Ireevi 20:2 - IWE ỌNỊNỊ

² Ọ̀ kà a yị Anisirẹrị nịnị ka, àa nyị ọza ịnị ẹngụ ẹnịnị, ọ̀ọ vị anẹkụra ọsa ana ra ịnị akakana ẹnịnị ana sị ozi anị ọnyọọnyị mẹ ori ana aā hị́ Imorẹkị ẹyịza, avaba Anisirẹrị ẹ̀ sị ịrẹta-ịrẹta wụ̀ ọ.

Ireevi 20:2 ပူးပေါင်းရင်းမြစ်များ

1 Ohinọyị 11:7

Isoromọnị ọ na dà ịzị ẹ nẹba yi ori Animowabi ana aā nyị ọza ịhyẹrẹ. Ori ọnọọ aā hị́ Ikemosi nị. Ịrẹsụ ataba ana yà eyi ọnị ọyịị̄ zịị̄ hụrẹ Ijerusarẹmị ọ dà aha ọnọọ tụ́ nị. Avọọ ọ mẹ̀ rẹ dà ịzị nẹba tụ́ ịzọọ yị ori Anamọnị nị. Ọnị rẹ vi ori ana aā nyị ọza ịhyẹrẹ, ana a rẹẹ̄ hị́ Imorẹkị.

2 Ohinọyị 17:17

Ệ sị ezi ẹnịnị mẹ̀ ịsọvọ ana aā rị ịra hi ori aza ẹnẹ ẹ yị ma hẹkẹ Ohomorihi. Ẹyaa nọ ịdị ọmahọnọ ọnịrị ọhẹva nịnị, dị ẹ sị avaba ẹngụ ẹnịnị saka-saka aa mẹ ịsị ẹnẹ ẹ̀ yị vọrọ eyi Ẹnẹyịmavara nị. Ẹnịnị ệ mẹ ayị kụ ọ.

2 Ohinọyị 23:10

Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ.

2 Ịtọpa 28:3

Ịnị ozi Ihinọmị ọ ya aa rị eturare ịra yị ori ẹnẹẹ nị. Ezi Anọrụ anị vị ọnị ọ hyakụ rị ịra ịnẹ ịsọvọ yị ori ẹnẹẹ. Ebira enyisi ọnị aza ọnị Ẹnẹyịmavara dụ kwooze yị Anisirẹrị nịnị aa saasa nị.

2 Ịtọpa 33:6

Ezi anọrụ anị vị ọnị ộ rị ịra mẹ̀ ịsọvọ ịnozi Ihinọmị. Ộ ha ẹva, ô re ẹtẹ, ộ mẹ̀ avọkumeyi, ô pe arịjẹnụ ka ịrẹyị. Ộ nyayịnẹ mẹ̀ ebira odivi ana kụ́ Ẹnẹyịmavara ayị ẹtẹẹtẹrẹ nị.

Ahẹ Ụgama 106:38

Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ, avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị. Ẹ raà sị du ẹtẹ ọnọọ ẹngụ.

Ijeremaya 32:35

Ọ kà ẹnịnị e ne hi ụta tụ Ihimoni ẹnẹ ẹ yaa mẹ̀ ịsọvọ ịnị anị yị Ịbaarị. Ịnị anị ẹyaa sị ezi ẹnịnịị mẹ̀ ịsọvọ yị ori Imorẹkị nị. Ẹnẹyịmavara kà ọnị ẹ́ yị kà a yị wa ka ẹ̀ maanị mẹ; ọnị é yị rò o bẹẹ ka ẹnịnị ẹ́ zụ vavọọ mẹ, dị ẹ̀ mẹ ka Anijuda ẹ̀ mẹ ịvị.

Ijeremaya 7:31

Ẹnịnị ệ nọ ịnị akakana ataba ẹẹva ịzị aā hị́ Ihinọmị, dị e nee hì ụta ịsọvọ ịzị ẹ vaa sị ezi ẹnịnị mẹ̀ ịsọvọ dị ẹ rị ọ ịra tụ ịzọọ nị. Ụta ọnọọ ẹ yaa hị́ Itohwẹtị nị. Ọ kà, ọnị ẹ yị kà a yị wa ka ẹ̀ vavọọ mẹ, ẹngụ ịsa ẹnẹẹ ẹ ị hyakụ vẹ ịnị ayị anị bẹẹ.

