Ireevi 15:5 - IWE ỌNỊNỊ

⁵ Ọza tụra ọza ana àa kanyị ịvẹẹdị anị vanaa nyịna ịta ọnị o ku hi ẹngụ, dị ọ hụ enyi; ọza ọnọọ ẹ́ yị nị pooro di oruva ò tu.

Ireevi 15:5 ပူးပေါင်းရင်းမြစ်များ

Ahẹ Ụgama 26:6

Ẹnẹyịmavara, wê re m mẹ̀ nyịna ụvọ amị, ka mẹ yị rị ịvị Mee jesii kara ụta ịzị a yàa mẹ ịsọvọọ wụ.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Ọyịkụra 19:10

Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị,

Ayịsaya 1:16

Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi

Ayịsaya 22:14

Ẹnẹyịmavara Ochẹtẹẹngụ ọ sị ọ kà a mị, ọ ka pooro di we sú, ọnị ọ yị vaa vagu wu agụvị ebira odivi ọnị ụ maanị mẹ aanị.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ezikẹẹrị 36:29

Ọnị vaa dọ wụ nịnị ha hụụnị avaba ịsa enee du wu nịnị ẹngụ. Ọnị vaa mẹ ọda ka akụ ọ̀ mẹ va gwẹtẹ, agụvị asị ụngwẹ kụkụ vana kụ̀ wụ nịnị.

Ireevi 11:24

Ịsa ẹnẹnị e vee du wu nịnị ẹngụ nị. Ọza tụra ọza anaaa kanyị oku uye ẹnẹẹ vị ene du ẹngụ anị ẹngụ pooro naa ngụ oruva,

Ireevi 11:25

Ọza tụra ọza anaaa sị oku uye ẹnẹnị ẹnyẹẹnyị vanaa nyịna ịta anị, ama naa ngụ oruva ịhị ọnọọ, ọ sị ẹngụ anị du ẹngụ.

Ireevi 11:28

Ọza ana àa sị eku uye ẹnẹnị, ọ̀ na nyịna ịta anị dị ọ̀ nị dị oruva ò tu. Ịsa eenyisi ẹ́ vị yị wụ nịnị nị o.

Ireevi 11:32

Ịsa ọnị oku ẹnịnị ọ̀ọ hụrẹ ne ngụ o sị vara ịsa eenyisi; ọ̀ọ vị ịsị asị ọchị mẹ, ọ̀ọ vị awuru, à vị ụpa, à vị ampo, ọ̀ọ va vị ịsị ọnyọọnyị ana á nyị ịsị a sịị̄ mẹ: â nyị ka è ne e ngụ enyi na ngụ oruva, dị ọ vana va nị.

Ireevi 13:34

Ịhị ẹ tụ ọ ẹkụhị ịhịmba, ohirẹsụ irehi Ohomorihi rẹ vaa zama ẹngụhụ ọnọọ re, ẹ̀ yị gara hi ọza ọnọnị ẹngụ, dị ẹ̀ yị rẹ nyịnẹ huni ụpẹngụ anị ana kara a nị, ohirẹsụ irehi Ohomorihi vaa kà a yọ ka ọ́ọ nị. Ọza ọnị ẹngụ aa zị aanị vanaa nyịna ịta anị, dị ọnị ụvọta nị.

Ireevi 13:6

Ịhị ẹ tụ ọ ẹkụhị ịhịmba anị, ohirẹsụ irehi Ohomorihi rẹ vaa zama a re, ịtahụ ọnọọ àa vị, dị ẹ̀ yị dà gẹ ụpẹngụ ana vọ nị, ohirẹsụ irehi Ohomorihi ọnọọ vaa kà a ka ọza ọnọọ ọ́ọ nị. Ịtahụ kẹnẹ ịtahụ anị vị nị, ọ va naa nyịna ịta anị, dị ọnị ụvọta nị.

Ireevi 14:27

dị ọ jị igege ụvọrị anị ngụ ọ, dị o che e sẹ ẹtẹ ụpẹ ịhịmba ọvịdị Ẹnẹyịmavara.

Ireevi 15:18

Ọnọrụ ọnịrị ọnyẹnẹẹ ẹ̀ẹ sụ, enyi jịnẹ hụụnị ẹngụ ẹnịnị nị, ẹnị ẹyịva vaa hụ enyi. Ẹnịnị ẹ́ yị vaa nị pooro dị oruva ịhị ọnọọ ò tu.

Ireevi 15:4

Ịvẹẹdị ọnị ọza ọnị enyi ọnọọ và hụụnị ẹngụ anị ọ̀ọ hụtẹtẹ, ẹ́ yị kụkụ nị; avaba ịsị ọ̀ọ yaatụ ịnị anị, ẹ́ yị rẹ kụkụ nị.

Ireevi 15:6

Ọza tụra ọza ana àa yaatụ ịnị ịsa ọnị ọza ọnị enyi ọnọnị và hụụnị ẹngụ anị aanị yaatụ, rẹ vanaa nyịna ịta anị, dị ọ hụ enyi; ọza ọnọọ ẹ́ yi vaa nị pooro di oruva ò tu ịhị ọnọọ.

Ireevi 16:26

Aa nyị ka ọza ana dụ ẹvụ ọnọnị ngụ ụnọmị na yị Azazeri aanị ọ̀ nyịna ịta anị, dị ọ̀ hụ enyi dị ọ̀ vavẹ va ngụ udi ẹnịnị.

Ireevi 16:28

Ọza ana na rị wa ịra vaa nyịna ịta anị, dị ọ hụ enyi, dị ọ̀ va vavẹ va ngụ udi ẹnịnị.

Ireevi 17:15

Avaba ọza ana àa rị oku uye ene sú yị ẹngụ anị à vị oku uye ọnị uye ọsa wụ, ọ̀ọ vị ozi ẹtẹ, ọ̀ọ va vị anẹkụra ọsa; ọ̀ na nyịna ịta anị, dị ọ̀ hụ enyi. Ẹ́ yị kụkụ vaa nị pooro dị oruva ò tu ịhị ọnọọ, dị ọ̀ va nị.

Ịrịka 19:10

Ọza anaa kụ́ atịtọ ọnọnị gụ vị ọnị ọnị rẹ vaa nyịna achị anị, dị ọ hụ enyi. Ọnị ọ yị rẹ nị pooro ngụ oruva anị. Ọda ọnọnị vị ana ya ịzọọ pooro ya Anisirẹrị nịnị ọnịrị anikinami anaa ra beri wa.

Ịrịka 19:22

Ịsa tụra ịsa ọnị ọza ẹnẹ ẹ yị nị ọ̀ọ sị ụvọ kanyị, ọza tụra ọza ana kanyị ọ, ẹ yị va nị pooro di oruva o tu.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

1 Ịsamụwẹrị 20:26

nyị ịsị Ịsọọrụ kà ịhị ọnọọ. Ô ro ka â nyị ịsị ẹ mẹ̀ Idevidi ana vị ịrẹyị enyisi. Ọ kà a yị zụ nyị ka ẹ yị vị a nyị ịrẹyị enyisi ene tù Idevidi.