Ireevi 23:2 - IWE ỌNỊNỊ

² ọ̀ kà a yị Anisirẹrị nịnị ka, eche ẹnẹnị ẹnịnị vaa rị dị avaba ẹnịnị wara gụ ọ̀ yị hẹkẹ ọnị nị.

Ireevi 23:2 ပူးပေါင်းရင်းမြစ်များ

2 Ohinọyị 10:20

Ijehu ộ mẹ̀ ọda ka à jị ẹkụhị ana a vaa sị hẹkẹ Ịbaarị, ịzẹyịza dị ẹ nọ̀ ọ ẹkụhị ọnọọ nị.

1 Ịtọpa 23:31

Ọnịrị avaba ụmẹ ana àaa sị vaa mẹ̀ ịsọvọ ana aā rịra ịnị ẹkụhị ụhwọtụ, ụmẹ eche ụhwẹ ọwọọwa, ọnịrị ụmẹ eche ana vọ. Â nyị ọda ana sị zụ, ọpa Anireevi ana vọrọ ka ẹẹ mẹ̀ ụkọrọ ụmẹ ọnya-ụmẹ ọnya. Anireevi nịnị a ka ẹẹ mẹ̀ ụkọrọ ini irehi Ẹnẹyịmavara pooro kẹnẹ nị.

2 Ịtọpa 2:3

Avọọ, Isoromọnị mẹ rẹ tụ́ ụtụ ne tu Ihurami ana vị ohinọyị Ịtaya ka ọ ha ọchị Isida va yị ọnị anka ọ mẹ vịdị ha ọchị yị ada anị Idevidi ọnị ọ sị dà irehi yị ẹngụ.

2 Ịtọpa 30:5

avọọ, di a hị́ avaba Anisirẹrị saka-saka, hụrẹ ẹtẹ Ịdaanị eyi ẹbẹẹba huu na ngụ Ịbẹẹsẹba ana ya eyi ụvẹtẹ. Ohinọyị kà a ẹnịnị ẹ kụ́ ẹngụ gụ Ijerusarẹmị dị ẹ̀ rị eche ọyịparahu ọnọọ anka ọda Ẹnẹyịmavara mẹ̀ kà a. Ụrụrụ aza ana rị eche ọnọọ vị ẹnẹmẹhị ọnị ẹ yị vịdị nyị ẹngụ anị da.

Ẹzịra 3:5

Ịrẹma ịsọvọ ẹnịnị, dị ẹ rẹ yaa mẹ̀ ịsọvọ eyinị-eyinị ọnịrị ịsọvọ ụhwẹ ọwọọwa neberi ịsọvọ eche ịrayị-ịrayị yi Ẹnẹyịmavara nị. Dị ẹ rẹ yaa mẹ̀ ịsọvọ ọnị ọzọza ụvọta anị sị ayị anị sị hẹkẹ Ẹnẹyịmavara nị.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Ọyịkụra 32:5

Ịjị Eerọnị vavọọ re e, dị ọ jị ụta tụ́ ọvịdị imaaru ọnọọ dị ọ nọ̀ ọ yị avaba aza dị ọ ka, “Ụhwọọ a vaa rị eche dị a sị tamayị Ẹnẹyịmavara o!”

Ayịsaya 33:20

Kana eyi di we re nịnị. Ịzọọ ọ vị ẹkụra ịzị ị yàa rị eche ahẹkẹ ayị nị. Wéē re Ijerusarẹmị ẹkụra ana aza ra hi ịnị anị ịnị ẹngwọọrọ. Vị ọ sị mẹẹ ajẹngụ ana ahịka ọza ọ yị vaa kụ́ụ hụrẹ udi anị avọọ nị. Ọza ọ yị vaa tụ̀ ẹka ana a sị kanyị ọ. Ọza ọ yị rẹ vaa yẹrẹ obo anị.

Arụwẹ 1:4

Avaba oze Ijerusarẹmị aa zị ẹngụ ka ẹ yị ọza ana aa zị ẹnị. Avaba Oze ovwoovu ọbanyị anaā zịị ngụ ẹkụra vi osusu Ẹ yị nyị ọza ana kụkụ a vẹ ịnị irehi Ohomorihi vaa mẹ ahẹkẹ ẹkụhị eche. Ezi ẹnyẹnẹẹ anaā jị ahẹ ịnị irehi Ohomorihi kụkụ e sụ ùnè, dị ohirẹsụ irehi Ohomorihi nịnị eè rimanya nị. Ijerusarẹmị aa ba arụwẹ ọngwọọngụ.

Ezikẹẹrị 44:24

Àa nyị aza ana nyị ịrẹyị, ohirẹsụ irehi Ohomorihi nịnị ẹ̀ nyị aza ịnị ẹngụ ẹnịnị dị ẹ̀ mẹ̀ ọkarẹyị yị wa anka ọnị Ẹnẹyịmavara mẹẹ mẹ̀ ọkarẹyị. Ọ kà ẹnịnị àa rị eche, ẹ̀ saasa avaba ọda eche ọnọọ ọnị mẹ̀ yị wa, dị ẹnịnị è ré ka ẹnị ẹẹ sị ẹkụhị ụhwọ tụ anị tịtẹ yị ọnị.

