vaa rị ịsa, dị ịnẹ ha wa.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.