Ireevi 26:1 - IWE ỌNỊNỊ

¹ Ẹnẹyịmavara ộ kà a yị Anisirẹrị nịnị ka, à sị ẹnịnị mẹ ori nịnị yị ẹngụ ẹnịnị o. À sị ẹ sị ụmọmọ ịsa ọnyọọnyị jẹẹ, à sị ẹ́ sị ịrẹta mẹ ọhẹ jẹẹ, à vị ka ẹ̀ bẹ́ ịrẹta jẹẹ ịnị ẹtẹ ẹnịnị dị ẹẹ vàa ku ẹtẹẹ yị ọ o, agụvị ka ọnị ọ vị Ẹnẹyịmavara Ohomorihi ẹnịnị nị.

Ireevi 26:1 ပူးပေါင်းရင်းမြစ်များ

2 Ohinọyị 17:10

Avaba ịrẹsụ ataba ọnịrị iruvo avaba ọchị ana nyị uhuhu vị ẹnẹ ẹ sị ịrẹta mẹ ọhẹ hi; dị ẹ mẹ uyi ori ọnẹẹ ana aā hị́ Asẹra hi ịzọọ.

2 Ohinọyị 17:16

Ẹnịnị ệ jịnẹ avaba ọda Ẹnẹyịmavara Ohomorihi ẹnịnị, dị enyusẹ mẹ ezi imaaru ẹẹva ẹnẹ ẹyaa hẹkẹ nị. Ệ rẹ mẹ uyi ori ọnẹẹ ana aā hị́ Asẹra, ệ hẹkẹ ụzọmị nịnị ọnịrị ori ana aā hị́ Ịbaarị.

2 Ohinọyị 17:8

dị ẹyaa saasa ebira aza ọnị Ẹnẹyịmavara dụ hi ẹhẹ aza anị maa vẹ nị. Ẹnịnị ệ dọ ịsa oni ohinọyị Ísirẹrị nịnị kụ́ vẹ.

Ahẹ Ụgama 78:58

Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi. Ori ẹnịnị vị ana mẹ̀ ẹ kụ́ ụhị.

Ahẹ Ụgama 97:7

Avaba ọza ana aa hẹkẹ ori di e yee sii wo oto vị ọnị ụhị va nyị. Avaba ẹwụ nịnị ori òo kú ẹtẹẹ kụ́ Ẹnẹyịmavara.

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Ọyịkụra 20:23

Wẹ yị nyayịnẹ na sị igooru àa vị enyusẹ akàaka bẹ ori dị waa mẹẹ nịnị ne beri ẹmị ọnị ụ waa hẹkẹ nịnị.

Ọyịkụra 23:24

Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa.

Ọyịkụra 34:17

Wẹ yị nyayịnẹ na sị enyusẹ bẹ ịsa ọnyọọnyị dị waa hị́ ọ ori nịnị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ireevi 19:4

Ọ kà à sị ẹ và ịrẹma anị naa hẹkẹ ori. À sị ẹ sị enyusẹ mẹ uyi ori nịnị dị waa tana tụra ẹtẹẹ hẹkẹ wa. Ọnị ọ vị Ẹnẹyịmavara, Ohomorihi ẹnịnị nị.

Ireevi 25:55

Ẹnẹyịmavara kà, Anisirẹrị ọnyọọnyị ẹ́ yị zụ vị ọrịhị yị ọza pooro, agụvị ka Anisirẹrị nịnị vị ezi ahụ ọnị Ẹnẹyịmavara. Ọnị ọ kụ wa hụrị Ijipiti nị. Ọnị ọ vị Ẹnẹyịmavara Ohomorihi ẹnịnị nị.

Ireevi 7:33

Ohirẹsụ irehi Ohomorihi ana sị ọnịrị ụhị mẹ̀ ịsọvọ yị ọza ana va mẹ̀ ịsọvọ ọ vaa nyị usi eyi ụvọrị ịsụpa ọnọọ nị.

Ịrịka 33:52

ẹ dụ avaba aza ana ra ịzọọ jịnẹ eyi anị, dị gara avaba ịrẹta ẹnẹẹ̄ mẹ̀ ịsọvọ ịrẹsụ anị, dị wú avaba ụta ịsọvọ ẹnịnị.

Odeyi 17:29

Yàa vị ezi Ohomorihi, ẹ yị vọrọ ka ye ro o ka ya zụ sị ịsa anaa sị igooru ọnịrị ọmọ beri ịrẹta bẹ juwe anị. Ịsa ẹnẹẹ vị ụkọrọ ụvọ aza kẹnẹ; ariro aza ẹ jẹẹ yị nị.

Iwe Ọhụhị Imosiisi ana aa hị́ Ọyịvatụrọda 27:15

O yi vee ze yị ọza tụra ọza ana aa sị ịrẹta, ọchị, a vị enyusẹ mẹ ori anị, di e were-were hẹkẹ ẹ. Enyisi ori ọyị hẹkẹ vị yị Ẹnẹyịmavara. Dị avaba aza ọ̀ ha aamị!

Iwe Ọhụhị Imosiisi ana aa hị́ Ọyịvatụrọda 5:6

Ẹnẹyịmavara kà ọnị ọ vị Ohomorihi ẹnịnị ana tù wa hụrẹ Ijipiti ịzị ẹ vịdị vị ọrịhị tụ́ nị.

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

Ọdọvịdị 18:30

Ịjọnọọ dị aza Ịdaanị hi ori ọnọọ jẹ yị ẹngụ ẹnịnị nị dị Ijonatani ozi Igesomi ana vị ozi Imosiisi, ọnịrị ezi ẹnịnị vị ọnụtụ tu ịnị akakana yị ẹnịnị ori dị ẹ jẹẹ yị abara Ịdaanị pooro ne tu ụmẹ ana sị kụ wa ọrịhị na ngụ ẹtẹ ọsa.