Ireevi 21:9 - IWE ỌNỊNỊ

⁹ Ozi ohirẹsụ irehi Ohomorihi àa sẹ̀ ịrẹka, aa mẹ̀ ụhị nyị ada nị ọnịrị ẹngụ anị avọọ nị. A rị ọ ịra o su.

Ireevi 21:9 ပူးပေါင်းရင်းမြစ်များ

Oyinyima 38:24

Ọ sị mẹ ẹhụ ụhwẹ ẹẹta kwooze, di a va kà a yị Ijuda dị a ka: Ịtama ose ozi anị ọ na sẹ̀ ịrẹka ka ộ hyakụ sị ịrẹẹ dọ bẹẹ. Di Ijuda ka, “Tura a tụ́ ẹhẹ nịnị dị à rị ọ ịra.”

Ọyịkụra 31:14

Waa za ido ẹkụhị ụhwọtụ nịnị dị ụ wa yẹ nịnị ka ẹkụhị amịị yọ nị. Ọza ene èe du ẹkụhị ọnọọ ẹngụ vị a vaa wụ̀ ọ nị. Ọza ana àa mẹ̀ ụkọrọ ọnyọọnyị ịhị ọnọọ à wụ̀ ọ.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Ireevi 19:29

À sị ẹ́ mẹ̀ ụhị nyị ezi anẹẹ ẹnịnị dị ẹ̀ mẹ ka ẹnịnị ẹ̀ naa mẹ ori. Ẹ̀ẹ vavọọ mẹ, vị́ avaba ẹnịnị kụkụ a vàa ka ori nịnịị na, dị ẹtẹ ẹnịnị kuku hi yi ebira odivi-odivi nị.

Ireevi 20:14

Ọza ọ̀ọ nyị ọnyị rị ozi, ịrẹyị odivi hangụ-hangụ ọ vị ọnọọ nị. Ọnọrụ ọnọọ vị ana a vaa rị ịra a beri ọnyị rị ozi ẹnẹẹ, agụvị a sị aza kụkụ mẹ ẹngụ ebira odivi ọnọọ ịnị akakana ẹnịnị.

Ịmarakayị 2:3

Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị.

Iwe Ọhụhị Imosiisi ana aa hị́ Ọyịvatụrọda 22:21

Dị a sị ọ na ọvịdị irehi ada anị, dị anọrụ sị ịrẹta-ịrẹta wụ̀ ọ agụvị ka ộ mẹ̀ ụhị nyị aza anị Anisirẹrị. A raà sị ọ hụ́ ịnị eehi ada anị dị ọ vaa nyị ọnọrụ. Ọkarẹyị ana mẹ yọ vị ana ka a sị sị ebira odivi ba ẹtẹ chire.

Ịtayịtọsị 1:6

Ọza ana àaa vaa vị ọzọkụ ịragụ, ẹ́ yị vọrọ ka ọ̀ nyị ohuvọ vụrụ-vụrụ. Ọnẹẹ ikonya kẹnẹ a vọrọ ka ọ̀ nyị nị, dị ezi anị ẹ̀ vị ọdọwụ. Ẹ́ yị vọrọ ka aza è re ezi anị ka ẹyaa mẹ̀ ebira kẹnẹ-kẹnẹ, dị ẹ̀ rẹẹ mẹ akamawụ.

Ijosuwa 7:15

Ọza tụra ọza ana aa sị hụụnị ịsa ana jị ido anị ka asị a sị vị ana rị ịra beri ogu ọnọọ ọnịrị avaba anovwoovu anị. Àa vavọọ a mẹ agụvị ka ẹngụ ọza ọnọọ vị ana mẹ̀ ụhị Anisirẹrị nịnị, dị ọ va jịnẹ ịsị a ka tịtẹ.

Ijosuwa 7:25

Dị Ijosuwa ộ họ̀ ọ use, ka sị ẹ vẹ dị ọ kụ́ ẹngụkata ve tu ẹnị? Agụvị avọọ Ẹnẹyịmavara vaa kụ́ ẹngụkata tu wu booro aanị. Dị avaba aza sị ịrẹta-ịrẹta wụ̀ Eekani. Dị ẹ rẹẹ vavọọ wụ̀ avaba anovwoovu anị ọnịrị avaba ịsa ọnị ọ nyị.

1 Ịsamụwẹrị 2:17

Ebira odivi eni ezi Eri ẹnẹẹ vavọọ aa mẹ ộ nyị Ẹnẹyịmavara ịhyẹrẹ ẹtẹẹtẹrẹ. Ezi ẹnẹẹ ẹ raà sị eyi ịyẹyẹ re ịsọvọ ana aa mẹẹ yị Ẹnẹyịmavara.

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.