Ireevi 26:34 - IWE ỌNỊNỊ

³⁴ Ịjọnọọ, ẹtẹ ọnọọ vaa yẹ́ ịsị aā hị́ ịrayị ana á sịị̄ tụ́ ụhwọ́ pooro avaba ụmẹ ọnị ọ vavọọ tụ osusu. Ụmẹ avọọ vị ọnị Anisirẹrị nịnị ị́ vaa yà ịnị ẹtẹ ọnịvị ẹnịnị. Ẹtẹ ẹnịnị vaa tụ́ ụhwọ́, dị ee hine ụmẹ ụhwọtụ anị.

Ireevi 26:34 ပူးပေါင်းရင်းမြစ်များ

1 Ohinọyị 8:46

“Aza awụ ẹ zụ na mẹ̀ ebira odivi hi wụ. Wâ yẹ ka ẹ yị nyị ọza ẹnẹ ẹ̀ yị mā mẹ̀ ebira odivi. Ẹ nyẹngụ vavọọ mẹ̀ ebira odivi dị ụ kụ́ ayị hi wa, dị ụ sị wa chire ọnịvị ẹnịnị ụvọ, dị ọnịvị ẹnịnị ẹnẹẹ kụ́ wa ọrịhị nọ ẹkụra ẹnịnị. Ịzị a vavọọ kụ́ wa nọ o zụ noze, ọ rẹ zụ gụrị ẹtẹ.

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ireevi 25:10

Ọ kà aanị ẹnịnị mẹmẹ vaa sị ana gụ ọ ịrayị ẹvarẹwụ tụ irenyi nị. Ẹnịnị vaa nọ̀ọ ịnị ịrayị ọnọọ ka aa ngwa avaba aza ana ra ịnị ẹtẹ ọnọọ tịtẹ. A vaa và avaba ogu ana a vịdị ná ịrẹmaa yị aza ana vịdị nyị wa, à vị yị ezi ẹnịnị, dị a hụrẹ avaba aza ana vịdị hị́ ọrịhị ụvọ ka ẹẹ vàa ka anda ẹnịnịị na.

Ireevi 26:35

Avaba ụmẹ ọnị ẹtẹ ọnọọ ọ̀ọ vavọọ tụ osusu tịtẹ, ọ vaa tụ́ ụhwọ́. Ụhwọtụ ọnọọ ẹnịnị ẹ̀ yị sị yị ọ, ụmẹ ẹnẹ ẹnịnị sị ra ịzọọ nị.

Ireevi 26:43

Ama ọnyị ịpaapa, aa nyị ka à hụ́ aza hụụnị ẹtẹ ọnọọ da, agụvị ọ̀ tụ́ ụhwọ́ ẹtẹẹtẹrẹ; ka ẹnịnị ê yi ka ẹnị ẹ́ yị saasa ọda anị ọnịrị ịsị ọnị ọnị kà yị wa, aa nyị ka ẹnịnị ẹ̀ rị avaba ụya anị.