Ezikẹẹrị 20:26

Ọnị ộ mẹ̀ ka ẹyịza ẹnẹ ka ẹnị aa mẹ ọ̀ ngụ wa agụ; dị ọnị navọ wa ka ẹnịnị ẹẹ sị ozi ịpaapa ẹnịnịị mẹ̀ ịsọvọ yị ori ẹnịnị nị. Ọnị ộ vavọọ mẹ wa agụvị dị ọnị ọ̀ sị ụya rị wa ẹtẹẹtẹrẹ, dị ẹnịnị ẹ̀ yẹ ka ọnị ọ vị Ẹnẹyịmavara nị.

Ezikẹẹrị 20:31

Tu ajịnị-tu ajịnị vị ọnị waa yịị mẹ̀ ịsọvọ ọnyọọnya ọnị ohiku awụ nịnị ẹnị rẹ mẹ. Dị waa rị ezi ewu nịnịị ịraa mẹ̀ ịsọvọ yị ori ẹnịnị nị. Wa sị ẹngụ awụ nịnị du ẹngụ. Ana ẹwụ nịnị Anisirẹrị ee yii ve họ̀ use ka sị ọnị venee sị da. Àa vị ọnị Ẹnẹyịmavara ọ yị vị Ohomorihi ana yara nị, ọnị ẹ́ yị vaa zẹẹ ka wa yẹ ịsị ẹ vị oyisì anị nịnị.

Ezikẹẹrị 23:37

Ẹnịnị ệ sẹ̀ ịrẹka, ẹ́ sị ọza wụ̀, ọza yà ịnị ụvọ ẹnịnị. Ẹnịrị ori ẹnịnị ẹ sẹ̀ ịrẹka nị, dị ẹnịnị sị ezi ẹnẹ ma yị ọnị, dị ẹ sị mẹ̀ ịsọvọ yị wa ka ẹ sị mẹ ịsọyịrị nị.

Ezikẹẹrị 23:39

Ịhị ẹnẹ ẹ na wụ̀ ọnị ezi mẹ̀ ịsọvọ yị ori ẹnịnị gẹdẹ-gẹdẹ, ịhị ọnọọ ọnyọọnya ẹnịnị vẹ ịnị Irehi ahẹkẹ anị dị ẹ́ va mẹ̀ kẹnẹ-kẹnẹ nị. Ịsị ệ mẹ̀ ịnị Irehi anị yị.

Ireevi 17:13

Àa rẹ nyị Anisirẹrị ọnyọọnyị àa vị anẹkụra ọsa ana ra vahụra wa ene ne zụ ube, dị ọ zá uye àvị inomi ana aā rị nị, ọ̀ jị ọ anya hi ẹtẹ dị ò kú ezi ku ọ.

Ireevi 17:15

Avaba ọza ana àa rị oku uye ene sú yị ẹngụ anị à vị oku uye ọnị uye ọsa wụ, ọ̀ọ vị ozi ẹtẹ, ọ̀ọ va vị anẹkụra ọsa; ọ̀ na nyịna ịta anị, dị ọ̀ hụ enyi. Ẹ́ yị kụkụ vaa nị pooro dị oruva ò tu ịhị ọnọọ, dị ọ̀ va nị.

Ireevi 17:8

Ẹnẹyịmavara kà Imosiisi ọ̀ kà a yị wa ka, Anisirẹrị ọnyọọnyị, à vị anẹkụra ọsa ana ra vahụra wa ọ̀ọ mẹ̀ ịsọvọ ana aā rị ịra, à vị ịsọvọ ọnyọọnyị ọsa aha ọsa,

Ireevi 18:21

Ọ kà à sị ẹ hụrẹ ozi ẹnịnị ọnyọọnyị ụvọ ka ana rị ọ ịra mẹ̀ ịsọvọ yị ori ana aā hị́ Imorẹkị. Ẹ̀ẹ vavọọ mẹ, vị ẹ́ yaa sị mẹ ụhịị nyị ịrẹha Ohomorihi nị; ọnị ọ vị Ẹnẹyịmavara nị.

Ireevi 20:1

Ẹnẹyịmavara ộ kà a yị Imosiisi ka

Ireevi 20:27

Ọnọrụ ọnyọọnyị à vị ọnyẹnẹẹ ana àaa na họ̀ usirẹyị hụụnị ụvọ ụhwẹ aza ene sú, vị ana vaa sị ịrẹta-ịrẹta wụ. Ọza ana àa mẹ ẹngụ ịsa ọnọnị o sì ẹngụ anị isu nị. À sị a nyị ọza ana tụ ohuvọ.

