Ireevi 19:4 - IWE ỌNỊNỊ

⁴ Ọ kà à sị ẹ và ịrẹma anị naa hẹkẹ ori. À sị ẹ sị enyusẹ mẹ uyi ori nịnị dị waa tana tụra ẹtẹẹ hẹkẹ wa. Ọnị ọ vị Ẹnẹyịmavara, Ohomorihi ẹnịnị nị.

Ireevi 19:4 ပူးပေါင်းရင်းမြစ်များ

1 Ohinọyị 14:9

Ama Ijerobowami ọ mẹ̀ ebira ene divi hu keekere huna avaba ohinọyị ana vịdị rị tụ́ ọ nị. Ộ na, ọ na kụ́ ori mẹ, ọ kụ ori tụ́ agụvị ọ̀ sị mẹ ayị kụ́ ọnị Ẹnẹyịmavara. Ama ọ kụkụ va sị ọnị ne ta tụ́ ịrẹma.

1 Ịtọpa 16:26

Avaba ori anẹhẹ nịnị vị ọchị kẹnẹ ana a bẹ, ama Ẹnẹyịmavara ọ mẹ ẹbẹẹba nị.

2 Ịtọpa 28:2

Ộ saasa ebira odivi ohinọyị Anisirẹrị nịnị nị. Ộ sị enyusẹ tụ́ ịsa ene vene ori ana a hị́ Ịbaarị.

Ahẹ Ụgama 96:5

Avaba ori anẹkụra nịnị vị ọchị kẹnẹ ana bẹ, ama Ẹnẹyịmavara ọ mẹ ẹbẹẹba nị.

Ọyịkụra 20:23

Wẹ yị nyayịnẹ na sị igooru àa vị enyusẹ akàaka bẹ ori dị waa mẹẹ nịnị ne beri ẹmị ọnị ụ waa hẹkẹ nịnị.

Ọyịkụra 32:4

Di Eerọnị kụ́ ochirụtọ ana a kụ́ naa yọ, dị ọ sị mẹ imaaru, dị ọ sị mẹ ori nị. Dị ẹ ka, “Ẹwụ nịnị Anisirẹrị, ori ana kụ́ wụ nịnị hụrẹ Ijipiti vẹ yọ.”

Ọyịkụra 34:17

Wẹ yị nyayịnẹ na sị enyusẹ bẹ ịsa ọnyọọnyị dị waa hị́ ọ ori nịnị.

Ireevi 11:44

Ohomorihi ka, ọnị ọ vị Ẹnẹyịmavara, Ohomorihi awụ nịnị nị, agụvị avọọ, sị ẹngụ awụ nịnị tụ irenyi yị ọnị nịnị agụvị ka ọza ọnịnị ọnị vị nị. A sị ụ sị ịsa anaā sịị ahụ ọnịrị ụvọọ tura ịrẹsụ ẹtẹ du ẹngụ awụ nịnị ẹngụ o.

Ireevi 19:25

Ama ịnị ịrayị ọhụhị anị, ẹnịnị ẹ́ zụ aa rị ẹtụtụ ọchị ẹnẹẹ, ọ ka ẹnịnị ẹ̀ẹ maanị mẹ avaba ẹsẹnị, ọchị ẹnịnị vaa tụ́ ẹtụtụụ yị wa hu avọọ. Ọnị ọ vị Ẹnẹyịmavara, Ohomorihi ẹnịnị nị.

Ireevi 19:5

Ẹnịnị àaa wụ̀ ịsụpa ọ̀ yị mẹ̀ ịsọvọ ẹngwọọrọ hi ọnị Ẹnẹyịmavara, ẹnịnị ẹ̀ saasa ọda ọnị ọnị mẹ yị wa, ka, ọnị vaa dọ ịsọvọ ẹnịnị.

Ireevi 26:1

Ẹnẹyịmavara ộ kà a yị Anisirẹrị nịnị ka, à sị ẹnịnị mẹ ori nịnị yị ẹngụ ẹnịnị o. À sị ẹ sị ụmọmọ ịsa ọnyọọnyị jẹẹ, à sị ẹ́ sị ịrẹta mẹ ọhẹ jẹẹ, à vị ka ẹ̀ bẹ́ ịrẹta jẹẹ ịnị ẹtẹ ẹnịnị dị ẹẹ vàa ku ẹtẹẹ yị ọ o, agụvị ka ọnị ọ vị Ẹnẹyịmavara Ohomorihi ẹnịnị nị.

Ịhagayị 2:18

Dị ọ ka, ẹnịnị e ne si eyi pe ẹtẹ hụrẹ ẹkụhị oohu tụra ẹẹna ịnị ụhwẹ ịhịịna ana a ká irehi Ohomorihi ọnọnị ẹtẹ. Ẹnịnị vee re ịsa ana vaa mẹ tụ́ ọvịdị na.

1 Anịkọrịntị 10:14

Agụvị avọọ, ẹwụ nịnị ẹyịnyara ayị, asị ụ nyị ụvọ tụ́ ini ori ọyịhẹkẹ nịnị!

Iwe Ọhụhị Imosiisi ana aa hị́ Ọyịvatụrọda 27:15

O yi vee ze yị ọza tụra ọza ana aa sị ịrẹta, ọchị, a vị enyusẹ mẹ ori anị, di e were-were hẹkẹ ẹ. Enyisi ori ọyị hẹkẹ vị yị Ẹnẹyịmavara. Dị avaba aza ọ̀ ha aamị!

Iwe Ọhụhị Imosiisi ana aa hị́ Ọyịvatụrọda 4:16

Asị ẹnịnị mẹ̀ ebira odivi na ku ịsa ẹnyẹnyị jẹẹ dị ọ vị ori ẹnịnị, dị ọ hyakụ ve vene ọnọrụ a vị ọnẹẹ,

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

1 Ịjọọnụ 5:21

Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!