Ireevi 2:10 - IWE ỌNỊNỊ

¹⁰ Ịsị ẹ̀ẹ vọ ịnị ịbụrẹdị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 2:10 ပူးပေါင်းရင်းမြစ်များ

2 Ịtọpa 31:14

Ikore ozi Imina ọ vị Anireevi ana vị ọga aza ene sere oze ovwoovu irehi Ohomorihi ana ya eyi ịzị ọyị hụrẹ vẹ nị. Ọnị aa dọ avaba ẹyịza ana kụ́ va yị Ẹnẹyịmavara dị ọ rẹ ga yị aza nị.

Ẹzịra 2:63

Dị Ịgọvọnọ mẹ ọda ka asị ẹ rị ịsa ọnịnị anaā sịị vaa mẹ̀ ịsọvọ ịnị irehi Ohomorihi pooro dị aa nyị ohirẹsụ irehi Ohomorihi ana a sị urimi ọnịrị itumimi rị ụvọ.

Ezikẹẹrị 44:29

Ịsọyịrị ana a sị va mẹ̀ ịsọvọ, ọnịrị ịsị a sị va mẹ̀ ịsọvọ ịvị beri ịsị a sị va mẹ̀ ịsọvọ ọyị si ụta varẹma ẹ vaa vị ịsọyịrị ohirẹsụ irehi Ohomorihi nịnị. Avaba ịsa ana àa sị tụ irenyi yị ọnị Ẹnẹyịmavara ịnị ẹtẹ Isirẹrị vị ana a vaa sịị yị wa.

Ezikẹẹrị 46:20

dị ọ ka, ịzị ẹnị ohirẹsụ irehi Ohomorihi nịnị vaa chịnẹ uye ana a sị va mẹ̀ ịsọvọ agụvị ebira odivi aza à vị ana a sị va mẹ̀ ịsọvọ ò yị si ụta varẹma nị. Ịzọọ ẹ́ rẹ vaa yaa sị ayị ọyị kwọ ana a sị vẹẹ mẹ ụbụrẹẹdị nị. Ẹ́ yị nyị ịsa ọnịnị ẹnẹnị ẹnẹ ẹ́ vaa sịị tụ ẹhẹ ngụ ịnị ohweje ana ya eyẹhẹ ịzị aza hi agụvị ka ọ va zama aza ẹnẹẹ.

Ireevi 10:12

Imosiisi ộ kà a yị Eerọnị ọnịrị ezi ọnọrụ anị ẹyịva ana vọ ana aā hị́ Eriyaza ọnịrị Ịtama aanị ka, ẹ̀ sị ayị ana vẹtẹ ịnị ịsọyịrị ana a sị va yị Ẹnẹyịmavara aanị, dị ẹ̀ sị mẹ ịbụrẹdị ọnị ọza ẹ̀ yị sị owu tụ. Ọ kà ẹnịnị ẹ̀ yà akaha ụta ịsọvọ dị ẹ̀ rị ịbụrẹdị ọnọọ, agụvị ka ịsa ọnịnị ọ vị nị.

Ireevi 14:13

Ọ vaa wụ̀ ozi atẹmẹ ọnọọ ịzị ẹ yaā wụ ịsị ịsọvọ ịvị ọnịrị ịsị ịsọvọ ana aā rị ịra, aha ana a nyị ka à yaa mẹ̀ ẹ; ịsị a sị mẹ̀ ịsọvọ agụvị ka ọza ộ rị ịvị, vị ohirẹsụ irehi Ohomorihi anka ịsị ịsọvọ ịvị avọọ. Ịsa Ohomorihi ịnya kẹnẹ ọ vị nị.

Ireevi 2:3

Ịsị ẹẹ vọ ịnị ịsọyịrị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 21:22

Ẹngụ ọza ọnọọ ọ yị zụ rị ịsa ịsọvọ Ohomorihi, ịsa ịsọvọ ọnịnị ọnịrị ịsa ịsọvọ ọnịnị keekere.

Ireevi 5:13

Aanị ohirẹsụ irehi Ohomorihi mẹ vaa mẹ̀ ịsọvọ agụvị ịvị ọza ọnọọ, dị à vagu ọ nị. Avaba ayị ọnọọ ana vọ vị ó ohirẹsụ irehi Ohomorihi anka á mẹẹ̄ mẹ̀ ịsọvọ ana a sị ayị mẹ avọọ.

Ireevi 6:16

Ohirẹsụ irehi Ohomorihi nịnị ẹ vaa rị ana vọ nị, Ẹ vaa sị mẹ ịbụrẹdị ọnị ọza ẹ yị sị owu tụ, dị ẹ rị ọ ịzị a jị ka àa rị ọọ; ọnị vị ohweje ịnị ajẹngụ Ẹnẹyịmavara nị.

Ireevi 6:23

Avaba ịsọvọ ọnị ohirẹsụ irehi Ohomorihi sị ayị mẹ vị ana a vaa rị ịra. Ẹ́ yị nyị ana a vaa rị ịnị anị.

Ireevi 6:9

Ọ̀ mẹ ọda ẹnẹnị yị Eerọnị ọnịrị ezi anị ịnị ịpa ịsọvọ ọyị rị ịra. Ịsị ịsọvọ ọyị rị ịra vị ana a vaa navọ tụ ịrẹsụ ụta pooro dị eyi ọ̀ nị, dị ịra ọ̀ vavọọ zaa hi ọ.

Ireevi 7:7

Ịsị a sị mẹ̀ ịsọvọ ịvị aza ọnịrị ịsa ịsọvọ ọ̀yị sí ụta varẹma vị ọnyọọnya, ọda ọnyọọnya ọ za ẹnị ẹyịva nị. Ohirẹsụ irehi Ohomorihi ana sị wa vẹ ịrẹsụ ụta, ọ nyị uye anị nị.

Ịrịka 18:9

Aza vaa sị ịsa ịsọvọ vẹ idi anị. Ịsa ịsọvọ ẹnẹẹ ẹ zụ vị ịsọvọ ayị, a vị ịsọvọ ịvị. Aa nyị ịpa ịsa ịsọvọ ọnị ọza ẹ yị rị ịra ana vị Eerọnị, ama avaba ịsa ana vọ anaā sịị vẹ vị Eerọnị ọnịrị ezi anị.

1 Ịsamụwẹrị 2:28

Ọnị ộ nyị ohiku ẹnịnị tụ́ irenyi hụụnị avaba Anisirẹrị ana vọ ka ẹ vị ohirẹsụ irehi anị nị. Ohomorihi ka ẹnị ọnị kà a ka ẹ vaa rị eturare ịraa yị ọnị ịnị ụta, dị ẹ̀ ree chire ịharamịra ene e siī sì iruvo ịrẹyị ịnị ụvọ anị. Dị ọnị rẹ ka avaba ịsọvọ ana aā rị ịra ana Anisirẹrị ẹ̀ẹ va mẹ, ohiku ẹnịnị a vaa kụ́ ọ yị nị.