Ireevi 2:4 - IWE ỌNỊNỊ

⁴ Àa vị ịbụrẹdị ọza sị aa vaa mẹ̀ ịsọvọ nị, asị a sị owu tụ ịnị anị. Ọ zụ vị ịbụrẹdị ana sị angwẹ va hura ayị mẹ, ọ rẹ zụ vị Ịbụrẹẹdị ana jị pẹtẹ-pẹtẹ dị a da angwẹ sisi ọ kẹnẹ.

Ireevi 2:4 ပူးပေါင်းရင်းမြစ်များ

Ahẹ Ụgama 22:14

Ẹhẹ amị aa ta na, avaba ẹchụkụ amị ẹyị kụkụ gẹ ẹngụ Ayị amị ọ sị sụ enyi hi mị ẹngụ anka ụsụ avọọ.

Ọyịkụra 12:8

Ọ kà ịnị ịrahụ ịhị ọnọọ gẹdẹ-gẹdẹ, ẹnịnị è hù uye ọnọọ ịnị ịra dị ẹ sị avị ọnyịrẹyị beri Ịbụrẹẹdị ẹnẹ ẹ̀ yị nyị òwù rị ọ.

Ọyịkụra 16:31

Di Anisirẹrị ka ịsọyịrị ọnọọ ọ rị imana; imana ô vene ẹkụra Anihiburu oni iruvo anị vị “Sị ọ vị?” Vị ọ sị mẹẹ anka ikoko ọchị ana aā hị́ ikoriyanda avọọ nị. Ọvwọọvụ ọ vị nị, di o hine ne vene Ịbụrẹẹdị ana a sị ẹhụ tụ́ ịnị anị avọọ nị.

Ọyịkụra 29:2

Dị ụ kwọ akụ dị asị ụ sị òwù tụ́ ọ dị wa sị jị ịbụrẹẹdị. Rẹ ká ịnị akụ ọnọọ dị wa sị jị akara. Angwẹ ẹtụtụ ọchị ana aā hi orivi ụ vaa sị jị wa nị. Dị ụ rẹ mẹ ibisikiiti dị ụ kụ́ angwẹ sisi ọ.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ezikẹẹrị 46:20

dị ọ ka, ịzị ẹnị ohirẹsụ irehi Ohomorihi nịnị vaa chịnẹ uye ana a sị va mẹ̀ ịsọvọ agụvị ebira odivi aza à vị ana a sị va mẹ̀ ịsọvọ ò yị si ụta varẹma nị. Ịzọọ ẹ́ rẹ vaa yaa sị ayị ọyị kwọ ana a sị vẹẹ mẹ ụbụrẹẹdị nị. Ẹ́ yị nyị ịsa ọnịnị ẹnẹnị ẹnẹ ẹ́ vaa sịị tụ ẹhẹ ngụ ịnị ohweje ana ya eyẹhẹ ịzị aza hi agụvị ka ọ va zama aza ẹnẹẹ.

Ireevi 1:11

Ọ vaa wụ̀ ọ akẹbẹẹba ụta ịsọvọ, dị ohirẹsụ irehi Ohomorihi nịnị che uye ọnọọ sẹ ụtọ ịsọvọ eyi ẹnyị eyi ọsa.

Ireevi 10:12

Imosiisi ộ kà a yị Eerọnị ọnịrị ezi ọnọrụ anị ẹyịva ana vọ ana aā hị́ Eriyaza ọnịrị Ịtama aanị ka, ẹ̀ sị ayị ana vẹtẹ ịnị ịsọyịrị ana a sị va yị Ẹnẹyịmavara aanị, dị ẹ̀ sị mẹ ịbụrẹdị ọnị ọza ẹ̀ yị sị owu tụ. Ọ kà ẹnịnị ẹ̀ yà akaha ụta ịsọvọ dị ẹ̀ rị ịbụrẹdị ọnọọ, agụvị ka ịsa ọnịnị ọ vị nị.

Ireevi 6:17

Ọnọọ vị ọnị Ẹnẹyịmavara sị yị ohirẹsụ irehi Ohomorihi nịnị ịnị ịsọyịrị ana a sị va mẹ̀ ịsọvọ yọ. Ẹnẹyịmavara ịnya kẹnẹ ọ nyị nị anka ịsị a sị va mẹ̀ ịsọvọ ịvị ọnịrị ọ yị sí ụta varẹma avọọ nị.

Ireevi 7:12

Àa vị ọza aa mẹ̀ ịsọvọ ọnọnị ọ̀yị ku Ohomorihi avọ nị, ọ vaa sị ịbụrẹdị ọnị ọza ẹ̀ yị sị owu tụụ vaka ịsụpa ana a sị va mẹ̀ ịsọvọ ọnọnị. Ọ zụ vị ịbụrẹdị ọrata ana a sị angwẹ orivi po ayị ana a sị mẹ̀ ẹ, ọ zụ vị Ịbụrẹẹdị hẹvẹ-hẹvẹ aanị ana a dá angwẹ orivi sisi, ọ rẹ zụ vị Ịbụrẹẹdị ana a sị angwẹ orivi po ayị anị ẹtẹẹtẹrẹ.

Ịrịka 6:15

ne beri ụvụrẹẹdị ẹnẹ ẹ yị nyị owu uji ọnya, ọnịrị Ịbụrẹẹdị ana a sị angwẹ orivi na vaka ibisikiiti ọnị angwẹ orivi ya ịnị anị. Dị ẹ rẹ sị ayị ọnịrị eche mẹ̀ ịsọvọ.

Imatiwu 26:38

Dị ọ kà a yị wa ka, “Ayodu aa vaa wụ̀ mị. Jẹẹ ịzẹnị nịnị, di u we pe mi sị eyi pe ẹtẹ nịnị!”

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

1Ipita 2:1

Agụvị avọọ, hụụnị avaba ịsa odivi! Asị u ré vene ọza nịnị vụrụ-vụrụ! Asị ụ rẹ̀ mẹ ogevegeve nịnị! Asị ụ rẹ̀ mẹ eyọhụrẹ nịnị! Asị u rè du ọza nịnị.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.