Ireevi 20:3 - IWE ỌNỊNỊ

³ Ọnị nyẹmba vaa và eyi ịrazịị ka ọza ọnọọ dị ọnị é yi kuku rò o vaka aza anị, agụvị ka ộ sị ọnya ịnị ezi anị mẹ Imorẹkị ẹyịza. Ịsị ọnị ọ́ mẹ avọọ vị ọnị ọ sị du aha ana aā yaa hẹkẹ ọnị ẹngụ, dị ẹ rẹ sị mẹ̀ ụhị nyị ịrẹha ọnịnị anị nị.

Ireevi 20:3 ပူးပေါင်းရင်းမြစ်များ

Ọyịkụra 30:33

Ọza ana àa vavọọ na mẹ ẹngụ angwẹ ọnọọ, à vị ka dị ọ̀ na ká a kú ọza ẹnẹ ẹ̀ yị vị ohirẹsụ irehi amị, ọza ọnọọ ọ̀ yẹ ka ẹ yị kụkụ vị ịnị aza amị ọnị yà.”

Ezikẹẹrị 20:39

Ẹnẹyịmavara Ananyị ụkata hu ka, booro aanị, avaba ẹwụ nịnị Anisirẹrị, waa mẹ o me zee wu nịnị eyi, ka tụ ọvịdị, wa naa mẹ ori awụ nịnị. Ama òo ku, òo jintu, waa vàa vẹ vaa saasa ọnị nịnị. Ụ vaa hụụnị ịsọvọ ọnị waa mẹẹ yị ori awụ nịnị, dị wẹ̀ yị sị ụbanyị ịrẹha ọnịnị anị nịnị aanị.

Ezikẹẹrị 5:11

Ẹnẹyịmavara Ohomorihi ka, ọnị ọ̀ọ yị yá ịzọọ da, agụvị ka ẹwụ nịnị Anijerusarẹmị ọ́ raa sị ịsị edivi-edivi anaa nyị ọnị ịhyẹrẹ du irehi anị ẹngụ nịnị, ọnị ẹ́ yị vaa vayị awụ nịnị dị ọnị ọ̀ và wụ nịnị nẹtẹ.

Ireevi 15:31

Ẹnẹyịmavara ộ kà a yị Imosiisi ka ọ̀ kà Anisirẹrị nịnị ọnọ ịnị ịpa ịdọtị ẹnịnị agụvị à sị ẹnịnị ne du irehi anị ẹngụ. Irehi anị ọnọnị vị ana ya ịnị akakana udi ịzị aza hi. Ẹnịnị ẹ̀ẹ vavọọ mẹ, vị ọnị aa wụ̀ wa nị.

Ireevi 17:10

Àa nyị Anisirẹrị ọnyọọnyị à vị anẹkụra ọsa ana ra vahụra wa ana rị uye, ọnị vaa và eyirazịị kà ọza ọnọọ, dị ọnị é yi me vene rò o vaka anda ẹnịnị nị.

Ireevi 18:21

Ọ kà à sị ẹ hụrẹ ozi ẹnịnị ọnyọọnyị ụvọ ka ana rị ọ ịra mẹ̀ ịsọvọ yị ori ana aā hị́ Imorẹkị. Ẹ̀ẹ vavọọ mẹ, vị ẹ́ yaa sị mẹ ụhịị nyị ịrẹha Ohomorihi nị; ọnị ọ vị Ẹnẹyịmavara nị.

Ireevi 19:12

À sị ẹ sị ịrẹha anị hị́ eku tụ ịrẹsụ ịrẹyị ẹnẹ ẹ̀ yị vị ịzẹyịza, dị ẹ̀ va sị mẹ̀ ụhị nyị ịrẹha ọnị Ohomorihi ẹnịnị. Ọnị ọ vị Ẹnẹyịmavara nị.

Ireevi 20:4

Anisirẹrị nịnị ẹ̀ẹ si eyi hụụnị ịrẹyị ọza ọnọọ ka ộ sị ọnya ịnị ezi anị mẹ Imorẹkị ẹyịza, dị ẹnịnị ẹ̀ yị wụ̀ ọ nị,

Ireevi 21:6

Ẹnịnị ẹ mẹ̀ ebira aza Ohomorihi, asị ẹ mẹ̀ ụhị nyị ịrẹha anị; ka ẹ yaa sị ịsa ịsọvọ vaa yọ, ẹnịnị ẹ za ido.

Ireevi 7:20

Ama ọza ẹnẹ ẹ̀ yị nị, ọ̀ọ rị uye ana a sị mẹ̀ ịsọvọ ọ̀yị pe Ohomorihi varẹma me uzee aanị, ọza ẹ̀ yị ma vana za a ịrịka vaka aza Ohomorihi.

Ireevi 7:21

Ọza ọnyọọnyị ọ̀ọ kanyị ịsị ẹnẹ ẹ̀ yị nị, ọ̀ọ vị ịsị ịnị ẹngụ ọza, ọ̀ọ vị ịsụpa ẹnẹ ẹ̀ yị nị, ọ̀ọ vị ịsị eenyisi ọnyọọnyị, dị ọ va rị uye ịsụpa ana a sị mẹ̀ ịsọvọ ka è si pe Ohomorihi mẹ uzee aanị nị, ọza ẹ̀ yị ma vana za ọza ọnọọ ịrịka vaka aza Ohomorihi.

Ịrịka 19:13

Aza anaa kanyị oku ọza, dị ẹ yị hụ enyi ana a sị atịtọ vahụra dị ẹ nị nị, ẹnịnị ẹ ra du irehi Ẹnẹyịmavara ẹngụ. Agụvị avọọ asị a ro wa vaka Anisirẹrị nịnị nị.

Ịrịka 19:20

Ama aza ẹnẹ nị, dị ẹnịnị ẹ yị nyịna ẹngụ ẹnịnị, ẹnịnị ẹ yị kụkụ va yị ịnị evere Anisirẹrị nịnị, agụvị ka ọ ra vara irehi Ẹnẹyịmavara ịsa ịdọtị. Enyi ana sị vara ọza ọnịnị, ee yi chesẹ wa ẹngụ.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

1Ipita 3:12

Ananyị yịị̄ sị eyi pe ọnịzẹyịza, ọọ̄ sị ụtọọ pe wa ẹ̀ẹ yaa dá ịpẹ. Ama ọọ̄ và eyi ịrazịị kà aza anaa mẹ̀ ịsa odivi.