Ireevi 23:3 - IWE ỌNỊNỊ

³ Ọ kà, ẹkụhị ịhịnọnyị ẹnịnị vaa sị mẹ̀ ụkọrọ nị, ịhị ẹ tụ ọ ẹkụhị ịhịmba vị ẹkụhị ụhwọtụ, vị́ ẹ vaa sị tụ́ ụhwọ́ nị. Ẹnịnị ẹ́ yị vaa mẹ̀ ụkọrọ ọnyọọnyị ịhị ọnọọ, ama ẹnịnị vaa wara a gụ, dị ẹ̀ hẹkẹ ọnị. Aha tụra aha ẹnẹ ẹ̀ẹ ya, Ẹnẹyịmavara ọ nyị ẹkụhị ụhwọtụ ọnọọ nị.

Ireevi 23:3 ပူးပေါင်းရင်းမြစ်များ

Ọyịkụra 16:23

Di Imosiisi kà a yị wa dị ọ ka, “Ọda ẹnị Ẹnẹyịmavara mẹ yị. Ọ kà ụhwọọ vị ẹkụhị ụhwọtụ. Ẹnẹyịmavara ọ nyị ẹkụhị ụhwọọ nị. Ọpa oni u weè sì ka waa wara, ụ wara a nịnị, du wa rẹ hụ́ ọpa oni wèe sì ka waa hụ́. Ana àa vọ sị ọ hụrẹ ẹtẹ na tẹ̀ tù ẹnẹnẹ.”

Ọyịkụra 16:29

Tamayị ka ẹmị Ẹnẹyịmavara mâ sị ẹkụhị ụhwọtụ yị wụ nịnị. Agụvị avọọ dị mị ka wa kụ́ oze ẹẹva ịhị ẹ tụ́ ọ ẹkụhị ịhịnọnyị nịnị nị. Ọzọza ọ̀ yà ịzị ọ̀ọ yà ịnị ịhị ẹ tụ́ ọ ẹkụhị ịhịmba. Asị a nyị ọza ana jịnẹ tụ́ ẹhẹ.”

Ọyịkụra 16:30

Ịzẹyịza dị aza ẹnẹẹ aa tụ́ ụhwọ ịnị ịhị ọ tụ́ ọ ẹkụhị ịhịmba nị.

Ọyịkụra 23:12

Ịnị akakana ẹkụhị ịhịnọnyị ụ va sị mẹ̀ ụkọrọ nị. Asị a nyị ụkọrọ ọnị ụ mẹ ịhị ẹ tụ́ ọ ẹkụhị ịhịmba. Ọnọọ vaa mẹ ka imaaru ọnịrị ịkẹrịkẹtẹ awụ è re oze tụ́ ụhwọ. Ọrịhị ana a ma ini eehi awụ ọnịrị azọga ene hi ịda awụ ẹnị re vee re oze tụ́ ụhwọ dị ẹngụ ẹnịnị tana.

Ọyịkụra 34:21

Mẹ avaba ụkọrọ ọnị ụ wàa mẹ ịnị akakana ẹkụhị ịhịnọnyị. Ịhị ẹ tụ́ ọ ẹkụhị ịhịmba dị ụ tụ́ ụhwọ. Òo zee e eyi ọ̀ vị ụmẹ ana a sịị̄ jị ịrịkụ òo zee e eyi ọ̀ vị ụmẹ ana a sịị̄ tọ̀ọ́ ịsa ọyịna â nyị ka wa tụ́ ụhwọ ịnị ẹkụhị ụhwọtụ.

Ayịsaya 56:2

Mị vaa mẹ ọyịzaa yị avaba aza anaā saasa ọda ẹkụhị ụhwọtụ, dị ẹnịnị ẹ yị ma mẹ kẹnẹ-kẹnẹ ịnị anị. Mị vaa mẹ ọyịzaa yị aza ẹnẹ ẹ̀ yị ma mẹ̀ ịsa odivi.

Ayịsaya 56:6

Ẹnẹyịmavara ộ kà a yị anẹkụra ọsa ẹnẹẹ ana raà sị ẹngụ ẹnịnị va yị ọnị, di e sì ịrẹyị anị, dị ẹ rẹ yaa mẹ ụkọrọọ yọ; aza anaa saasa ọda ẹkụhị ụhwọtụ, dị ẹ sị ịzẹyịza jẹẹ tụ ịnị oto ọnị ọnị wo yị wa:

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Ireevi 19:3

Ọzọza ọ̀ sị ụbanyị yị ada anị ọnịrị ọnyị anị, dị ẹ̀ sị ụvọ za ịrẹyị ẹkụhị ụhwọtụ anka ọnị mẹ mẹẹ ọda yị wa, ọnị ọ vị Ẹnẹyịmavara, Ohomorihi ẹnịnị nị.

Iruuku 13:14

Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!”

Iruuku 23:56

Dị ẹ varẹma nọ eehi, di e ne tenyi eturare beri ịsa oyisisi oku tịtẹ nị. Ịnị ẹkụhị ụhwọtụ, dị ẹ tụ́ ụhwọ́ nị, anka ọ́da Imosiisi mẹ̀ kà a.

Odeyi 15:21

Agụvị ka o si kù ana a hụrẹ aa kà ọda Imosiisi ini irehi Ohomorihi, dị aa kà ịrẹyị anị avaba ẹkụra ịnị ẹkụhị ụhwọtụ-ẹkụhị ụhwọtụ nị.”

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.