Ireevi 16:2 - IWE ỌNỊNỊ

² Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Ireevi 16:2 ပူးပေါင်းရင်းမြစ်များ

1 Ohinọyị 6:16

Dị ọ sị ọchị isida, dị ọ sị dà aku hi ịrẹma irehi ọnọọ nị. Hụụnị eteesu aku ẹnẹẹ na ngụ ini ugene vị ahụ ohurẹẹwụ. Aku ọnọọ vị ọnị ọ dà tụ́ ịnị ịnẹ eehi keekere, dị ọ sị ịzọọ mẹ aha ọnịnị keekere nị.

1 Ohinọyị 8:6

Di ohirẹsụ irehi Ohomorihi nịnị sị apoti oto Ẹnẹyịmavara nọ ịnị aku ọdịrẹma keekere ini eehi ọnọọ nị. Ịzọọ ọ vị aha ọnịnị keekere nị. Dị ẹ sị apoti ọnọọ tụ́ uruvo avaka ikerubi ẹnẹẹ nị.

2 Ịtọpa 5:14

eguhi ana dẹngụ, ohirẹsụ irehi Ohomorihi ệ yị nyẹngụ mẹ̀ ụkọrọ, dị ụbanyị Ẹnẹyịmavara hi irehi anị nị.

Ọyịkụra 30:10

Ụpẹ ọnya kẹnẹ ịnị ịrayị Eerọnị vaa gụ̀ ọpanyị ụta ọnọọ nị. Anya ịsụpa ana a sị mẹ̀ ịsọvọ ka à zụ vagu aza ini ịvị ẹnịnị ọ vaa sị gụ̀ ọ nị. Avọọ ọ mẹ̀ vaa mẹẹ pooro nị. Ẹmị Ẹnẹyịmavara ọ vaa nyị avaba ụta ọnọọ nị.”

Ireevi 16:13

Ọ vaa yà ọvịdị Ẹnẹyịmavara ịzọọ, dị ọ và eturare ọnọọ hi ịnị ịra, dị areyi anị ọ̀ chaka ku ịrẹhụ ayamva ana yà ịrẹsụ apoti oto ụ vị dị a sị o su agụvị ka oo re e.

Ireevi 16:34

Ọda ẹnẹnị vị ọnị ụ vaa saasa nịnị pooro zịna-zịna. Ido ọnọnị vị ọnị a vaa mẹ ụpẹ ọnya ịnị ịrayị, dị à sị nyịna ịvị Anisirẹrị nịnị kwooze. Ẹnẹyịmavara mẹ mẹ̀ ẹ ọda yị Imosiisi gẹdẹ-gẹdẹ, avọọ a mẹ mẹ̀ ẹ nị.

Ireevi 23:27

ịhị ẹ tụ ọ ẹkụhị ẹẹwụ ịnị ụhwẹ ọhụhịmba ọnọnị ọ vị ẹkụhị ọbanyị ana aā sịị vagu ịvị yị aza nị. Ẹkụhị ẹnẹ ẹnịnị vaa sị waraa gụụ hẹkẹ ọnị ọ vị nị. Ọ kà ẹkụhị ọnọọ vị ẹnẹ ẹnịnị vaa sị awẹ, dị ẹnịnị va mẹ̀ ịsọvọ ana aa rị ịraa hi Ẹnẹyịmavara.

Ireevi 8:35

Enoze ajẹngụ Ẹnẹyịmavara ụ́ vaa yà nịnị ọọdụ ọnịrị ịrahụ pooro dị ẹkụhị ịhịmba ọ mẹ nị, dị waa mẹ ịsị ọnị Ẹnẹyịmavara mẹ ọda anị yị wụ nịnị. Wẹ̀ yị vavọọ mẹ̀ ẹ nịnị, u wee sú nịnị nị o. Aanị Ẹnẹyịmavara mẹ mẹ̀ ẹ ọda yị mị nị.

Ịrịka 17:10

Dị Ẹnẹyịmavara kà a yị Imosiisi ka ọ̀ sị okutẹ Eerọnị tụ́ ịnị ajẹngụ ọvịdị apoti oto. Ịsa ana mẹ̀ aanị vaa ka aza anaā rị uhuhu hi ọnị ọnọ ka ẹ za avọ hi agụvị asị ọnị vu wa ẹtẹ.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Ịrịka 4:19

Ẹẹ saasa wa na kụ ẹnya ịnị irehi Ohomorihi. Dị sị zụ wa a mẹ vọrọ ka ọzọza ọ za ẹnya anị agụvị asị e su.

Ịrịka 4:5

Àaa nyị ka ẹyaa kwẹẹtẹ hụrị aha ọnyị ngụ ọsa, Eerọnị ọnịrị ezi anị ẹ vịdị va ngụ ịnị ajẹngụ na tụ achị ịnị akakana ne ku apoti oto da nị.

Imatiwu 27:51

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Anihiburu 6:19

Ịsa ọnị ị sị eyi tụra, ọ za ayị ayị jẹẹ geri-geri nị. Agụvị avọọ, ọyịtureyi ayị ọ́ọ para ịzị a sị ịsa jị hu na huuu na ngụ aha ọnịnị keekere.

Anihiburu 9:25

Avaba ohirẹsụ ọbanyị irehi Ohomorihi vị anaā ngụ Aha Ọnịnị (ini irehi Ohomorihi) ịrayị-ịrayị. Dị a hị́ ka anya uye ọ sị na nị, ayị vị anya ẹngụ anị. Ama ẹ yị nyị ka Ikirisiti ọnị ọ̀ọ sị ẹngụ anịị mẹ̀ ịsọvọ ụmẹ tụra ụmẹ.

Anihiburu 9:3

Ịnịnẹ anị, â nyị aku ana a sị ịta ọsa ana ratụpọ jị oze anị. Ịzọọ aā hị́ Aha Ọnịnị keekere nị.

Anihiburu 9:5

Ị́rẹsụ oku apoti ọnọọ â nyị anggẹẹrị ẹẹva aanị ana nyị ụbanyị ana a mẹ, ana aā hị́ Ikerubimi. Ệ gana avaka kú apoti ọnọọ. Ệ jẹẹ yị Ohomorihi ana yaayịtẹ ịzọọ, ịzị ọ yàā vayị aza nị. Yẹ yị nyẹngụ aa kà avaba anị chẹẹ-chẹẹ booro aanị.

Ẹtore 15:8

Igirima Ohomorihi ọnịrị ụbanyị anị ộ mẹ̀ ka areyi ọ̀ vị ohihi Irehi Ohomorihi ọnọọ. Ẹ yị nyị ọza ana zụ ngụ ọọ, pooro dị ụyọrị ịhịmba ana anggẹẹrị ịhịmba ẹnẹẹ sị rị ụvọ ta.