Ohomorihi ka o vee zee yị wa, dị ọ ka, “Ẹ vaa ma ozii rụrụ, ezi ẹnịnị vaa ra avaba ẹhẹ, dị ẹ vi ohinọyị tụra ịrẹsụ ịsa ene hi ẹhẹ. Ẹ vaa nyị ọda tụra ivovo ọnịrị inomi ne beri avaba uye irenyi-irenyi.
Di Ohomorihi kà a yị ọnẹẹ ọnọọ ka, “Ọnị vaa sị eyi anị re ịrẹyị ẹtẹẹtẹrẹ àa ma ozi. Vị ọ vaa zị ọ ẹnẹmẹhị nị. Ama vi o vee yii sì ka ọnị ọ̀ yà ịda ọva anị nị, di ahịka ọnị aa mẹ ọdaa tụra a nị”.
Di Idevidi tụ́ na hị́ Ịbatịsẹba, dị o ve tù ọọ nị. Dị Idevidi za a dị ọnịrị ọ sị sụ̀ nị. Ịnị ụmẹ ọnọọ Ịbatịsẹba vị anaa za ido ụnị ana aā mẹ ịrẹma ịsa ụhwẹ ọnyẹnẹẹ. Ịjị ọnịrị ẹ vavọọ sị mẹ, di Ịbatịsẹba si hu aa nọ eehi anị nị.
Ama àa vị ozi ọnẹẹ ọ́ ma nị, ọsẹ ẹẹva ọ́ vaa vị ọnịrị ịdọtịị vị, anka èe ré ịsị ụhwẹ anị avọọ nị. Dị ọ varẹma mẹ ẹkụhị ẹbẹẹta tụra ịhịnọnyị dị ọ̀ va nị hụụnị ọnị ọ́ va ha nị.