Ireevi 19:3 - IWE ỌNỊNỊ

³ Ọzọza ọ̀ sị ụbanyị yị ada anị ọnịrị ọnyị anị, dị ẹ̀ sị ụvọ za ịrẹyị ẹkụhị ụhwọtụ anka ọnị mẹ mẹẹ ọda yị wa, ọnị ọ vị Ẹnẹyịmavara, Ohomorihi ẹnịnị nị.

Ireevi 19:3 ပူးပေါင်းရင်းမြစ်များ

Oyinyima 48:12

Di Ijosẹẹhụ kụ́ ezi ẹnẹẹ hụụnị ahụ Ijekọvụ nị. Di Ijosẹẹhụ tana tụra ẹtẹ yị ada anị,

Inehemaya 9:14

Dị ọ zụ wa a mẹ vọrọ ka a sị ụvọ za ẹkụhị ụhwọtụ nị. Ộ sị avaba ọda anị tụ́ Imosiisi ozi ahụ anị hi wa.

Ọyịkụra 16:29

Tamayị ka ẹmị Ẹnẹyịmavara mâ sị ẹkụhị ụhwọtụ yị wụ nịnị. Agụvị avọọ dị mị ka wa kụ́ oze ẹẹva ịhị ẹ tụ́ ọ ẹkụhị ịhịnọnyị nịnị nị. Ọzọza ọ̀ yà ịzị ọ̀ọ yà ịnị ịhị ẹ tụ́ ọ ẹkụhị ịhịmba. Asị a nyị ọza ana jịnẹ tụ́ ẹhẹ.”

Ọyịkụra 20:12

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

Ọyịkụra 20:8

Waā za ido ẹkụhị ụhwọtụ. Yẹ ka ẹkụhị irenyi ọ vị yị Ohomorihi nị.

Ọyịkụra 21:15

Ọza ọ̀ọ nyị ada anị ịsa, àa vị ọnya anị, ọza ọnọọ vị ana aa wụ.

Ọyịkụra 21:17

Ọza ọ̀ọ kụ̀ ada anị àa vị ọnyị anị ụhụ ọza ọnọọ vị ana aa wụ.

Ụhịrẹyị 1:8

Ozi emi, wụ́ ịrẹyị ada awụ, dị asị ụ si eyi wụ́ ịrẹyị ọnyị awụ.

Ụhịrẹyị 23:22

Wụ ịrẹyị ada awụ ana ma wụ, dị ụ waa tẹsị ọnyị awụ ịjị ọ̀ọ sị vịra.

Ụhịrẹyị 30:11

Aa nyị aza ẹnyị anaā kụ̀ ada ẹnịnị ụhụ. Avọọ ẹ mẹ rẹẹ̀ ka chire ọnyị ẹnịnị nị.

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Ezikẹẹrị 20:12

Ẹnẹyịmavara kà, ọnị ộ rẹ sị ẹkụhị ụhwọtụ anị yị wa ka ọ̀ vị apọtẹrẹwa yị ọnịrị wa; dị ẹnịnị ẹ̀ yẹ́ ka, ọnị ọ vị Ẹnẹyịmavara ana nyị wa tụ irenyi nị.

Ireevi 11:44

Ohomorihi ka, ọnị ọ vị Ẹnẹyịmavara, Ohomorihi awụ nịnị nị, agụvị avọọ, sị ẹngụ awụ nịnị tụ irenyi yị ọnị nịnị agụvị ka ọza ọnịnị ọnị vị nị. A sị ụ sị ịsa anaā sịị ahụ ọnịrị ụvọọ tura ịrẹsụ ẹtẹ du ẹngụ awụ nịnị ẹngụ o.

Ireevi 19:25

Ama ịnị ịrayị ọhụhị anị, ẹnịnị ẹ́ zụ aa rị ẹtụtụ ọchị ẹnẹẹ, ọ ka ẹnịnị ẹ̀ẹ maanị mẹ avaba ẹsẹnị, ọchị ẹnịnị vaa tụ́ ẹtụtụụ yị wa hu avọọ. Ọnị ọ vị Ẹnẹyịmavara, Ohomorihi ẹnịnị nị.

Ireevi 19:30

Ẹnịnị ẹ̀ saasa ọda ẹkụhị ụhwọtụ anị, dị ẹ̀ sị ụbanyị yị aha ana a yaa hẹkẹ ọnị, ọnị ọ vị Ẹnẹyịmavara nị.

Ireevi 19:31

Ẹnẹyịmavara kà à sị Anisirẹrị nọ ịdị aza anaa họ̀ oku nini use ịrẹyị ka ẹ̀ sị ajuwe yị ẹnị, ẹnịnị ẹ̀ẹ vavọọ mẹ, vị́ eyee du ẹngụ ẹnịnị ẹngụ nị. Ọnị ọ vị Ẹnẹyịmavara, Ohomorihi ẹnịnị nị.

Ireevi 19:34

Ọ kà anẹkụra ọsa ana va ra pe wa vị ẹnẹ vaa sị eyi ozi ẹtẹẹ re. Ẹnịnị ẹ̀ sì ịrẹyị anẹkụra ọsa ẹnẹẹ anka e me sì ịrẹyị ẹngụ ẹnịnị; agụvị ka azọga ẹnị rẹ vịdị vị tụ ẹtẹ Ijipiti nị. Ọnị ọ vị Ẹnẹyịmavara, Ohomorihi ẹnịnị nị.

Ireevi 23:3

Ọ kà, ẹkụhị ịhịnọnyị ẹnịnị vaa sị mẹ̀ ụkọrọ nị, ịhị ẹ tụ ọ ẹkụhị ịhịmba vị ẹkụhị ụhwọtụ, vị́ ẹ vaa sị tụ́ ụhwọ́ nị. Ẹnịnị ẹ́ yị vaa mẹ̀ ụkọrọ ọnyọọnyị ịhị ọnọọ, ama ẹnịnị vaa wara a gụ, dị ẹ̀ hẹkẹ ọnị. Aha tụra aha ẹnẹ ẹ̀ẹ ya, Ẹnẹyịmavara ọ nyị ẹkụhị ụhwọtụ ọnọọ nị.

Ireevi 26:2

Ọ kà ẹnịnị ẹ̀ sị ụvọ za ịrẹyị ẹkụhị ụhwọtụ anị nịnị dị ẹ̀ sị ụbanyị yị aha ana a yaa hẹkẹ ọnị. Ọnị ọ vị Ẹnẹyịmavara nị.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Iwe Ọhụhị Imosiisi ana aa hị́ Ọyịvatụrọda 27:16

O yi vee ze yị ọza tụra ọza ẹnẹ ẹ yị sị ụbanyị ada anị ọnịrị ọnyị anị. Dị avaba aza ọ̀ ha aamị!

Iwe Ọhụhị Imosiisi ana aa hị́ Ọyịvatụrọda 5:16

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?