Ihoseya 2:11

Ộ kà ọnị rẹ vaa za avaba eche Anisirẹrị jẹẹ; eche ụhwẹ-ụhwẹ ọnịrị eche ịrayị-ịrayị ẹnịnị ne beri eche ụhwọtụ irenyi-irenyi ọnịrị avaba eche ana vọ.

Ijowẹrị 1:14

Hị́ ịragụ gụ Mẹ̀ ẹ ọda ka a za awẹ. Kụ́ azọkụ ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị, dị ee sụ́ ùnè hi Ẹnẹyịmavara ẹngụ.

Ijowẹrị 2:15

Hú ọpanyị ịrẹsụ ataba Ịzayọnị; dị ẹ sị hị́ aza gụ, dị asị ọzọza rị ịsa agụvị ka ayị ẹnịnị o yi hine.

Ireevi 23:1

Ẹnẹyịmavara ộ kà a yị Imosiisi ka,

Ireevi 23:21

Ọ kà asị ẹnịnị mẹ̀ ụkọrọ ẹnẹ ẹẹ mẹ eyinị-eyinị, ama ẹnịnị ẹ̀ wara gụ dị ẹ̀ hẹkẹ ọnị. Avaba evere ẹnịnị vị ana vaa saasa ọda ọnọnị pooro, aha tụra aha ẹnẹ ẹẹ ra.

Ireevi 23:37

Eche ọnị Ẹnẹyịmavara kà aa rị ọ̀ yị sị ụbanyị yị ọnị yị. Ụmẹ ana Anisirẹrị nịnị vaa sị waraa gụụ hẹkẹ ọnị ẹ́ vị nị; ụmẹ ọnọọ ẹ rẹ vaa sị ịsọvọ ịsọyịrị, ịsọvọ ana aā rị ịra, ịsọvọ akụ, ịsọvọ ana vọ nịnị ọnịrị ịsọvọ eche vaa yị Ẹnẹyịmavara, ịsọvọ ọzọza vị ẹnẹ ẹ vaa mẹ ịnị ẹkụhị anị.

Ireevi 23:4

Eche ẹnẹnị Ẹnẹyịmavara kà ẹnịnị ẹẹ rị, dị ẹẹ waraa gụụ hẹkẹ ọnị nị. Ụmẹ eche ẹnẹẹ òo si tu, Imosiisi ọ̀ nọ̀ ọ yị wa.

Ireevi 23:44

Aanị Imosiisi mẹmẹ mẹ ẹhahi eche ọnị Ẹnẹyịmavara kà Anisirẹrị nịnị ẹẹ rị yị wa nị.

Ịnahụmị 1:15

Dị ọ ka, Anijuda e kana eyi, dị e re ọnụtụ ana vaa ka enube ọyịza yị wa. Ọnụtụ ọnọọ vaa nọ̀ ọ ka ẹ raà nyị ẹbẹẹba ọnịvị ẹnịnị. Ẹnịnị ẹ kwẹẹtẹ, dị ẹẹ rị eche, dị ẹ mẹ̀ ịsa ọnị ẹ kà ẹnị vaa mẹ̀ yị Ohomorihi. Ọnịvị ẹnịnị ẹ yị kụkụ vaa zụ nyị ẹbẹẹba ẹnịnị. Avaba ọnịvị ẹnịnị saka-saka ẹ sị vara oku.

Ịrịka 10:10

Ọ kà e hu ọ ịnị ụmẹ ọnị ẹ yaa jẹ ịrajẹ ọnịrị ịnị ụmẹ avaba eche asụsụ ịrayị ẹnịnị. E hu ọ ụhwẹ ọ sị chị, dị ẹ si hine ayị ịrẹsụ ịsọvọ anaā rị ịra ọnịrị ịsọvọ ẹngwọọrọ. Ịkakanchị ọnọọ vaa tama ọnị ayị oto ọnị wo yị wa. Ọnị ọ vị Ẹnẹyịmavara ana vị Ohomorihi ẹnịnị nị.

Ịrịka 29:39

Ẹsẹnị ẹ vị ọda ana kara ịsọvọ ọyị rịịra, ịsọvọ ayị ọyị kwọ, eche ịsọvọ, ọnịrị ịsọvọ uze ọnị Ẹnẹyịmavara hụ agụvị anị nyị eche ana aa rị. Ẹsẹnị vene beri ịsọvọ ene sii si ụta ịzẹzẹ à vị ịsọvọ ana hụụnị ayị vẹ.

Ịjọọnụ 5:1

Ẹkụhị ọnya, ụmẹ eche ọnya aanị ana Aniju nịnịị̄ rị, o si tù. Ijeesu ộ hịrẹ nọ Ijerusarẹmị.

Anikorasi 2:1

Jẹẹ ma kà a wụ nịnị ka mâ sị vụrị ẹtẹẹtẹrẹ agụvị awụ nịnị ọnịrị Anịragụ Irayodesiya ọnịrị aza ẹnẹ ẹ̀ yị hyakụ yẹ mị tụ́ eyi.

Anikorasi 2:16

Agụvị avọọ asị ụ zẹẹ ka ọza ọ̀ kụkụụ jị ịvịị wụ nịnị ini oze ịsọyịrị ọnịrị isu wee hú nịnị. Asị ụ rẹ kụkụ zẹẹ ka àa mẹ ọdaa wụ nịnị ini oze eche ọyịrị, ẹhụụ eche ụhwẹ ọwọọwa ọnịrị ẹkụhị ụhwọtụ.