Ireevi 13:2 - IWE ỌNỊNỊ

² Ikenebe ọ̀ọ jị ọza, à vị dị ịtahụ tụra a nị, ọ̀ọ va vị ka ẹngụ anị hụ́, ana ahịka ka ọ zụ vara ụkụ odivi tụ ọ ụpẹngụ nị, à sị ọza ọnọọ ne tu Eerọnị à vị evere anị ana vị ohirẹsụ irehi Ohomorihi.

Ireevi 13:2 ပူးပေါင်းရင်းမြစ်များ

2 Ịsamụwẹrị 3:29

Isu Abịna vị ẹnị ẹnya vaa rị Ijowabi ịrẹsụ ọnịrị avaba aneehi ada anị. Avaba aneehi Ijowabi vị ẹnị ẹngụ ẹnịnị vaa jị ikenebe arumada, dị ụkụ ọbanyị za wa. Okutẹ aza ẹnyị vaa sị zị ụsẹ, dị ịrẹkụ wụ̀ aza ẹnyị nị. Ẹnịnị e mē vene re ịsa rị.”

2 Ohinọyị 5:1

 nyị ọnọrụ ọnya ana aā hị́ Ịnaamanị. Ọnị ọ vị ọdọvịdị isoja Anisiriya nịnị nị. Ọza ọkụmị-ọkụmị ọnị ohinọyị Isiriya sị ụbanyị yị ẹtẹẹtẹrẹ ọ vị nị, agụvị ka, zị oze ịnị ụvọ anị, Ẹnẹyịmavara ộ mẹ̀ ka Anisiriya nịnị ẹ̀ rị ịrẹkụ ọrụrụ-ọrụrụ. Ịnaamanị vị isoja ana zụ kụ́ ịrẹkụ ẹtẹẹtẹrẹ, ama ọnụkụ ọbanyị ọ vị nị.

2 Ohinọyị 5:27

Dị ọ ka, ụkụ ọbanyị Ịnaamanị vaa kụ̀ra vaa za wụ beri avaba ịpa evere awụ pooro zịna. Ịjị Igehazi na hụrẹ ọvịdị Erisa, ụkụ ọbanyị ọ sị ọ za. Dị â vwẹtẹ owu oyiche avọọ nị.

Ayịsaya 1:6

Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ.

Ayịsaya 3:17

avọọ Ananyị yị vaa mẹ ka ịtahụ ẹ̀ chị hi ịnị ịrẹsụ anyẹnẹẹ Anịzayọnị, dị ọ mẹ ka ẹnịnị ọ̀ kụ́ ọmarị.

Ireevi 13:1

Ẹnẹyịmavara ộ kà a yị Imosiisi ọnịrị Eerọnị ka,

Ireevi 13:3

Ohirẹsụ irehi Ohomorihi ọnọọ vaa zama ịtahụ ọnọọ re; ẹyị ana ya ịpa ịtahụ ọnọọ ọ̀ọ sị vara ọvwọọvụ, dị ịtahụ ọnọọ sị nyịnẹ hu ọchẹngụ anị ana vọ nị, ụkụ ọbanyị ọ vị avọọ nị, ohirẹsụ irehi Ohomorihi ọnọọ vaa kà a ka ọza ọnọọ ẹ́ yị kụkụ nị.

Ireevi 13:8

Ohirẹsụ irehi Ohomorihi vaa zama a re, àa vị ịtahụ ọnọọ sị yara hi ẹngụ nị, dị ọ kà a ka ọza ọnị ụkụ ọnọnị za ẹ́ yị kụkụ nị, ụkụ ọbanyị ọ za a nị.

Ireevi 14:3

ohirẹsụ irehi Ohomorihi ọnọnị vaa jịnẹ tụ ẹhẹ hụụ ịzị aza ra hi, dị ọ na zama ụkụ za ọnọọ re, ọ̀ọ ta,

Ireevi 14:35

Ọza ana nyị irehi ọnọọ vanaa kà a yị ohirẹsụ irehi Ohomorihi ka irehi anị o si nyima aa chị́ uru.

Ireevi 14:56

dị a rẹ mẹẹ yị ịtahụ à vị ikenebe ọnịrị ẹngụ ọza ọ̀ọ hụ́ nị.

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Ịrịka 12:10

dị eguhi ana da jẹẹ ịrẹsụ ajẹngụ va hịrẹ nị. Obobooro ọnọọ ụkụ za Imeriyamị, dị ẹngụ anị aa vwẹtẹ anka owu ochiche avọọ nị. Eerọnị mẹ maanị re e kẹnẹ,

Ịrịka 12:12

Asị ọ zẹ ka ụpẹngụ Imeriyamị ọ vụ anka ozi ene su tụ ịnị ịnẹ ọnya anị, dị a va ma a avọọ.

Imatiwu 8:4

Dị Ijeesu kà a yọ ka, “Re, asị ụ kà a yị ọza ọnyọọnyị! Ama na sị ẹngụ awụ zụ̀ ohirẹsụ irehi ahẹkẹ Aniju; dị ụ wa na mẹ̀ ịsọvọ oni Imosiisi mẹ ọda anị, dị ọ̀ vị ivenu yị wa ka ẹngụ awụ ộ ta!”

Ịmaakị 1:44

Dị ọ rẹ kà a yọ ka, “Re ka wẹ yị kà a yị ọza ọnyọọnyị o! Sị ẹngụ awụ na zụ̀ ohirẹsụ irehi Ohomorihi, ka â mẹ wụ ụkụ; dị ụ wa na mẹ ịsị Imosiisi kà a ka wa mẹ”.

Iruuku 17:14

Dị Ijeesu re wa nị, dị ọ ka, “Waa na nịnị, dị ụ wa sị ẹngụ awụ nịnị na zụ̀ ohirẹsụ irehi Ohomorihi!” Ẹ́nịnị màa na óze, dị ẹngụ ẹnịnị ta nị.

Iruuku 5:14

Dị Ijeesu hú ọ ụvọ ka, “Re, asị ụ kà a yị ọza ọnyọọnyị, ama na sị ẹngụ awụ zụ̀ ohirẹsụ irehi Ohomorihi; dị ụ wa na mẹ̀ ịsa oni Imosiisi mẹ ọda anị, agụvị ka wa sị nị, dị ọ̀ vị ivenu yị wa ka ẹngụ awụ ộ ta.”

Iwe Ọhụhị Imosiisi ana aa hị́ Ọyịvatụrọda 24:8

Aza ana àa nyị ụkụ ịnị ọchẹngụ ana katẹngụ, e re ka ẹnị ẹ mẹ ịsị ohirẹsụ irehi Ohomorihi nịnị ẹẹ ka yị wa. Ẹ saasa ịrẹyị ọnị Ẹnẹyịmavara mẹ ọda anị yị wa.

Iwe Ọhụhị Imosiisi ana aa hị́ Ọyịvatụrọda 28:27

Ẹnẹyịmavara vaa mẹ ka ịtahụ ọ̀ tụra wụ nịnị anka ọ mẹ̀ mẹ Anijipiti nịnị ịrayị ọnọọ. Ọ vaa mẹ ka ẹngụ awụ nịnị ọ̀ vị ịtahụ-ịtahụ. Ịtahụ vaa chakaa ku wu ẹngụ nịnị, dị ẹngụ aa hụ́ wụ nịnị. Ịtahụ awụ nịnị ẹ yị vaa nyị ahọnọ.