Ireevi 2:1 - IWE ỌNỊNỊ

¹ Ọza ọnyọọnyị ọ̀ọ sị ẹ̀hụ́ akụ avọọ aa vaa mẹ̀ ịsọvọ hi Ẹnẹyịmavara, aa nyị ka ọza ọnọọ ọ̀ kwọ̀ ọ dị ọ̀ vị́ ẹtẹẹtẹrẹ. Ọza ọnọọ vaa và angwẹ hi ọ ịrẹsụ, dị ọ rẹ sị eturare anaa dà agụ ohine àa ka a hi ịra vaka a,

Ireevi 2:1 ပူးပေါင်းရင်းမြစ်များ

Ọyịkụra 29:2

Dị ụ kwọ akụ dị asị ụ sị òwù tụ́ ọ dị wa sị jị ịbụrẹẹdị. Rẹ ká ịnị akụ ọnọọ dị wa sị jị akara. Angwẹ ẹtụtụ ọchị ana aā hi orivi ụ vaa sị jị wa nị. Dị ụ rẹ mẹ ibisikiiti dị ụ kụ́ angwẹ sisi ọ.

Ayịsaya 43:23

Wẹ yị kụ atẹmẹ ẹnịrị ẹvụ awụ nịnị va mẹ̀ ịsọvọ ana aā rị ịra yị mị nịnị. Wẹ yị mẹ̀ ịsọvọ ka wa sị ụbanyị yị mị nịnị. Mẹ yị kụ́ kata wụ nịnị ẹngụ ka wa va mẹ̀ ịsọvọ yị mị nịnị. Mẹ yị kụ́ kata wụ nịnị ẹngụ ka wa sị eturare vẹ nịnị.

Ayịsaya 66:20

Ẹ vaa kụ anda ẹnịnị ene hi ẹhẹ vaa vẹ eehi va yị Ẹnẹyịmavara anka ọza o rere sị va yị ọ avọọ. Ẹ vaa kụ wa vẹ ịrẹsụ ataba ọnịnị anị Ijerusarẹmị ịrẹsụ umaata, ịkẹrịkẹtẹ, ịnyaakụmị, ịkẹkẹ ịrẹkụ ọnịrị aha ẹnya anị. Ẹ́ vaa kụ wa vẹ anka a mẹẹ̄ kụ ẹyịza ọyị sị mẹ̀ ịsọvọ ịnị ẹnya ana nị vẹ ịnị irehi Ohomorihi avọọ nị.

Ezikẹẹrị 46:20

dị ọ ka, ịzị ẹnị ohirẹsụ irehi Ohomorihi nịnị vaa chịnẹ uye ana a sị va mẹ̀ ịsọvọ agụvị ebira odivi aza à vị ana a sị va mẹ̀ ịsọvọ ò yị si ụta varẹma nị. Ịzọọ ẹ́ rẹ vaa yaa sị ayị ọyị kwọ ana a sị vẹẹ mẹ ụbụrẹẹdị nị. Ẹ́ yị nyị ịsa ọnịnị ẹnẹnị ẹnẹ ẹ́ vaa sịị tụ ẹhẹ ngụ ịnị ohweje ana ya eyẹhẹ ịzị aza hi agụvị ka ọ va zama aza ẹnẹẹ.

Ijowẹrị 1:9

Ẹ yị nyị ayị̀ ọnịrị eche ana aa sị vẹ ịnị irehi Ẹnẹyịmavara. Dị Ohirẹsụ irehi Ohomorihi nịnị aa zị ẹngụ ka ẹ yị nyị ịsa ịsọvọ yị Ẹnẹyịmavara nị.

Ijowẹrị 2:14

Èe ro ịnẹ, ẹyịyara ọnị ana vị Ohomorihi ẹnịnịị vaa va ahụ vẹ ịrẹma, dị ọnị mẹ̀ ka o zee yị wa, dị akụ ọnịrị eche o zoza, dị ẹ zụ sị akụ ọnịrị eche va mẹ̀ ịsọvọ yị ọnị.

Ireevi 14:10

Ịhị ẹ tụ ọ ẹkụhị ịhịnta, ọ vaa sị ezi atẹmẹ ẹẹva ọnọrụ-ọnọrụ ọnịrị ozi atẹmẹ ọnẹẹ ikonya. Ịrayị ọnya ezi atẹmẹ ẹnẹẹ vaa vị nị; à sị a nyị ịsị ẹ zị wa. Ọ rẹ vaa sị ayị ọyị kwọ ikirogirami ẹẹta ana a sị angwẹ hura, ọnịrị angwẹ orivi ijongo ọnya.

