Ireevi 24:7 - IWE ỌNỊNỊ

⁷ Ọ kà Imosiisi ọ̀ sị eturare obooro pe ọrọ ikonyi-ikonya. Ọnị ọ vaa sị zụ Ẹnẹyịmavara kà aa sị avaba ịbụrẹdị ẹnẹnị va yọ nị.

Ireevi 24:7 ပူးပေါင်းရင်းမြစ်များ

Oyinyima 9:16

Ịjị ọgazị ọ̀ọ hụrẹ tụ́ ịnị eguhi, ọnị vee re e dị ọnị tamayị ọkatịtẹ anị zịna-zịna ọnị ọnị Ohomorihi pè avaba ịsị ẹ nyị ụhwẹ ene hi ẹhẹ ka.”

Ọyịkụra 12:14

Ẹkụhị ọnọọ vị ọnị ụ vaa tamayị anị nịnị pooro. Ezi ịrẹma-ịrẹma ana aa vẹ vị ana vaa tamayị ẹkụhị ọnọnị, dị ẹ yaa rị eche anị dị ẹ̀ sịị kụ́ ọnị Ẹnẹyịmavara avọ. Eche ọnọọ vị ẹnị ẹ vanaa rị pooro zịna.

Ọyịkụra 13:9

Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị.

Ọyịkụra 17:14

Dị Ẹnẹyịmavara kà a yi Imosiisi dị ọ ka, “Chẹrẹ ịrẹyị ọnọnị tụ́ ini iwe dị àa tamayị anị. Kà a zụ̀ Ijosuwa dị ọ̀ wụ́. Anamarẹkị vi oni mee vú ẹtẹ dị ọza ọ mā vana wụ́ ịrẹha ẹnịnị ịnị ẹhẹ.”

Ọyịkụra 28:12

di we kuru wa za ọtụrịza ana yà ịnị ịharamịra ọnọọ. Ịrẹta ẹnẹẹ a vaa sị tamayị ezi Anisirẹrị pooro nị. Avọọ Eerọnị mẹ̀ vaa kụ́ ịrẹta ẹnẹẹ tụra ịza anị, dị ọ̀ mẹ ka ẹmị Ẹnẹyịmavara maā tamayị ẹnịnị pooro nị.

Ayịsaya 43:23

Wẹ yị kụ atẹmẹ ẹnịrị ẹvụ awụ nịnị va mẹ̀ ịsọvọ ana aā rị ịra yị mị nịnị. Wẹ yị mẹ̀ ịsọvọ ka wa sị ụbanyị yị mị nịnị. Mẹ yị kụ́ kata wụ nịnị ẹngụ ka wa va mẹ̀ ịsọvọ yị mị nịnị. Mẹ yị kụ́ kata wụ nịnị ẹngụ ka wa sị eturare vẹ nịnị.

Ireevi 2:1

Ọza ọnyọọnyị ọ̀ọ sị ẹ̀hụ́ akụ avọọ aa vaa mẹ̀ ịsọvọ hi Ẹnẹyịmavara, aa nyị ka ọza ọnọọ ọ̀ kwọ̀ ọ dị ọ̀ vị́ ẹtẹẹtẹrẹ. Ọza ọnọọ vaa và angwẹ hi ọ ịrẹsụ, dị ọ rẹ sị eturare anaa dà agụ ohine àa ka a hi ịra vaka a,

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

Ireevi 2:9

Ohirẹsụ irehi Ohomorihi ọnọọ vaa dàa hụụnị ịbụrẹdị ọnọọ ana vaa sị zụ ka avaba anị a sị va yị Ẹnẹyịmavara nị. Dị ọ rị ọ ịra ịrẹsụ ụta ịsọvọ. Agụ ịsị ịsọvọ ọnọọ vị eneē hine Ẹnẹyịmavara.

Ịjọọnụ 6:35

Dị Ijeesu ka, “Ẹma vị ịsọyịrị anaā mẹ ka ọza ọ̀ yàra booro nị. Ọza ana àa ká mị vẹ, ụngwẹ ọ mā vana kụ̀ ọ paa. Ọza ana àa sị ayị tụra mị, enyi ọ mā rẹ vana kụ̀ ọ paa.

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Odeyi 10:4

Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.