Ireevi 16:4 - IWE ỌNỊNỊ

⁴ Ẹnẹyịmavara kà, dị Eerọnị ộ va ngụ aha ọnịnị ene hu aanị, áa nyị ka ọ̀ hụ enyi, dị ọ̀ kụ ẹnya ohirẹsụ irehi Ohomorihi hi ẹngụ: ò chire awuru ọgọdọ hwẹkẹ-hwẹkẹ anị, dị ọ̀ vụ́ aaruchi oweyi tụ ọ, ọ̀ sị obo sụ ọtẹ, dị ọ̀ jị ubobo anị.

Ireevi 16:4 ပူးပေါင်းရင်းမြစ်များ

Ọyịkụra 28:2

Jị awuru ohirẹsụ irehi Ohomorihi yị Eerọnị ẹnẹbẹnị awụ. Awuru ọnọọ ọ vị awuru ana rụra mẹ ọvị dị ọ̀ sị ụbanyị yị ọza.

Ọyịkụra 29:4

Di ụ sị Eerọnị ọnịrị ezi anị vẹ enoze ajẹngụ ịzị a yàa gẹ, dị ụ hụ wa enyi ịzọọ.

Ọyịkụra 30:20

Ụmẹ tụra ụmẹ ẹnị ẹ yaa ngụ ịnị ajẹngụ ịzị aā gẹ, ẹ̀ vavọọ nyịna ẹngụ ẹnịnị ka à yị vị avọọ e ve sú. Ẹ̀ẹ rẹ yaa nọ ịnị ụta ka ẹnị ẹ̀ na sị ịsọyịrị mẹ ịsọvọọ mị,

Ọyịkụra 40:12

Dị Ẹnẹyịmavara rẹ ka Imosiisi ọ̀ rẹ kụ́ Eerọnị ọnịrị ezi anị vẹ enoze ajẹngụ ọnọọ dị ọ̀ hụ̄ wa enyi nị.

Ayịsaya 53:2

Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e.

Ezikẹẹrị 44:19

Dị ẹ̀ va jịnẹ tụ ẹhẹ ne tu aza ana vọ ịnị ohweje ana a yà ẹhẹ, áa nyị ka ẹnịnị ẹ̀ ngwa ẹnya ẹnẹ ẹ́ kụ hi ẹngụ mẹ̀ ụkọrọ da; dị ẹ̀ kụ ọ gẹ ịnị aku ana a sị tụ irenyi yị wa. Ẹnịnị ẹ̀ kụ ẹnya ọnịnị ẹnẹ ẹ vịdị ku hi ẹngụ ọ̀ na zàmà aza ana vọ.

Ezikẹẹrị 9:2

Ịzịịzọ, dị aza ẹnị ịhịnọnyị vana zị oze ọbanyị ana a zịị̄ ngụ ịnị irehi Ohomorihi vẹ nị. Oze ọbanyị ọnọọ vị ana yà eyi ẹbẹẹba. Ọzọza vị ana sị ẹnya ịrẹkụ anị rị ụvọ. Â nyị ọza ịnyara ana kụ ẹnya ọvwọọvụ hi ẹngụ, ana saasa wa vẹ. Dị ọ sị ịsị a sịị chẹrẹ ịsa rị ụvọ nị. Dị avaba ẹnịnị vaa jẹẹ akaha ụta ịsọvọ ana a sị enyusẹ ọkatarihi mẹ nị.

Ireevi 16:23

Eerọnị vaa ngụ ịnị ajẹngụ Ẹnẹyịmavara, dị ọ ngwa ẹnya ohirẹsụ irehi Ohomorihi ọnị o ku hi ẹngụ dị ọ va ngụ aha ọnịnị ene hu, dị ọ navọ wa hi ẹtẹ ịzọọ.

Ireevi 16:24

Ọ vaa ya aha ọnịnịị hụ enyi, dị ọ va kụ ẹnya ọnị ụvọta hi ẹngụ, ịrẹma ọnọọ, ọ vaa jịnẹẹ tụ ẹhẹ, dị ọ na mẹ̀ ịsọvọ ana aā rị ịra yị ẹngụ anị ọnịrị yị aza ana vọ; dị à sị vagu ịvị ọnị ụvọta ọnịrị ịvị aza ana vọ.

Ireevi 16:32

Ohirẹsụ irehi Ohomorihi ọbanyị ana a nyị jẹẹ ẹtẹẹtẹrẹ ka ọ̀ dọ ada anị ịrẹsụ, ọ vaa mẹ̀ ịsa vọrọ ka à mẹ dị a sị nyịna ịvị kwooze ọ vaa kụ ẹnya ohirẹsụ irehi Ohomorihi hi ẹngụ,

Ireevi 6:10

Ohirẹsụ irehi Ohomorihi vee chire awuru ọgọdọ ọvwọọvụ anị, dị ọ rẹ vụ awuruchi oweyi ọvwọọvụ. Dị ọ na kụ atịtọ uye ọnọọ hụụ ịrẹsụ ụta ịsọvọ dị ọ sị tụ akaha anị.

Ireevi 6:3

Ọza oo re ve he ịsa ene vu di e cheeche hị́ eku ka ọnị e yi re e nị, ọza ọnọọ ọ sị ịvị mẹ̀ hi Ẹnẹyịmavara.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Anihwiripi 2:7

Ọnị ụvọta ộ sị ẹngụ anị ka ẹ yị nyị ịsị ọnị vị, ị ọ vara ẹngụ anị ozi ahụ nị. Ộ vara ẹngụ anị anka ọza rị ẹyịrẹsụ,

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.