Ireevi 2:12 - IWE ỌNỊNỊ

¹² Wa zụ sị akụ ịpaapa ọnị ụ sị hụụnị aarẹ awụ, ọnịrị owu avị ẹhụ va yị Ẹnẹyịmavara ama a sị a rị ọ ịra ịrẹsụ ụta ịsọvọ ka ọ̀ da agụ ohine hi Ẹnẹyịmavara.

Ireevi 2:12 ပူးပေါင်းရင်းမြစ်များ

Oyinyima 23:17

Ẹtẹ Ehwironi ọnọ vị ana yà Imakipera éyi oze ọnị ọyịị̄ zịị vẹ ịnị ẹtẹ Imamire. Ẹtẹ ọnọọ ọnịrị ụsị ịrẹta ana yà ịnị anị beri avaba ọchị ene hị́ ịzọọ

2 Ịtọpa 31:5

Obobooro ana a mẹ̀ ọda ọnọnị, ọzọza nyima aa kụ́ ẹyịza hụụnị ịsa ịnị aarẹ ẹnịnị vẹ ịnị irehi Ohomorihi nị. Ệ sị akụ ene zoza, eche, angwẹ orivi, ẹhụ ọnịrị ịsa ịnị aarẹ ẹnịnị ana vọ vẹ.

Ọyịkụra 22:29

Òo si tù ka wa sị ịnị akụ awụ ọnịrị eche awụ ne beri angwẹ awụ va mị, asị ụ ngụ ayịsa anịị mị. Ozi ịpaapa awụ ọ̀ọ vị ọnọrụ, ẹmị ụ waa sịị yị nị.

Ọyịkụra 23:19

Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.

Ọyịkụra 34:22

Wàa mẹ̀ ịsa ịnị aarẹ awụ ana vịdị hụrẹ, ẹhụụ akụ avọọ, re ka waa rị eche anị. Wàa raa kụ́ ịsaa hi ịnị ụhwọ ịrayị ọ̀ọ maanị sị gẹ, rẹ tamayị dị wa rị eche anị.

Ireevi 23:10

ọ kà a yị Anisirẹrị nịnị ka, ịhị ẹnịnị ẹ̀ẹ va sị ngụ ịnị ẹtẹ ọnị ọnị aa sịị yị wa, dị ẹnịnị kụ ịsa ịnị aarẹ ẹnịnị gụ nị, ẹnịnị ẹ̀ sị ọdụ ịsị ịpaapa ẹnẹ ẹ kụ́ gụ vẹ ịdị ohirẹsụ irehi Ohomorihi.

Ireevi 23:17

Ovwoovu ikonya-Ikonya vaa sị ịbụrẹdị ẹvẹẹva vẹ ana a vaa sị mẹ ẹyịza oturenyii yị Ẹnẹyịmavara. Ayị ọyịkwọ ikirogirami ẹvẹẹva a vaa sị mẹ ịbụrẹdị ọnyọọnya nị. A vaa sị owuu tụ ọ. Ụbụrẹdị ẹnẹnị vị ọnị a vaa sị mẹ ẹyịza akụ ịpaapa ana a kụ hụụ ịnị aarẹ yị Ẹnẹyịmavara.

Ireevi 7:13

Ọza ọnọọ rẹ vaa sị ịbụrẹdị ana a sị owu tụụ vaka ịsa ịsọvọ ọnị ọ sị va kụ avọ aanị.

Ịrịka 15:20

Ẹ̀ mẹ apapa hụụnị ayị ịpaapa ẹnịnị va yị ọnị anka a mẹrẹ mẹ akụ ịpaapa ene e tú avọọ nị.

Ịrịka 18:12

Ẹnẹyịmavara kà ọnị raa sị ịsa ịnị aarẹ ịpaapa ana aā vaa sị ọnị yị wa: angwẹ orivi ene zoza, ọnịrị eche ọwọọwa ene zoza ne beri akụ.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

Iwe Ọhụhị Imosiisi ana aa hị́ Ọyịvatụrọda 26:10

Agụvị avọọ mị sị ịsa ịnị aarẹ ịpaapa ọnị Ẹnẹyịmavara sị yị mị va yọ aanị nị. Wàa vavọọ sị ka a, dị ụ sị uji tịtẹ ọvịdị Ẹnẹyịmavara dị ụ hẹkẹ ẹ nịnị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.