Ireevi 26:41 - IWE ỌNỊNỊ

⁴¹ ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.

Ireevi 26:41 ပူးပေါင်းရင်းမြစ်များ

1 Ohinọyị 21:29

dị ọ ka, “Me re ka Ahabị ộ kà ẹngụ anị chi. Ka ộ maanị kà ẹngụ anị chi, mẹ yị kụkụ vaa kụ́ ịrẹyị odivi vee kú ọ ịrẹsụ ịnị ụmẹ aanị, ama ịnị ụmẹ ozi anị mị vaa kụ́ ịrẹyị ọnọọ vee kú irehi anị ịrẹsụ nị.”

2 Ịtọpa 12:12

Ka Irehobowami ộ ka ẹngụ chi, dị Ẹnẹyịmavara ẹ̀ yị vavọọ du ayị hi ọ baaba nị. Agụvị avọọ ẹtẹ zoza ịnị ẹtẹ Ijuda.

2 Ịtọpa 32:26

Ịjị Ihezekaya ọnịrị Anijerusarẹmị ro ịnẹ, dị ẹ ka ẹngụ ẹnịnị chi, dị Ẹnẹyịmavara ẹ yị kụkụ sị ụya rị wa pooro dị Ihezekaya ve su nị.

2 Ịtọpa 33:19

Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.

2 Ịtọpa 33:23

Ebira ọhịmị anị o divi huu ada anị nị. Ẹ yị nyị ụmẹ ọnị ọ sị sị ka ịrẹsụ hì di o ro ịnẹ hụụnị ebira odivi anị.

Ẹzịra 9:13

Ebira odivi ayị ọ mẹ ka ẹwụ Ohomorihi ayị ọ̀ sị ụya rị yị nị. Ama wẹ yị sị ụya rị yị anka ebira ayị divi na za, dị ụ kụ aza ẹnyị ayị vavẹ eehi nị.

Ẹzịra 9:15

Ẹnẹyịmavara Ohomorihi Anisirẹrị, ọnịzẹyịza ụ vị nị. Ama wâ navọ ẹyị ana vẹtẹ ka ya yara ve tu ajịnị. Yâ dọ irenu ka yâ rị ịvị. Ọnị ọ mẹ ka asị ị kụkụ zụ vẹ ọvịdị awụ nị.

Inehemaya 9:33

Ụmẹ tụra ụmẹ ọnị wa maanị sị sị ụya rị yị, yâ yẹ ka á mẹ vọrọ yị yọ nị, agụvị ka ya raà mẹ̀ ebira odivi.

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 6:10

Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Ezikẹẹrị 14:23

Ẹnẹyịmavara kà ụ vaa yẹ ka aa nyị ịsị ẹ vị iruvo ọnị ọnị sịị mẹ avaba ịrẹyị.

Ezikẹẹrị 20:43

Ụ vaa tamayị avaba ịsị ọnị ụ mẹ̀ ọnị ụ sị ngụ ẹngụ awụ nịnị agụ, dị ịhyẹrẹ ẹngụ awụ nịnị aa nyị wụ nịnị, agụvị avaba ịsị odivi ọnị ụ mẹ nịnị.

Ezikẹẹrị 44:7

Ọ kà ẹnịnị ẹ́ yị sị ụbanyị irehi anị. Ẹnịnị maa sị ịsọyịrị, ụhị, ọnịrị vaa mẹ̀ ịsọvọ hi ọnị, ệ navọ ka anẹkụra ọsa ẹnẹ ẹ̀ yị và ebira odivi ẹnịnị ha, dị ẹ̀ yị ma saasa ịrẹyị anị è hi ịnị irehi anị. Ọ kà ẹnịnị ẹ raa sị ahụ jịnẹ ịrẹyị ọnị ọnịrị wa ka beri avaba enyisi ẹnẹ ẹ́ vịdị aa mẹ.

Ezikẹẹrị 44:9

Ọnị Ẹnẹyịmavara Ananyị ụkata hu ka, ẹ́ yị anẹkụra ọsa ẹnẹ ẹ̀ yị và ebira odivi anị ha, dị ẹ̀ yị ma saasa ịrẹyị anị ana vaa ngụ ịnị irehi anị, òo zee eyi ẹnịrị Anisirẹrị nịnị ẹ̀ ra vabẹ.

Ezikẹẹrị 6:9

Ẹnị ẹnẹẹ vaa yà ẹkụra ana a za wa ọrịhị hị́ dị ẹyaa tamayị anị ka, agụvị ka ẹnị ẹ́ yị sị ayị yị ọnịnya, ẹnị aa dụ orii zị, ọnị maanị sị sị ụya rị ẹnị, dị ọnị mẹ̀ ụhị nyị ẹnị nị. Ịhyẹrẹ ẹngụ ẹnịnị vaa nyị ẹnị ụvọta agụvị avaba ịsị edivi ẹnẹ ẹnị mẹ, ana kụkụ vị ụhị yị ẹnị booro anị.

Ireevi 26:24

ọnị rẹ vaa mẹ̀ ịsa ọnị ẹnịnị è yi sii hị́ wa ọnị ụvọta vaa sị ụyaa ọkatẹngụụ rị wa huni avọọ oze ịhịmba.

Ireevi 26:28

Ọnị rẹ vaa mẹ̀ ịsa ọnị ẹnịnị è yi sii hi wa, dị ọnị ụvọta sị ụya ịvị ẹnịnị rị wa hu avọ oze ịhịmba.

Ịrịka 5:7

Ọ dọ irenu ebira odivi ọnị ọ̀ mẹ̀, dị o si ụta beri achehi ẹẹhị varẹma yị ọza ọnị ọ mẹ̀ ẹ hi.

Imatiwu 23:12

Ọza ana àa kà ẹngụ anị hịrẹ, vị Ohomorihi aa kà a chí nị, ọza ana àa kà ẹngụ anị chí, vị Ohomorihi aa kà a hịrẹ nị.”

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Iwe Ọhụhị Imosiisi ana aa hị́ Ọyịvatụrọda 10:16

Agụvị avọọ, wụ̀ chire Ẹnẹyịmavara, dị asị ụ mẹ̀ ayị ọkatẹngụ hụrị ụmẹ tụ ọvịdị na.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 31:21

Ịjị ọnị ịrẹyị odivi-odivi ee tù wa, a vaa jị ahẹ ọnọnị ana vaa vị ivenu tụra wa ịrẹsụ. Evere ẹnịnị e yi vee hi ayị anị, Ẹnẹyịmavara kà ọnị ọ yẹ ịsị ẹ sị ayị tụ́ ka ẹnị vaa mẹ̀, dị ọnị hyakụ vaa kụ wa vẹ ịnị ẹtẹ ọnị ọnị wo oto anị ka ọnị aa sị yị wa.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anikorasi 2:11

Ẹwụrị Ikirisiti ọ̀ọ sị vị ọnya nịnị, Ohomorihi ọ raà jị wụ nịnị ụvẹvẹnẹ; ọsọnị ọyị vị ẹngụ ụvẹvẹnẹ ana aā sị ụvọọ jị. Ikirisiti ọ̀ọ jị ọza ụvẹvẹnẹ, ọnị ọ vị ka ọ raà sị ebira anị ịyẹẹyẹ anaā mẹ ịvị kwooze.