Ireevi 17:4 - IWE ỌNỊNỊ

⁴ àa vị ka ẹ́ yị vị ọ sị ọ vẹ enoze ajẹngụ Ẹnẹyịmavara dị ọ sị va mẹ ịsọvọọ yị ọ, ọza ọnọọ ọ sị ịvị rị ka ộ jị ịsa hi ẹtẹ. Vị ọ jị ịsa avọọ nị; ọza ma vana kụkụ ro ọza ọnọọ vaka aza Ohomorihi.

Ireevi 17:4 ပူးပေါင်းရင်းမြစ်များ

Oyinyima 17:14

Ọ kà àa nyị ọnọrụ ẹnẹ ẹ̀ yị jị ụvẹvẹnẹ, ọnị yị kụkụ vaa za a tụ́ ịnị aza anị, agụvị ka ọ yị jẹẹ pè ịrẹyị ọnọọ.

Ahẹ Ụgama 32:2

Ọza ẹnẹ Ẹnẹyịmavara ọ̀ọ raà jị ịhị yị dị ọza ọnọọ ò yi me vene ọza nị vaa dàa jẹ kẹnẹ.

Ọyịkụra 12:15

Dị ọ ka Eche ọnọọ òo si tù, ẹ vaa rị Ịbụrẹẹdị ẹnẹ ẹ̀ yị nyị òwù pooro mẹ ẹkụhị ịhịmba. Ịnị ẹkụhị ịpaapa ēni eche nyima, dị ẹ kụ́ avaba owu hụụnị eehi ẹnịnị. Ọ kà àa nyị ọza ana rị ịsa ana nyị owu pooro dị ẹkụhị ịhịmba ọnọọ ọ̀ mẹ, ọ̀ yẹ ka aanị ộ ta ịnị Anisirẹrị.

Ọyịkụra 12:19

Ọza ọ yị nyayịnẹ re òwù ini eehi ẹnịnị pooro dị ẹkụhị ịhịmba ọ̀ mẹ. Ọ kà àa nyị ọza ana rị ịsa ana nyị owu, ọọza ọnọọ ộ ta ịnị Anisirẹrị. Òo zee eyi ọ̀ vị ọzọga.

Ọyịkụra 30:33

Ọza ana àa vavọọ na mẹ ẹngụ angwẹ ọnọọ, à vị ka dị ọ̀ na ká a kú ọza ẹnẹ ẹ̀ yị vị ohirẹsụ irehi amị, ọza ọnọọ ọ̀ yẹ ka ẹ yị kụkụ vị ịnị aza amị ọnị yà.”

Ọyịkụra 30:38

Ọza ana àa na mẹ ẹngụ eturare ọnọọ yị ẹngụ anị ka ọnị ọ̀ọ sịị tụ́ ẹngụ, ọza ọnọọ ọ̀ yẹ ka ọnị ọ yị kụkụ yà ịnị aza amị.”

Ayịsaya 66:3

Ama a raà chi hi aza ana mẹ̀ ene zee wa eyi kẹnẹ, ebira vi ene hine wa. Agụvị avọọ, Ẹnẹyịmavara ẹ̀ yị dọ ịsọvọ ẹnịnị. Ịsọvọ ụnọ ẹnịnị vị ọnị o re anka ọza ọ̀ọ wụ̀ ọza avọọ nị. Ịsọvọ ozi atẹmẹ ẹnịnị vị ana ya anka ọza ana wụ irezi gụ ori avọọ. Ịsọvọ akụ ẹnịnị sị mẹ anka ọza ọ̀ọ sị ụra mẹ̀ ịsọvọ yị ori avọọ nị. Eturare ọnị ẹ̀ẹ rị ịra vaa sị mẹẹ anka ọza o rere aa ma aduwa yị ori avọọ nị.

Ezikẹẹrị 20:40

Ọ kà, agụvị ka ịnị ataba ọnịnị anị, ataba ana nẹba tụ ẹtẹ Isirẹrị, avaba ẹwụ nịnị Anisirẹrị vaa yaa hẹkẹ ọnị nị. Ayị anị vee hinee tu wu nịnị, dị ọnị ee zì ka wa va mẹ̀ ịsọvọ yị ọnị nịnị ịzọọ dị wa sị ịsị ịsọvọ awụ nịnị ene hu kere-kere ọnị ụ sị tụ irenyi nịnị va yị ọnị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 17:10

Àa nyị Anisirẹrị ọnyọọnyị à vị anẹkụra ọsa ana ra vahụra wa ana rị uye, ọnị vaa và eyirazịị kà ọza ọnọọ, dị ọnị é yi me vene rò o vaka anda ẹnịnị nị.

Ireevi 17:14

Ka ịnị ẹhẹ avaba ịsa ana yara ya nị; agụvị avọọ ọnị Ẹnẹyịmavara sị kà a yị ẹwụ nịnị Anisirẹrị ka, à sị ụ rị uye nị. Dị ọnị rẹ ka, ọza ana àa vavọọ mẹ, ọnị é yi me vene rò o vaka anda ẹnịnị nị.

