Ireevi 18:5 - IWE ỌNỊNỊ

⁵ Avọọ, ẹnịnị ẹẹ mẹ̀ ịsa aā mẹ, dị ẹẹ saasa ọda ọnị ọnị sị yị wa; ọ ka, vị́ ẹ́ vaa dọ ẹhẹ ẹnịnị ha ẹ̀ẹ vavọọ aa mẹ nị. Ọnị ọ vị Ẹnẹyịmavara.

Ireevi 18:5 ပူးပေါင်းရင်းမြစ်များ

Aniroomi 10:5

Àa vị ịnị ka Ohomorihi ọ̀ za ọza ịrịka tụ́ ịnị ọnịrẹyịzẹyịza, agụvị ka ộ saasa ọdaa yọ, â nyị ịsị Imosiisi vịdị kà ịnị anị. Ọ kà, “Ọza tụra ọza ana àa mẹ̀ ịsa ọnị ọda kà, ọ vaa yàra agụvị ọda ọnọọ.”

Ezikẹẹrị 20:11

Ịzọọ ọnị ya mẹ ọda anị yị wa, dị ọnị mẹ ka ẹnịnị ẹ̀ yẹ ẹ nị. Ẹnịnị àa saasa ọda anị ẹnẹnị, ẹ́ vaa ra ẹhẹ obooro.

Anigaratiya 3:12

Àa vị ịrẹyị ọda Aniju yọ, ẹ yị nyị ka ọza ọ̀ nyị ẹdọwụ. Ama “ọza ana àa yịị mẹ̀ ịsa ọnị ọda kà, ọ vaa yàra agụvị ọda ẹnẹẹ nị.”

Iruuku 10:28

Dị Ijeesu ka, “Wê tụ́ ohi ẹtẹẹrẹ. Vavọọ naa mẹ ka ụ vaa yàra pooro zịna-zịna.”

Ezikẹẹrị 20:21

Ama ezi ẹnịnị ẹnị ệ rẹ kụ̀ hịrẹ ọnị; ẹnịnị ẹ́ yị saasa ịrẹyị anị; ọda anị oni ọza aa saasa dị ọ mẹ ka ọza ọ̀ yara, ẹnịnị ẹ́ yị saasa a. Ẹnịnị ẹ́ yị sị ụbanyị yị ẹkụhị ụhwọtụ anị. Dị ọnị ve roo ka ọnị ọ̀ sị ọyịkụ anị zụ̀ wa ịnị ụnọmị ịzọọ nị.

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ọyịkụra 6:2

Di Ohomorihi rẹ kà a yị Imosiisi dị ọ ka: Ọnị ọ vị Ẹnẹyịmavara nị.

Ịmarakayị 3:6

Ohomorihi kà ọnị ọ vị Ẹnẹyịmavara nị. Agụvị avọọ, ezi Ijekọvụ e yi ve vú ẹtẹ nị.

Ọyịkụra 6:29

Dị ọ kà a yọ ka ọnị ọ vị Ẹnẹyịmavara nị. Ọ kà ọ̀ kà a yị Ihwarawo ohinọyị Anijipiti avaba ịsị ọnị kà yọ.

Imatiwu 19:17

Dị Ijeesu kà a yọ ka, “Sị ẹ vẹ dị waa hị́ mị ‘Ọga ọyịza’? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ. Ama wèe sì ka wa yàra pooro zịna-zịna, sị ụvọ za ọda!”

Aniroomi 7:10

aa ka à na kà, di mi wusu nị. Ọda anaa mẹ ka ọ̀ mẹ ka aza ẹ̀ yàra booro, vị ana mẹ ka emè sú.

Ireevi 18:6

Ẹnẹyịmavara kà, à sị a nyị ọza ẹnịnị ana na sị ọza ọnị ọnịrị gẹ o. Ọnị ọ vị Ẹnẹyịmavara nị.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Inehemaya 9:29

Wâ ka wa ọnọ ka ẹ̀ varẹma va saasa ọda ọnị ụ mẹ yị wa, ama di e yee wuu hi u nị. Ayị ẹnịnị ọ sị katẹngụ, ê yi ka ẹnị ẹ yị vavẹ ịnị oze awụ. Ẹnịnị ẹ yị wụ́ chire ịrẹyị awụ ana zụ sị ẹhẹ obooro-obooro yị aza ana dọ, dị ẹnịnị nyayịnẹ nyị geri-geri ka ẹnị ẹ yị và ka wụ vẹ nị.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ezikẹẹrị 18:9

Ẹnẹyịmavara Ananyị ụkata hu ka ọza ọnọọ àa sị ịzẹyịza saasa ịrẹyị anị, dị aa mẹ ịsị ọnị ọda anị kà nị, ọza ọnọọ ọ vị ọnịrẹyịzẹyịza nị, avọọ, ọ vaa yara.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.