Ireevi 17:16 - IWE ỌNỊNỊ

¹⁶ Ama ẹ̀ yị nyịna ịta anị, dị ẹ yị hụ enyi nị, ọ vaa rị ụya ịvị anị.

Ireevi 17:16 ပူးပေါင်းရင်းမြစ်များ

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ireevi 18:1

Ẹnẹyịmavara ộ kà a yị Imosiisi ka,

Ireevi 19:8

Ẹnẹyịmavara kà ọza ana àaa rị ọ vaa rị ịvị, agụvị ka ọ́ raa sị eyi oweyi ré ịsa ana a sị tụ irenyi yi ọnị Ẹnẹyịmavara. Ọnị é yi kuku ve rò ọza ọnọọ tụ ịnị aza anị

Ireevi 20:17

Ọnọrụ ọ̀ọ nyị ọyịnyara anị ọnẹẹ à vị adẹnyara anị, dị ọnịrị ọ sụ nị, à mẹ̀ ụhị nyị wa eyi avaba aza, dị à dụ wa hụụnị ẹkụra. Ọnọrụ ọnọọ ó ree ré ahwaahụ ọyịnyara anị ọnẹẹ à vị adẹnyara anị, agụvị avọọ, áa nyị ka ọ̀ rị ụya anị.

Ireevi 5:1

Ọza ọ̀ọ mẹ̀ ịvị agụvị ka â hị́ ọ ka ọ̀ va dọ ivenu ịnị orere, dị ó yi ka ọnị ẹ́ ị kà ịrẹyị nị, ọza ọnọọ vaa rị ụya anị.

Ireevi 7:18

Uye ịsọvọ ọnọnị ọ̀ọ mẹ ẹkụhị ẹẹta, dị a kụkụ ị rị ọ nị, Ohomorihi ẹ́ yị vaa dọ ịsọvọ ọnị ọza ọnọọ mẹ. Ẹ́ yị rẹ vaa zá a ịrịkaa tụ ịnị ọyịzaa yị ọ. Enyisi ọ vaa vị nị. Ọza ana àa rị ọ, vaa rị ụya anị nị.

Ịjọọnụ 13:8

Dị Ipita ka, “Wẹ yị vaa nyịna ahụ amị paa!” Dị Ijeesu ka, “Mẹ̀ yị nyịna ahụ awụ, ẹ yị nyị ịsị ẹmịrị ẹwụ kụkụ vaa nyị ọyịmẹ̀ vabẹ.”

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.