Ireevi 17:3

Ọ kà, àa nyị Anisirẹrị ana wụ́ ụnọ à vị ozi atẹmẹ, à vị ẹvụ udi, ọ̀ọ daka vị ịrẹma udi ọ́ ya wụ̀ ọ nị,

Ireevi 17:5

Iruvo ana a sị mẹ ọda ọnọnị ọ vị ka, Anisirẹrị ẹẹ sị ịsụpa ẹnẹ ẹẹ̄ wụ aha ana vọ va yị Ẹnẹyịmavara nị. Ẹnịnị ẹ̀ sị ọ vẹ ve tu ohirẹsụ irehi Ohomorihi enoze ajẹngụ Ẹnẹyịmavara dị a wụ̀ ọ ọ̀yị mẹ̀ ịsọvọ ẹngwọọrọ hi Ẹnẹyịmavara.

Ireevi 17:9

dị ẹ̀ yị sị ọ vẹ enoze ajẹngụ Ẹnẹyịmavara ọ̀ yị va mẹ̀ ịsọvọ yị ọ nị, ọza ẹ́ yị ma vana kụkụ ro ọza ọnọọ vaka aza Ohomorihi.

Ireevi 18:29

Ka ọza tụra ọza anaa mẹ ịsị eenyisi ẹnẹnị ọnyọọnyị, ọnị e yi me vene rò ọza ọnọọ vaka anda ẹnịnị.

Ireevi 20:16

Ọnyẹnẹẹ ọnịrị ịsụpa ẹ̀ẹ sụ, à wụ ẹnị ẹyịva. Ẹnị e sị ẹngụ ẹnịnị isu nị. À sị a nyị ọza ana tụ ohuvọ.

Ireevi 20:18

Ọnọrụ ọ̀ọ sị ọnyẹnẹẹ enee ré ịsị ụhwẹ anị, à dụ ẹnị ẹyịva hụụnị ẹkụra, agụvị ka ẹnịnị ẹ́ raà sị ahụ jịnẹ ọda ịrẹyị anaa mẹ ka à sị ọza nị.

Ireevi 20:3

Ọnị nyẹmba vaa và eyi ịrazịị ka ọza ọnọọ dị ọnị é yi kuku rò o vaka aza anị, agụvị ka ộ sị ọnya ịnị ezi anị mẹ Imorẹkị ẹyịza. Ịsị ọnị ọ́ mẹ avọọ vị ọnị ọ sị du aha ana aā yaa hẹkẹ ọnị ẹngụ, dị ẹ rẹ sị mẹ̀ ụhị nyị ịrẹha ọnịnị anị nị.

Ireevi 3:2

Ọza ọnọọ vaa sị ụvọ tụra ịsụpa ọnọọ ịrẹsụ, dị ọ wụ̀ ọ enoze ajẹngụ Ẹnẹyịmavara. Ẹnị ezi Eerọnị ana vị ohirẹsụ irehi Ohomorihi vee che anị sẹ ụta ịsọvọ eyi ẹnyị eyi ọsa,

Ireevi 7:18

Uye ịsọvọ ọnọnị ọ̀ọ mẹ ẹkụhị ẹẹta, dị a kụkụ ị rị ọ nị, Ohomorihi ẹ́ yị vaa dọ ịsọvọ ọnị ọza ọnọọ mẹ. Ẹ́ yị rẹ vaa zá a ịrịkaa tụ ịnị ọyịzaa yị ọ. Enyisi ọ vaa vị nị. Ọza ana àa rị ọ, vaa rị ụya anị nị.

Ịjọọnụ 10:7

Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Aniroomi 4:6

Ẹngụ ịrẹyị ọnị Idevidi vịdị aa kà ọ vị ọnọọ nị, ọ maa kà ịrẹyị ẹngụ ịrajẹ aza ẹnẹ ẹ̀ yị nyị ịsị ẹ mẹ̀ di Ohomorihi za wa ịrịka tụ́ ịnị ọnịrẹyịzẹyịza.

Aniroomi 5:13

Dị a va yẹ ka aa mẹ ọda, aza ene hi ịnị ẹhẹ hụrẹ aa mẹ̀ ebira odivi nị. Ịjị ẹ̀ yị nyị ọda, Ohomorihi ọ yị chẹrẹ ịvị ana aza aa mẹ̀ẹ tịtẹ.

Aniroomi 5:20

Ọda ộ vẹ, agụvị ịsa odivi ọ̀yị mẹ ọ̀ọ banyị hu avọọ. Ama ịzị ịvị ọ̀ọ yà aa banyị, ịzọọ áyamva Ohomorihiī banyịị tụ́ụ hu nị.

Iwe Ọhụhị Imosiisi ana aa hị́ Ọyịvatụrọda 21:8

Ọdọvịdị ẹkụra nịnị ẹnẹẹ vaa mẹ̀ aduwa ka Ẹnẹyịmavara ọ navọ ọ̀ vagu aza anị Anisirẹrị nịnị. Ẹwa dọ wa tụ hụrẹ Ijipiti nị. Vagu yị dị a sị ụ sị ụya rị yị agụvị ọza ẹnẹ ẹ̀ yị nyị ịsị ọ mẹ dị a wụ̀ ọ.