Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ireevi 17:7 - IWE ỌNỊNỊ

7 Asị Anisirẹrị nịnị kụkụ va hụrẹ ịrẹma Ẹnẹyịmavara, dị ẹ̀ naa wụ̀ ịsụpa ẹnịnị mẹ̀ ịsọvọ ịnị orere yị echu ana sị mẹẹ anka ẹvụ avọọ. Ẹwụ nịnị Anisirẹrị vị ana vaa saasa ọda ọnọnị pooro zịna-zịna.

အခန်းကိုကြည့်ပါ။ ကော်ပီ




Ireevi 17:7
23 ပူးပေါင်းရင်းမြစ်များ  

Ijerobowami vị ana a nyị aza ana vị ọnụtụ ori yị ẹngụ ana mẹ̀ ụkọrọ ịnị irehi ori ịzị ẹ yaa hẹkẹ ori ọnịrị arịjẹnụ nịnị beri ịsa ọnị ẹ bẹ̀ ene vene ụnọ.


Dị Anisirẹrị nịnị kụkụ aa kụ́ ezi ẹnịnịị mẹ̀ ịsọvọ yi ori nị.


Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ, ẹnịnị ẹ yị kụkụ sị ayị ọnya yị Ohomorihi.


Ọza ọ̀ọ na mẹ̀ ịsọvọ yị ori dị ahịka ẹ yị vị ẹmị Ẹnẹyịmavara kẹnẹ aa mẹ ịsọvọọ yị nị, à wụ̀ ọza ọnọọ.


Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.


Ệ wụsẹ raà sị ayị hụụnị ọda ọnị mị mẹ yị wa. Ẹ na raà si imaaru mẹ ori yị ẹngụ ẹnịnị. E si nyima ee kú ẹtẹẹ kụ́ ọ, ẹ rẹ yaa mẹ ịsọvọọ yọ, ẹ yaa kà a yị Anisirẹrị nịnị ka ori ana kụ́ wa jịnẹ hụrẹ Ijipiti aa vẹ ọ vị ọnọọ nị.”


Nyayịnẹ sị eyi pe ẹngụ awụ nịnị. Asị a nyị ịsị ẹwụrị aza ẹnẹẹ ana ra ịnị ẹtẹ ọnọọ na kà tịtẹ nịnị. Ẹwụrị wa ọ̀ọ vavọọ na rị, Ịjị èe si hu aa na hẹkẹ ori ẹnịnị dị ẹ mẹ ịsọvọọ yọ nị, dị ẹ va hị́ wụ nịnị dị ụ naa rị ịsa ịsọvọ ẹnịnị.


Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?


Ụmẹ ẹnị ẹ ra ẹtẹ Ijipiti, ozweyi ẹ́ vị dị a sị wa hụ nị; dị ẹnịnị kụkụ aa sẹ̀ ịrẹka nị.


Ẹ́ yị hụụnị ịrẹkọyịsẹ ọnị o nyima anị Ijipiti. Ọ mẹ hụrẹ vị ozweyi ọnịrị ọnọrụ nịnị â sụ̀, dị ẹyaa kụ ụvọ sìsi ọ ẹngụ anka ọsẹrẹka avọọ nị.


Ẹnẹyịmavara kà Imosiisi ọ̀ kà a yị wa ka, Anisirẹrị ọnyọọnyị, à vị anẹkụra ọsa ana ra vahụra wa ọ̀ọ mẹ̀ ịsọvọ ana aā rị ịra, à vị ịsọvọ ọnyọọnyị ọsa aha ọsa,


Ọnị ụvọta vaa và eyi ịrazịị ka ọza ọnọọ ọnịrị avaba anineehi anị, ọnị ọnịrị dudu naa mẹ ori ana aā hị́ Imorẹkị, dị ẹnịnị ẹ̀ yị mẹ ịzẹyịza hi ọnị, ọnị ẹ́ yi kụkụ vaa za wa ịrịka beri aza nị.


Ọsọnị ọ̀ vị ọda ọnị avaba Anisirẹrị nịnị vaa saasa pooro aha tụra aha ẹnẹ ẹ̀ẹ ra nị. A sị ẹ na rị ụhị ịsụpa avị ọnyọọnyị o.


O si tù ụmẹ booro aanị ka à mẹ̀ ọkarẹyị yị anẹhẹ. Booro aanị a vaa dụ ohinọyị ẹhẹ ọnọnịị jịnẹẹ kwooze nị.


Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.


Ẹ yị vị avọọ! Ama mị ka ịsị anarịmadọwụ nịnị aa sịị mẹ̀ ịsọvọ vị ẹnị ẹyaa mẹẹ hi ụhwẹ echu. Ẹ yị vị Ohomorihi, ẹ́ yaa sịị mẹ̀ ịsọvọ hi. Me yi sì ka ẹwụrị ụhwẹ echu ọ̀ na vabẹ nịnị.


Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.


Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.


Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.


Ệ mẹ̀ ịsọvọ yị ori ẹnị ẹ yị vị Ohomorihi, ori ọwọọwa nịnị ẹnị ohiku ẹnịnị ẹ yị yẹ. Anisirẹrị nịnị ẹ yị vịdị saasa ori ẹnẹẹ daa.


Aza ana vọ ọnị ụyọrị ẹẹta ẹnẹẹ ẹ̀ yị wụ, e yi yi ro ịnẹ varẹma hụụnị ịsa ẹnẹ ẹ yaa mẹ. Ẹyaa yị hẹkẹ ụhwẹ echu nịnị ọnịrị ori ana a sị igooru ọnịrị enyusẹ irenyi-irenyi ọnịrị ịrẹta beri ọchị mẹ. Ịsa ẹnẹẹ ẹnị e yi zụ re ẹtẹ, ẹ yị zụ wụ́ ịrẹyị, ẹ yị rẹ zụ zị ụsẹ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