Ireevi 24:9 - IWE ỌNỊNỊ

⁹ Eerọnị ọnịrị ezi anị ẹ nyị ịbụrẹdị ọnọọ nị. Aha ana a kà yaa rị ọ, ẹnịnị vaa yaa rị ọ nị, agụvị ka ịsa Ohomorihi ịnya kẹnẹ ọ vị nị, ịnị ịsọyịrị ana a sị va yị Ẹnẹyịmavara ọ vị nị.

Ireevi 24:9 ပူးပေါင်းရင်းမြစ်များ

Ọyịkụra 27:21

Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.

Ireevi 10:12

Imosiisi ộ kà a yị Eerọnị ọnịrị ezi ọnọrụ anị ẹyịva ana vọ ana aā hị́ Eriyaza ọnịrị Ịtama aanị ka, ẹ̀ sị ayị ana vẹtẹ ịnị ịsọyịrị ana a sị va yị Ẹnẹyịmavara aanị, dị ẹ̀ sị mẹ ịbụrẹdị ọnị ọza ẹ̀ yị sị owu tụ. Ọ kà ẹnịnị ẹ̀ yà akaha ụta ịsọvọ dị ẹ̀ rị ịbụrẹdị ọnọọ, agụvị ka ịsa ọnịnị ọ vị nị.

Ireevi 10:17

Sị́ ẹ́ vẹ dị wẹ̀ yị yà aha ọnya ịnị ẹkara ajẹngụ Ẹnẹyịmavara dị wa rị ịsị ịsọvọ ịvị ọnọnị nịnị? Ịsa ọyịrị ọnịnị ọ́ vị̀ nị, dị Ẹnẹyịmavara sị yị wụ nịnị nị, agụvị à sị kụ́ ịvị ịragụ aza anị kwooze nị.

Ireevi 21:22

Ẹngụ ọza ọnọọ ọ yị zụ rị ịsa ịsọvọ Ohomorihi, ịsa ịsọvọ ọnịnị ọnịrị ịsa ịsọvọ ọnịnị keekere.

Ireevi 24:10

 nyị ọnọrụ ọnya aanị, ana ada anị vị Anijipiti, dị ọnyị anị vị Anisirẹrị nị. Ẹkụhị ọnya, ọnịrị Anisirẹrị nịnị ệ zị jịnẹ, dị ọnịrị Anisirẹrị ọnya zyaazị nị.

Ireevi 3:17

Ọsọnị ọ̀ vị ọda ọnị avaba Anisirẹrị nịnị vaa saasa pooro aha tụra aha ẹnẹ ẹ̀ẹ ra nị. A sị ẹ na rị ụhị ịsụpa avị ọnyọọnyị o.

Ireevi 6:11

Ọ va naa vara ẹnya ọnị o ku hi ẹngụ, dị ọ va sị atịtọ ọnọọ jịnẹ hụụ ịzị aza ra hi, dị ọ na và hi aha ịnị ịrẹba.

Ireevi 6:16

Ohirẹsụ irehi Ohomorihi nịnị ẹ vaa rị ana vọ nị, Ẹ vaa sị mẹ ịbụrẹdị ọnị ọza ẹ yị sị owu tụ, dị ẹ rị ọ ịzị a jị ka àa rị ọọ; ọnị vị ohweje ịnị ajẹngụ Ẹnẹyịmavara nị.

Ireevi 6:9

Ọ̀ mẹ ọda ẹnẹnị yị Eerọnị ọnịrị ezi anị ịnị ịpa ịsọvọ ọyị rị ịra. Ịsị ịsọvọ ọyị rị ịra vị ana a vaa navọ tụ ịrẹsụ ụta pooro dị eyi ọ̀ nị, dị ịra ọ̀ vavọọ zaa hi ọ.

Ireevi 8:3

Ọ kà ọ̀ọ vavọọ sị ọ mẹ, dị ọ̀ hị́ avaba Anisirẹrị nịnị gụ ịzọọ.

Ireevi 8:31

Imosiisi ộ kà a yị Eerọnị ọnịrị ezi anị ka, ẹ̀ sị uye ịsị ịsọvọ ọnọnị nọ enoze ajẹngụ Ẹnẹyịmavara, dị ẹ̀ chịnẹ ẹ ịzọọ. Ẹ̀ẹ sị ọ chịnẹ, dị ẹ̀ rị ọnịrị ịbụrẹdị ana yà ịnị uji ịsị ịsọvọ ana a sịị̄ sị ọzaa rị ohirẹsụ irehi Ohomorihi ịzọọ, anka Ẹnẹyịmavara mẹ mẹ̀ ẹ ọda.

Ịmarakayị 1:12

Ama ẹnịnị aa sị eyi kẹnẹ-kẹnẹ re ọnị. Ọ kà ẹyaa kà a ka, ẹ yị nyị ịsị ịzị a ya rị ịsa ịnị irehi Ohomorihi vị. Ẹ ya kà a ka ịsa ẹnị aa rị ịzọọ vị ịsa kẹnẹ-kẹnẹ.

Imatiwu 12:4

dị ọ ngụ ini irehi ahẹkẹ Aniju na nị, dị ọ rị Ịbụrẹẹdị anaa sị yị Ohomorihi nị. Anka ọ́da mẹ̀ kà a, ẹ yị yaanị vọrọ ka ọnị aza anị ẹ̀ rị ẹngụ Ịbụrẹẹdị ọnọọ, ẹ̀ yị vị ohirẹsụ irehi Ohomorihi nịnị kẹnẹ.

Ịmaakị 2:26

Ộ ngụ ini irehi Ohomorihi na, dị ẹ rị Ịbụrẹẹdị anaa sị yị Ohomorihi nị. Anka ọ́da mẹ̀ kà a, ohirẹsụ irehi Ohomorihi nịnị kẹnẹ a vọrọ ka ẹ̀ rị ẹngụ Ịbụrẹẹdị ọnọọ nị. Ama Idevidi ộ rị ọ, dị ọ dà yị aza anị bẹẹ nị. Ụmẹ ọnọọ Abiyata ọ vị ohirẹsụ ọbanyị irehi Ohomorihi nị.”

Iruuku 6:4

Ộ ngụ ini irehi Ohomorihi na, dị ọ rị akara ana a sị yị Ohomorihi, dị ọ rẹ dà yị aza anị nị. Anka ọ́da mẹ̀ kà a, ohirẹsụ irehi Ohomorihi nịnị kẹnẹ a vọrọ ka ẹ̀ rị ẹngụ akara ọnọọ nị.”

1 Ịsamụwẹrị 21:6

Di Ohirẹsụ irehi Ohomorihi ọnọọ sị Ịbụrẹẹdị ọnọọ ana a sịị̄ tụ́ ini irehi Ohomorihi yọ nị, agụvị ka ẹ yị nyị Ịbụrẹẹdị ọsa ịzọọ. Â nyị Ịbụrẹẹdị ana a sị vaa tụ́ ọdọvịdị Ohomorihi, ama a raà sị ọ kwooze ka a sị Ịbụrẹẹdị ọsa ana ngụ ịra va dọ ọ ịrẹsụ ịnị ịhị ana a sị ọ hụụ ịzọọ.