Ireevi 24:14

Ọ̀ sị ọza ana kụ ọnị ụhụ aanị tụ ẹhẹ hụrị udi ẹnịnị. Avaba aza ana wụ ka ộ kụ ọnị ụhụ ẹ̀ sị ụvọ tụra a ịrẹsụ dị ẹ̀ dọ ivenu ka ộ rị ịvị. Ẹ̀ẹ vavọọ raa dọ ivenu, dị avaba anẹkụra ẹ̀ sị ịrẹta-ịrẹta wụ̀ ọ.

Ireevi 24:16

Ọza ana àa ka kẹnẹ-kẹnẹ chire ịrẹha Ẹnẹyịmavara vị ana á vaa wụ̀; avaba ịragụ ẹ̀ kụ̀ ọ ịrẹta. Àa vị ọzọga, àa vị ozi ẹtẹ ọ kà kẹnẹ-kẹnẹ chire ịrẹha Ẹnẹyịmavara nị, à wụ̀ ọ.

Ireevi 24:23

Ịjị Imosiisi maanị sị ọsọnị ka yị Anisirẹrị nịnị, ẹnịnị ệ sị ọza ana kụ Ẹnẹyịmavara ụhụ aanị tụ ẹhẹ hụrị udi, dị ẹ sị ịrẹta-ịrẹta wụ̀ ọ nị. Aanị Anisirẹrị nịnị mẹ mẹ ịsị ọnị Ẹnẹyịmavara mẹ ọda yị Imosiisi nị.

Odeyi 7:43

Ajẹngụ ori ana aā hị́ Imoroki ọnịrị uyi ụzọmị, ori ana aā hị́ Irehwani ụ waa zaa zịị zị nịnị nị. Ẹwụ nịnị ọ sị ụvọta awụ mẹ̀ ori ẹnẹẹ ọnị ụ waa hẹkẹ nị. Agụvị avọọ mị vaa dụ wụ nịnịị nọ ịrẹma Ịbabịrọnị.

Iwe Ọhụhị Imosiisi ana aa hị́ Ọyịvatụrọda 12:31

A sị ụ hẹkẹ Ẹnẹyịmavara Ohomorihi awụ nịnị anka ẹ mẹẹ hẹkẹ ori ẹnịnị. Ẹ̀ẹ yaa hẹkẹ ori ẹnịnị, ịsa ọhịmị-ọhịmị anaā nyị Ẹnẹyịmavara ịhyẹrẹ ẹẹ mẹ nị. Ezi ọnọrụ ẹnịnị ọnịrị anẹẹ vị ẹnẹẹ rị ịraa yị ori ẹnịnị.

Iwe Ọhụhị Imosiisi ana aa hị́ Ọyịvatụrọda 17:2

Wàa wụ́ ka a nyị ọnọrụ a vị ọnẹẹ ọnya ịnị ọnya ịnị ẹkụra awụ nịnị ana aa mẹ akamawụ hi Ẹnẹyịmavara, dị ọ sị ahụ jịnẹ ọkatịtẹ Ohomorihi

Iwe Ọhụhị Imosiisi ana aa hị́ Ọyịvatụrọda 18:10

A sị a nyị ọza awụ nịnị ana rị ozi anị ịra ịrẹsụ ụta mẹ̀ ịsọvọ o. A sị ụ há ẹva nịnị, a sị u re ẹtẹ yị ọza nịnị, dị a sị ụ mẹ ahọnọ nịnị.

Iwe Ọhụhị Imosiisi ana aa hị́ Ọyịvatụrọda 21:21

Ọ̀ọ maanị sị ọ ka, avaba anẹkụra ọnọọ ẹ̀ sị ịrẹta-ịrẹta wụ ọ. Avọọ ụ mẹ̀ vaa mẹẹ kụ́ ebira odivi hụrẹ ẹtẹ hụụnị akakana awụ nịnị. Avaba Anisirẹrị nịnị vaa wụ́ ọ, dị angwa hí wa.

Iwe Ọhụhị Imosiisi ana aa hị́ Ọyịvatụrọda 22:21

Dị a sị ọ na ọvịdị irehi ada anị, dị anọrụ sị ịrẹta-ịrẹta wụ̀ ọ agụvị ka ộ mẹ̀ ụhị nyị aza anị Anisirẹrị. A raà sị ọ hụ́ ịnị eehi ada anị dị ọ vaa nyị ọnọrụ. Ọkarẹyị ana mẹ yọ vị ana ka a sị sị ebira odivi ba ẹtẹ chire.