Ireevi 24:7

Ọ kà Imosiisi ọ̀ sị eturare obooro pe ọrọ ikonyi-ikonya. Ọnị ọ vaa sị zụ Ẹnẹyịmavara kà aa sị avaba ịbụrẹdị ẹnẹnị va yọ nị.

Ireevi 5:11

Ọza ọnọọ ẹ̀ yị zụ sị arivadi ẹẹva à vị arekuku ẹẹva, ọ vaa sị ayị ọyị kwọ ikirogirami ọnyara vaa mẹ̀ ịsọvọ ịvị anị. Ẹ́ yị vaa sị angwẹ à vị eturare ọnyọọnyị tụ ọ, agụvị ka ịsị ịsọvọ ịvị ọ vị nị.

Ireevi 6:7

Ohirẹsụ irehi Ohomorihi ọnọọ vaa mẹ̀ ịsọvọ yị Ẹnẹyịmavara agụvị ịvị ọza ọnọọ, dị a vagu ọ.

Ireevi 9:17

Ộ sị akụ ana aa sị mẹ̀ ịsọvọ, dị ọ́ ká ayị uvoku ọnya vaka a, dị ọ rị ịra ịrẹsụ ụta nị. Ịsọvọ ọnọnị vị ọnị ọ́ mẹ vaka ịsọvọ eyinị-eyinị ana aā rị ịra.

Ireevi 9:4

Ọ kà ẹ̀ sị ụnọ ọnya ọnịrị ịdẹba ọnya dị ẹ̀ sị mẹ̀ ịsọvọ ọ̀yị mẹ uzee. Ẹnịnị ẹ̀ sị akụ ana á sị́ angwẹ va hùra vaka ịsụpa ẹnẹnị, dị ẹ sị mẹ̀ ịsọvọ hi Ẹnẹyịmavara. A sị a nyị ka ẹnịnị ẹ́ yị mẹ̀ ẹ agụvị ka Ẹnẹyịmavara vaa sị ẹngụ anịị zụ wa ajịnị.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ịrịka 18:9

Aza vaa sị ịsa ịsọvọ vẹ idi anị. Ịsa ịsọvọ ẹnẹẹ ẹ zụ vị ịsọvọ ayị, a vị ịsọvọ ịvị. Aa nyị ịpa ịsa ịsọvọ ọnị ọza ẹ yị rị ịra ana vị Eerọnị, ama avaba ịsa ana vọ anaā sịị vẹ vị Eerọnị ọnịrị ezi anị.

Ịrịka 28:5

Ịsọvọ ọnyọọnya vị ana a sị ayị ana kwọ ikirogirami ọnya va hura angwẹ orivi irita ọnya rị ọ ịra.

Ịrịka 29:18

Ẹ sị ayị ịsọvọ ọnịrị eche ịsọvọ beri ịrịka ụnọ, ịdẹba, ezi atẹmẹ anka a mẹ̀ kà ọzọza ọ vị.

Ịrịka 7:13

Ọ sị isiriva ẹnya ọnyara ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ nị.

Ịrịka 7:19

Dị ọ sị ẹnya isiriva ọnya ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ nị.

Ịrịka 8:8

Ẹnịnị ẹ sị ụnọ ọnịrị ịsa ịsọvọ ayị akụ ana a sị angwẹ orivi hura vẹ. Ẹ sị ụnọ ọhụva ana a vaa sị mẹ̀ ịsọvọ vaka vẹ.

Ịjọọnụ 6:35

Dị Ijeesu ka, “Ẹma vị ịsọyịrị anaā mẹ ka ọza ọ̀ yàra booro nị. Ọza ana àa ká mị vẹ, ụngwẹ ọ mā vana kụ̀ ọ paa. Ọza ana àa sị ayị tụra mị, enyi ọ mā rẹ vana kụ̀ ọ paa.

1 Ịjọọnụ 2:20

Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.

Ẹtore 8:3

Dị anggẹẹrị ọsa ana nyị ẹnya eturare ana a sị igooru mẹ vẹ, dị ọ va jẹ ẹ pe ụta nị. Â sị eturare rụrụ yọ ka ọ̀ và a hura aduwa avaba aza Ohomorihi, dị ọ̀ sị ọọ nọ ị́rẹsụ ụta ana a sị igooru mẹ ana yà ọvịdị aga ohinọyị ọnọọ.