Ireevi 22:9 - IWE ỌNỊNỊ

⁹ Ẹnẹyịmavara kà, avaba ohirẹsụ irehi Ohomorihi ẹẹ saasa ọda ọnị ọnị sị yị wa. Ẹ̀ yị vị avọọ, ẹnịnị va mẹ̀ ịvị, di e su agụvị ka ẹnịnị ee sị ahụ jịnẹ ọda ọnị Ohomorihi, Ẹnẹyịmavara ana nyị wa tụ irenyi yị ẹngụ anị nị.

Ireevi 22:9 ပူးပေါင်းရင်းမြစ်များ

Ọyịkụra 28:43

Eerọnị ọnịrị ezi anị àa ngụ ịnị ajẹngụ ọnọọ ẹ̀ vụ́ ọvẹntẹ ọnọọ. Ẹ̀ẹ rẹ yàa nọ ịnị ụta, ka ẹnị ẹ̀ na mẹ̀ ụkọrọ Aha Ọnịnị ẹ̀ rẹ vụ ọ. Ẹ̀ yị vavọọ vụ ọ, vị ẹ yaa kụ́ ịvịị tù ẹngụ ẹnịnị di e sú nị. Ido ọnọnị vị ọnị mị jị yị Eerọnị ọnịrị ezi anị ka ẹ̀ si eyi pe e pooro zịna-zịna.

Ireevi 16:13

Ọ vaa yà ọvịdị Ẹnẹyịmavara ịzọọ, dị ọ và eturare ọnọọ hi ịnị ịra, dị areyi anị ọ̀ chaka ku ịrẹhụ ayamva ana yà ịrẹsụ apoti oto ụ vị dị a sị o su agụvị ka oo re e.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Ireevi 18:30

Ẹnẹyịmavara kà, ẹnịnị ẹẹ saasa ọda ọnị ọnị mẹ yị wa; à sị ẹ saasa ebira ọnị aza ana vịdị ra hi ịnị ẹtẹ ọnị ọnị kụ wa aa nọ aa mẹ. À sị ẹ mẹ ịsị ẹnẹnị ọnyọọnyị dị è sị du ẹngụ ẹnịnị ẹngụ. Ọnị ọ vị Ẹnẹyịmavara, Ohomorihi ẹnịnị nị.

Ireevi 22:16

dị ẹ zẹẹ ka ọza ọnị ẹ yị sị oze yi ka ẹ̀ rị ọ, ẹ̀ va rị wa, ọnọnị vị ana vaa mẹ ka ọza ọnọọ ọ̀ rị ịvị, dị ọ rị ụya anị. Ọnị ọ vị Ẹnẹyịmavara ana vara ịsa ẹnẹẹ ọnịnị nị.

Ịrịka 18:22

Ọ kà hụrị ụmẹ ọnọọ, enyisi ọ vị ka Anisirẹrị nịnị ana vọ ẹ ngụ ajẹngụ Ẹnẹyịmavara nị, ẹ yị vị ẹnịnị aa hị́ usu tu ẹngụ ẹnịnị.

Ịrịka 18:32

Ẹnẹyịmavara kà ọnị ẹ yị vaa sị ụya rị wa agụvị ka ẹ̀ vịdị raa sị ene hu ịnị anị yị ọnị. Ama ẹnịnị ẹ̀ẹ dọ ọvịdị anị na rị, e yee su nị agụvị ka enyisi ọ vị nị.

Imatiwu 23:17

Ẹwụ nịnị ogweyi ana vị ọnụra! Ye re ene hu? Igooru wáá yọ, à vị irehi Ohomorihi ana mẹ ka igooru ọnọọ ọ̀ vị ọnịnị?

Iwe Ọhụhị Imosiisi ana aa hị́ Ọyịvatụrọda 11:1

Sì ịrẹyị Ẹnẹyịmavara Ohomorihi awụ nịnị, mẹ avaba ịsa ọnị ọ ka yị wụ, saasa avaba ọda anị ịnị ụmẹ tụra ụmẹ.