Ireevi 26:4 - IWE ỌNỊNỊ

⁴ ịjọnọọ, ọnị vaa zụ̀ orihii yị wa ịnị ụmẹ anị, dị ẹtẹ ọnọọ aa mẹ̀ ịsaa yị wa, dị ọchị ene hi ịnị aarẹ ẹnị raa tụ ẹtụtụ ẹnịnị.

Ireevi 26:4 ပူးပေါင်းရင်းမြစ်များ

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

Ijoovu 5:10

Ọnị ọọ̄ zụ orihi dị avaba aha nyị enyi nị.

Ahẹ Ụgama 104:13

Wâ zụ̀ orihi hụrẹ ẹbẹẹba hi ịnị ataba. Avaba anẹhẹ vị ọnị ụ mẹ ka ò zee yị.

Ahẹ Ụgama 67:6

Ịsa ịnị aarẹ ệ mẹ ẹtẹẹtẹrẹ. Ohomorihi, ẹwụ ana vị Ohomorihi ayị, wa raà mẹ ka ò zee yị.

Ahẹ Ụgama 67:7

Mị ka Ohomorihi ọ raà mẹ ka ò zee yi. Â vọrọ ka avaba anẹhẹ saka-saka ẹ̀ sị ụbanyị yọ.

Ahẹ Ụgama 68:9

Ohomorihi, wâ mẹ ka orihi ọ̀ zụ̀ hi ịnị ẹtẹ awụ ẹtẹẹtẹrẹ. Ẹtẹ awụ ene vịdị si bo, ọ rẹ varẹma vẹ eehi.

Ahẹ Ụgama 85:12

Mâ yẹ kaakara ka Ẹnẹyịmavara vaa mẹ̀ ịsa ene zoza, dị ẹtẹ ayị vaa mẹ̀ ịsa.

Ahẹ Ụgama 85:13

Ẹnẹyịmavara vị ana vaa mẹ̀ ịsa ana vọrọ, oze ịzẹyịza ọ vaa vàa tụra nị.

Ayịsaya 30:23

Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ezikẹẹrị 36:30

Ọ kà ọnị vaa mẹ ọchị nịnị ẹẹ tụ ẹtụtụ ẹtẹẹtẹrẹ, dị ọnị mẹ ka ịsị ịnị aarẹ ẹ̀ mẹ va gwẹtẹ, agụvị asị ụngwẹ ana vaa mẹ ụhịị nyị wụ nịnị vana vẹ.

Ijowẹrị 2:22

Asị uye ịnị avị nịnị hụrẹ ayịnẹ agụvị ka avị vaa jẹẹ hụtụ-hụtụ. Ọchị nịnị vaa tụ ẹtụtụ ẹnịnị. Ọchị ihwigi ọnịrị ịvayịnị vaa tụ́ hyọvọ-hyọvọ.

Ireevi 25:19

Ọ kà, ẹtẹ ọnọọ vaa mẹ̀ ịsaa yị wa, dị ẹyaa rị dị ịnẹ aa ha wa. Ẹ vaa rá ịzọọ, dị ẹ́ yị nyị ịsị ẹ mẹ̀ wa.

Ireevi 25:21

Ẹnẹyịmavara kà ọnị vaa mẹ ka ò zé yị ẹtẹ ẹnịnị ịnị ịrayị ọhụhịnọnyị, dị ẹtẹ ẹnịnị mẹ̀ ịsa ẹtẹẹtẹrẹ ana vaa hụ waa rịị mẹ ịrayị ẹẹta.

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Iwe Ọhụhị Imosiisi ana aa hị́ Ọyịvatụrọda 11:13

Imosiisi kà ẹnịnị ẹ saasa ọda ọnị raà sị yị wa ajịnị. E sì ịrẹyị Ẹnẹyịmavara Ohomorihi ẹnịnị, dị ẹ sị avaba ayị ẹnịnị hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 11:14

Ẹ̀ẹ vavọọ aa hẹkẹ ẹ, Ọ vaa zụ orihi yị wa ịnị ụmẹ ana vọrọ. Ọ vaa zụ orihi yị wa hụụnị orihi ịpaapa na ngụ orihi ọdịrẹma agụvị dị ẹ nyị ịsọyịrị ọnịrị eche ne beri angwẹ orivi.

Iwe Ọhụhị Imosiisi ana aa hị́ Ọyịvatụrọda 28:12

Ẹnẹyịmavara vaa na oze irehi ọnị ọ kụ ịsa hi ẹbẹẹba, dị ọ zụ̀ orihii yị wụ nịnị, ọ vaa mẹ ka ò ze yị wụ nịnị ịnị avaba ụkọrọ ọnị ụ waa mẹ nịnị, dị ụ wa zụụ sị ịsaa rèré anẹkụra ọrụrụ-ọrụrụ nịnị, ama wẹ yị vaa dọ ọza ọnyọọnyị ịsaa rèré nịnị.

Ijemiisi 5:7

Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.

Ẹtore 11:6

Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ.