Ireevi 2:14 - IWE ỌNỊNỊ

¹⁴ Wàa ha apaapa ịpaapa hụụnị aarẹ awụ nịnị aa vaa yị Ẹnẹyịmavara, wara a nịnị dị à varẹma kwọ̀ ọ.

Ireevi 2:14 ပူးပေါင်းရင်းမြစ်များ

Oyinyima 4:3

Ẹkụhị ọnya di Ikeeni sị ịsa ịnị aarẹ anị ka ọnị ọ̀ sị na mẹ̀ ịsọvọ yị Ẹnẹyịmavara nị.

2 Ohinọyị 4:42

 rẹ nyị ẹkụhị ọsa, dị a nyị ọza ana hụrẹ ẹkụra ana aā hị́ Ịbaarị-Isarisa vẹ nị. Ộ kụ ịbụrẹdị va yị Erisa. Ibaari ịpaapa ana a kụ hụụnị aarẹ ịnị ịrayị ọnọọ a sị mẹ̀ ịbụrẹdị ọnọọ nị.  rẹ há apaapa ohwoohu vaka a va yọ. Dị Erisa kà ozi ahụ anị ọ gà ẹ yị ọnịsẹ nịnị ene hi ịdị anị, dị ẹ̀ rị ọ nị.

Ireevi 2:15

Dị ụ sị angwẹ ovivi ọnịrị eturare ohuru-ohuru ana aā kà a tụ ịnị ịra vaka a nịnị.

Ireevi 2:16

Dị ohirẹsụ irehi Ohomorihi sị hụụnị ịsa ọnọọ ọnịrị angwẹ ọyị tamayị, beri avaba eturare ọnọọ dị ọ rị wa ịra anka ịsọyịrị ana sị va mẹ̀ ịsọvọ yị Ẹnẹyịmavara.

Ireevi 22:29

Ẹnịnị àa mẹ̀ ịsọvọ ọ̀ yị kụ Ẹnẹyịmavara avọọ, ẹnịnị ẹ̀ saasa ọda anị ụvị ọ̀ dọ rị.

Ireevi 23:10

ọ kà a yị Anisirẹrị nịnị ka, ịhị ẹnịnị ẹ̀ẹ va sị ngụ ịnị ẹtẹ ọnị ọnị aa sịị yị wa, dị ẹnịnị kụ ịsa ịnị aarẹ ẹnịnị gụ nị, ẹnịnị ẹ̀ sị ọdụ ịsị ịpaapa ẹnẹ ẹ kụ́ gụ vẹ ịdị ohirẹsụ irehi Ohomorihi.

Ireevi 23:13

Ọ kà ẹnịnị ẹ̀ sị ayị ọyịkwọ ẹ̀ hụ ikirogirami ẹẹva avọọ, dị a sị angwẹ orivi hùra a, dị ẹ̀ sị mẹ̀ ịsọvọ ịsọyịrị. Agụ ịsa ịsọvọ ọnọnịị hine Ẹnẹyịmavara ẹtẹẹtẹrẹ. Ọ kà ẹnịnị ẹ̀ rẹ sị eche chee aanị vaka ịsa ịsọvọ ẹnịnị ọnọọ.

Ireevi 23:20

Ohirẹsụ Irehi Ohomorihi vaa sị ịbụrẹdị ọnọọ beri ezi atẹmẹ ẹyịva ẹnẹnịị mẹ̀ ịsọvọ oturenyi yị Ẹnẹyịmavara. Ịsa ọnịnị ẹyịza ẹnẹnị vị̀ yị Ẹnẹyịmavara nị; ohirẹsụ Irehi Ohomorihi nịnị ẹ vaa nyị nị.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ịrịka 28:2

ọ ka yị Anisirẹrị nịnị ka ẹẹ sị ụmẹ ana a nyị sị sị ịsa ịsọvọ ọzọza ene hine Ẹnẹyịmavara va yọ.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

Iwe Ọhụhị Imosiisi ana aa hị́ Ọyịvatụrọda 26:2

Ọzọza ọ̀ sị ịsa ịpaapa ịsa ịnị aarẹ irenyi-irenyi ana mẹ̀ tụ́ ini uji, dị ẹnịrị uji ọnọọ nọ ịzị Ẹnẹyịmavara Ohomorihi awụ nịnị nyị ka aa hẹkẹ ọnị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.