Ireevi 26:12 - IWE ỌNỊNỊ

¹² Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

Ireevi 26:12 ပူးပေါင်းရင်းမြစ်များ

Oyinyima 17:7

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 3:8

Ọyị mẹ̀ sị rọ ịhị ọnọọ, dị ẹ wụ́ ka Ẹnẹyịmavara Ohomorihi aa vẹ ịnị ụbazị nị. Dị ọnọrụ ọnọọ ọnịrị ose anị si zwe na tẹ̀ ịnị ọchị ẹnẹẹ nị ka asị Ẹnẹyịmavara Ohomorihi re ẹnị.

Oyinyima 5:22

Enọkị ọnịrị Ohomorihi ệ rị pooro mẹ ịrayị ịrẹkẹẹchẹhị ọ mẹ̀ hụrẹ ma Imetusẹra. Ộ rẹ vana ma ezi anọrụ ọnịrị anẹẹ.

Oyinyima 5:24

Enọkị ọnịrị Ohomorihi ệ rị, dị ọza ò yi vene re e nị, agụvị ka Ohomorihi ọ raà sị ọ si hu.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

2 Ịsamụwẹrị 7:7

M mẹ̀ vavọọ aa saasa Anisirẹrị nịnị hụrẹ aha ẹnyị na ngụ aha ọsa, áá nyị ụmẹ ọnị mị sị kà a yị ọdọvịdị ẹnịnị ọnị mị ka ọ̀ọ tẹsị ẹnịnị ka sị ẹ vẹ dị ẹ̀ yị sị ọchị ozoza dà irehi mị?

Ahẹ Ụgama 50:7

Ohomorihi ka Ẹwụ nịnị Anisirẹrị aza anị, sị ụtọ pè ẹtẹ nịnị ka â nyị ịrẹyị awụ oni mi re Wâ yẹ ka ẹmị Ohomorihi ọ vị Ohomorihi awụ nịnị nị.

Ọyịkụra 29:45

Dị mị ra ịnị akakana Anisirẹrị nịnị, dị ahịka ẹma vị Ohomorihi ẹnịnị nị.

Ọyịkụra 29:46

Ẹnịnị vaa yẹ ka ẹma vị Ẹnẹyịmavara ana vị Ohomorihi ẹnịnị nị. Ẹmị ọnọọ ọ kụ́ wa jịnẹ hụrẹ Ijipiti ka ma va ra ịnị akakana ẹnịnị nị. Ẹma vị Ẹnẹyịmavara ana vị Ohomorihi ẹnịnị nị.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ijeremaya 11:4

Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 30:22

Ẹnẹyịmavara kà ẹnịnị vaa vị aza anị, dị ọnị vị Ohomorihi ẹnịnị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ezikẹẹrị 36:38

Ẹkụra ana a jị eburu va hi ẹtẹ aanị vaa vị ohihi yị aza anka Ijerusarẹmị mẹ vịdịị vị ohihii yị atẹmẹ ana aa sị vaa mẹ̀ ịsọvọ ẹkụhị eche avọọ. Ịjọnọọ ẹnịnị vaa yẹ ka ọnị ọ vị Ẹnẹyịmavara nị.

Ijowẹrị 2:27

Ọ kà Isirẹrị vaa yẹ ka ọnị jẹẹ wa ịrẹma. Ọnị ọ vị Ẹnẹyịmavara ana vị Ohomorihi ẹnịnị nị. Ẹ yị nyị ịsa ọsa. Ọza ẹ yị kụkụ vaa sị eyi wụ̀ ẹwụnị aza anị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịrịka 5:3

Ohomorihi ka ẹ̀ dụ ọza tụra ọza anaaa nyị ẹngụ ụkụ ẹnẹẹ. Ịzị ẹ ya ọ̀ nị agụvị ka ọnị ya ịnị akakana ẹnịnị.

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Iwe Ọhụhị Imosiisi ana aa hị́ Ọyịvatụrọda 23:14

Agụvị ka Ẹnẹyịmavara Ohomorihi awụ ya avaba aha udi ọnọnị, di e sere wu, dị ọ dọ ha hụụnị ụvọ ọnịvị awụ. Navọ ịzị ụ kụ́ udi aanị ọ vị aha ọnịnị, agụvị dị asị o re ebira odivi ịnị akakana awụ nịnị dị ọ va varẹma wụ nịnị.

Iwe Ọhụhị Imosiisi ana aa hị́ Ọyịvatụrọda 23:15

Ọrịhị òo zwè hụụ ịdị ọza ana nyị ọ ve tù wu nịnị, à sị ụ dụ ọ varẹma nịnị.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.