Ireevi 24:2 - IWE ỌNỊNỊ

² Ọ̀ kà a yị Anisirẹrị nịnị ka ẹ̀ sị angwẹ orivi ene zoza hu kere-kere vẹ, dị à sị tụ ịnị ozotupa ana ya ịnị ajẹngụ ọnị Ẹnẹyịmavara, agụvị dị ịra ọọ za pooro kẹnẹ.

Ireevi 24:2 ပူးပေါင်းရင်းမြစ်များ

2 Ịtọpa 13:11

Ẹnẹnẹ ọnịrị oruva vị ọnị ẹ ya rị eturare ọnịrị uye ịsọvọ ịra. Dị ẹ yaa sị ụbụrẹẹdị vẹ ịrẹsụ iteburu ana nị. Oruva-oruva vị ọnị e yee hu ịra ozotupa ọ nyị irenu ịhịmba ọnị ọchị anị vị igooru. Ẹ ka ẹnị vaa mẹ̀ ịsa ọnị Ẹnẹyịmavara mẹ ọda anị, ama ẹwụ nịnị ọ raà va ịrẹma anị.

Ahẹ Ụgama 119:105

Ịrẹyị awụ vị ana sị mẹẹ anka ozotupa avọọ oni mee sii re ẹtẹ. Etohweyi ana aa si oze zụ̀ mị ọ vị nị.

Ahẹ Ụgama 119:130

Ịjị ịrẹyị awụ ọ̀ọ sị ngụ ịnị ayị ọza, eyi anị vee hweyi. Vị ọọ̄ mẹ ka obedu ọ̀ hyakụ yẹ ịrẹyị nị.

Ọyịkụra 39:37

Ịsa ọsa ene re hi ịnị ẹnya ẹnẹ ẹ vavọọ kụ́ vẹ yị: ịzị aa sị ozotupaa tụ́ ana a sị igooru obooro mẹ ọnịrị ozotupa anị nịnị ne beri angwẹ ene e ve sii hu ịra.

Ọyịkụra 40:24

Di Imosiisi rẹ sị ịzị aa sị ozotupaa tụ́ dị ọ sị tụ́ ịnị ajẹngụ ọnọọ nị. Dị ahịka oze eyi ụvẹtẹ ọ maanị yà ịnị ajẹngụ ọnọọ dị ọ và eyi kà itevuru ana yà ịzọọ nị.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ayịsaya 11:2

Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ. Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ. Ohinọyị ọnọọ vaa yẹ ịsa ọnị Ohomorihi sì,

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ireevi 24:1

Ẹnẹyịmavara ộ kà a yị Imosiisi ka

Ireevi 24:3

Ozotupa ọnọọ vị ana a vaa sị tụ eyi ẹhẹ ọvịdị ịta ana a sị jị ịzị a sị apoti oto tụ oruva-oruva Eerọnị vaa sị ịraa da a dị ọọ za naa ngụ ẹnẹnẹ eyinẹhẹ anị nị. Aanị ẹ́ mẹ vaa saasa ọda ọnọnị pooro nị.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Iruuku 1:79

Ọ vaa sị ẹtohweyi yị aza ene hi ịnị ịrahụ, dị ẹ yà ịnị ụvọ isu. Ọ vaa zụ̀ yị oze ẹngwọọrọ.”

Iruuku 12:35

“Tenyi ẹngụ nịnị! Dị ụ wa sị obo awụ nịnị sụ́ ọtẹ, di ozotupa awụ nịnị ọ̀ọ za!

Ịjọọnụ 1:4

Ịrẹyị ọnọọ ọ mẹ ka ịsavị-ịsavị ẹ̀ yàra nị. Ọyịyàra ọnọọ aa sị ẹtohweyi zụ̀ aza nị.

Ịjọọnụ 1:9

Etohweyi obooro ana aa sị ẹtohweyi zụ̀ aza, aa vẹ ịnị ẹhẹ,

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.