Ireevi 17:5 - IWE ỌNỊNỊ

⁵ Iruvo ana a sị mẹ ọda ọnọnị ọ vị ka, Anisirẹrị ẹẹ sị ịsụpa ẹnẹ ẹẹ̄ wụ aha ana vọ va yị Ẹnẹyịmavara nị. Ẹnịnị ẹ̀ sị ọ vẹ ve tu ohirẹsụ irehi Ohomorihi enoze ajẹngụ Ẹnẹyịmavara dị a wụ̀ ọ ọ̀yị mẹ̀ ịsọvọ ẹngwọọrọ hi Ẹnẹyịmavara.

Ireevi 17:5 ပူးပေါင်းရင်းမြစ်များ

Oyinyima 21:33

Di Abụrahamị chire ọchị ana aā hị́ Ịtamasiki tụ́ Ịbẹẹsẹba nị. Dị ọ yà ịzọọ mẹ̀ aduwa yị Ẹnẹyịmavara, Ohomorihi ana yà ịzọọ pooro zịna-zịna nị.

Oyinyima 22:13

Di Abụrahamị kụ̀rà eyi tụ́ ẹba nị. Ọ mẹ̀ kana eyi, di o re ka â nyị ịdẹba ọnya aanị ẹnị ẹchịchị za ọpanyị tụ́ ịrẹma anị nị. Di Abụrahamị na sị ịdẹba ọnọọ, dị ọ wụ̀ ọ dị ọ rị ọ ịra mẹ̀ ịsọvọ yị Ohomorihi nị. Ọnị ọ vana sị dọ ozi anị ịrẹsụ nị.

Oyinyima 22:2

Di Ohomorihi ka ọ sị ozi anị Ayiziiki, ozi anị ikonya gene-gene ọnọọ ọnị ọ vavọọ sì ịrẹyị anị, dị ọ̀ọ nọ ịnị ẹtẹ Imoriya. Ọ kà òo tù ịzọọ, dị ọ nọ ịnị ataba ọnya ọnị ọnị vaa sị zụ̀ ọ, dị ọ wụ̀ ozi anị ọnọọ, dị ọ̀ rị ọ ịra mẹ̀ ịsọvọ yị ọnị.

Oyinyima 31:54

Di Ijekọvụ mẹ̀ ịsọvọ yị Ohomorihi ịnị ataba ọnọọ nị Dị ọ ka aza anị ẹ̀ rị ịsa nị. Ịjị ẹ sị ịsa rị, dị ẹ yà ịnị ataba ọnọọ ịrahụ ịhị ọnọọ nị.

1 Ohinọyị 14:23

Ẹnị ẹ rẹ da aha ọnẹba, di e hi ọhẹ, dị ẹ rẹ nyị ori ana aā hi Asẹra hi avaba ịnị ataba ọnẹba ọnịrị hi avaba iruvo ọchị ana avị anị vị ohwoohu nị.

1 Ohinọyị 3:2

Ama aza ẹnẹẹ vị ana a mịị mẹ̀ ịsọvọ aha ọnẹba agụvị ka ịnị ụmẹ ọnọọ ọza ộ yị dà irehi yị Ẹnẹyịmavara.

1 Ohinọyị 3:3

Isoromọnị vị ana nyayịnẹ sì ịrẹyị Ẹnẹyịmavara dị ọ saasa ọda anị anka Idevidi ada anị mẹ̀ mẹ. Ama aha ọnẹba ọnị raa mịị mẹ̀ ịsọvọ, dị aa rị eturare ịra ịzọọ nị.

2 Ohinọyị 16:4

Ahazi ộ mẹ̀ ịsọvọ ịzị aza anaā hẹkẹ ori nịnị yaā mẹ ori ịrẹsụ ataba ọnịrị iruvo avaba ọchị ana nyị ihuhu.

2 Ohinọyị 17:10

Avaba ịrẹsụ ataba ọnịrị iruvo avaba ọchị ana nyị uhuhu vị ẹnẹ ẹ sị ịrẹta mẹ ọhẹ hi; dị ẹ mẹ uyi ori ọnẹẹ ana aā hị́ Asẹra hi ịzọọ.

2 Ịtọpa 28:4

Aa na aha ori ene hi ịrẹsụ ataba ọnịrị avaba ọchị ẹbanyị nịnị naa mẹ̀ ịsọvọ, dị ộ rị eturare ịra hi ori ẹnẹẹ Anisirẹrị ọnịrị Anisiriya ẹ̀ gẹ ịrẹkụụ Ijuda.

Ọyịkụra 24:5

Di Imosiisi tụ́ ezwọọmụha dị ẹ na mẹ̀ ịsọvọ ana aā rị ịraa yị Ohomorihi nị. Dị ẹ rẹ sị ezi imaaru dị ẹ wụ̀ ọ mẹ̀ ịsọvọ yị Ẹnẹyịmavara di e dudu rị ọ nị.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ezikẹẹrị 22:9

Aza ẹnyị ịnị ẹngụ awụ nịnị vị enee du azaa zị ụvị dị aa wụ̀ aza ẹnẹẹ. Aza ẹnyị ịnị awụ nịnị aa nọ ịrẹsụ ataba naa rị ịsị aa sị mẹ̀ ịsọvọ yị ori nịnị. Dị ahịka ịsị ọchẹngụ aza enyi èe sì kẹnẹ ẹẹ mẹ nị.

Ezikẹẹrị 43:27

Ịhị ẹkụhị ịhịmba ẹnẹẹ ẹ̀ẹ sị gụ, ohirẹsụ irehi Ohomorihi nịnị vee nyima hụrị ịhị ẹ tụ ọ ẹkụhị ịhịnta va na, dị ẹyaa mẹ̀ ịsọvọ anaa rị ịra ịrẹsụ ụta ọnọọ ọnịrị ịsọvọ ana aza va mẹ ka ẹnịrị Ohomorihi ẹ̀ zụụ mẹ uzee. Ịjọnọọ ayị anị vee hinee tu wa. Ọnị Ẹnẹyịmavara Ochẹtẹẹngụ ọ ka avọọ nị.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ireevi 17:4

àa vị ka ẹ́ yị vị ọ sị ọ vẹ enoze ajẹngụ Ẹnẹyịmavara dị ọ sị va mẹ ịsọvọọ yị ọ, ọza ọnọọ ọ sị ịvị rị ka ộ jị ịsa hi ẹtẹ. Vị ọ jị ịsa avọọ nị; ọza ma vana kụkụ ro ọza ọnọọ vaka aza Ohomorihi.

Ireevi 17:6

Ohirẹsụ irehi Ohomorihi ọnọọ vee che anịị sẹ ụta ana ya enoze ajẹngụ Ẹnẹyịmavara, dị ọ rị ụhị anịị ịra ụvị dị ọ̀ dà agụ ene vee hine Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 12:2

Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.