Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ireevi 24:8 - IWE ỌNỊNỊ

8 Avaba ẹkụhị ọnị ọza ẹ̀ yị ma mẹ̀ ụkọrọ, ọvịdị Ẹnẹyịmavara pooro yị Anisirẹrị nịnị. Ịzẹzẹ ọ vị yị wa pooro nị.

အခန်းကိုကြည့်ပါ။ ကော်ပီ




Ireevi 24:8
9 ပူးပေါင်းရင်းမြစ်များ  

Isoromọnị ka ọnị a vaa dà irehi yị Ẹnẹyịmavara Ohomorihi. Irehi ọnọọ vị ana vị aha ịzị a vaa rị eturare ana dagụ ozoza ịra hi Ẹnẹyịmavara, dị aa kụ́ ụbụrẹẹdị ịsọvọ hi ịrẹsụ ụta ịzọọ. Dị aa rẹ mẹ̀ ịsọvọ ana aā rị ịra ẹnẹnẹ ọnịrị oruva eyinị-eyinị ọnịrị avaba ẹkụhị ụhwọtụ, beri eche ụhwẹ ọwọọwa ọnịrị avaba eche ọnị Ẹnẹyịmavara Ohomorihi nyị ka aa rị. Ọsọnị ọ vị ọda ọnị Ẹnẹyịmavara nyị ka aa mẹ pooro nị.


Ẹnịnị ẹ gana achị onuvuru ku iteburu anaā sịị ụvụrẹẹdị Ẹnẹyịmavara tụ. Dị ẹ kụ ịchacha, ẹnya eturare, ẹnya ọbanyị, ako ọnịrị ụvụrẹẹdị otirenyi.


Ẹnyị ịnị ezi Ikohati ẹẹ̄ mẹ ịbụrẹdị ụnarenyi ana a sịị̄ tụ ini Irehi Ohomorihi avaba ẹkụhị ụhwọtụ nị.


Ẹkẹhị ọnọnị é re vee sii si ụta ụbụrẹẹdị Ohomorihi ọnịrị ịsa ịsọvọ eyinị-eyinị beri ịsọvọ irenyi anka ẹkụhị ụhwọtụ, eche ụhwẹ ọwọọwa ọnịrị eche ana vọ. Ịnị anị e re vee si ụta ịsa ịsọvọ ọyị pa ẹvagu ịvị ẹnịnị ọnịrị ịrẹyị ẹkẹhị ịsa ana àa nyị ka à na mẹ ini irehi Ohomorihi nị.


Ẹnị a rẹ sị tụ́ iruvo ịbụrẹdị ana a sị va yị Ohomorihi, ọnịrị ayị ọyịkwọ ana a sịị̄ mẹ̀ ịsọvọ, Ịbụrẹẹdị pẹtẹ-pẹtẹ ọnị ọza ẹ yị si owu tu, avaba ịsa ana á jị, ọnịrị ayị ọyịkwọ ana a sị angwẹ orivi hùra. Ẹnị ẹẹ̄ sị ịngọọ ngọ ịsa ana a sị va mẹ̀ ịsọvọ ini irehi Ohomorihi nị; dị ẹ rẹẹ̄ mọ ịsa ana a sị vẹ nị.


Dị ụ sị Ịbụrẹẹdị ana sị mị tụ́ ịrẹsụ itevuru ọnọọ, dị ọ̀ vavọọ yà ọvịdị amị pooro.


Ịhị ọnọọ â nyị ozi ahụ Ịsọọrụ ọnya aanị ana a za tụ́ ịzọọ. Ịrẹha anị ori Idowegi nị. Anedomi ọ vị nị, dị ahịka ọnị ọ vị ọga aza ana sị eyi pè ịsụpa Ịsọọrụ nị.


Ẹnẹnẹ ọnịrị oruva vị ọnị ẹ ya rị eturare ọnịrị uye ịsọvọ ịra. Dị ẹ yaa sị ụbụrẹẹdị vẹ ịrẹsụ iteburu ana nị. Oruva-oruva vị ọnị e yee hu ịra ozotupa ọ nyị irenu ịhịmba ọnị ọchị anị vị igooru. Ẹ ka ẹnị vaa mẹ̀ ịsa ọnị Ẹnẹyịmavara mẹ ọda anị, ama ẹwụ nịnị ọ raà va ịrẹma anị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