Ireevi 2:11 - IWE ỌNỊNỊ

¹¹ Asị a nyị ịbụrẹdị ana a sị a vaa yị Ẹnẹyịmavara, dị a sị owu tụ ọ. Wẹ yị nyayịnẹ sị owu avị ẹhụ tụ ịnị ịsọyịrị ana aa sị va yị Ẹnẹyịmavara; ka ẹ́ yị nyị ịsa ana a sị owu à vị ẹhụ tụ ana aa rị ịra yị Ẹnẹyịmavara.

Ireevi 2:11 ပူးပေါင်းရင်းမြစ်များ

Ọyịkụra 23:18

Wàa sị ịsụpa vaa mẹ̀ ịsọvọ mị nịnị, asị ụ zẹẹ ka ịsa ọnị waa mẹẹ tụ́ ọ ọ̀ nyị òwù. Asị ụ navọ ụhị uye ọnị wàa sị va mẹ̀ ịsọvọ mị nịnị tịtẹ nẹẹhẹ.

Ọyịkụra 29:25

Ẹ̀ẹ vavọọ sị ọ henyi, dị ụ va dọ wa dị ụ sị beri ịsọvọ ana aā rị ịra ịrẹsụ ụta dị ụ rị ọ ịra ịrẹsụ ụta. Ịsa ana a rị ịra yị mị ọ vị nị. Agụ anị ô zee mi eyi ẹtẹẹtẹrẹ.

Ọyịkụra 34:25

Wàa sị ịsụpa vaa mẹ̀ ịsọvọ mị nịnị, asị ụ zẹẹ ka ịsa ọnị waa mẹẹ tụ́ ọ ọ̀ nyị òwù. Asị ụ zẹẹ ka ịsa ịsọvọ ana a mẹ ịnị eche ọyịparahu ọ̀ vọ tịtẹ nọ ẹhẹ.

Ụhịrẹyị 24:13

Ozi emi, rèé ẹhụ ka o zoza, enyi anị anaā wọ̀rọ́ hụụnị ụpaha anị o hine ẹtẹẹtẹrẹ.

Ụhịrẹyị 25:16

Wẹ̀ẹ re ẹhụ, rèé ẹ̀hụ awụ anị, ẹ̀ẹ vị avọọ ụ aa hẹrẹ ẹ nị.

Ụhịrẹyị 25:27

Ọza mẹẹ rị ẹhụ baaba dị a zama, avọọ ọza enee si ka aa ga ọnị mẹẹ nyị ẹngụkata nị.

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 6:10

Ohirẹsụ irehi Ohomorihi vee chire awuru ọgọdọ ọvwọọvụ anị, dị ọ rẹ vụ awuruchi oweyi ọvwọọvụ. Dị ọ na kụ atịtọ uye ọnọọ hụụ ịrẹsụ ụta ịsọvọ dị ọ sị tụ akaha anị.

Imatiwu 16:6

Dị Ijeesu kà a yị wa ka, “Sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Anigaratiya 5:9

Wáa yẹ nịnị ka òwù kiiki aanị, ọ zụ ngụ ịsa ọbanyị, di o si oo wù ẹtẹẹtẹrẹ.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.